اعضاء وزوار المنتدى الكرام
السلام عليكم ورحمة الله وبركاته
اكتب لكم اليوم بدع وجواب بين :
الشاعر / عادل بن حيدره بن حلبوب اليافعي (اخو صالح)
ومحسوبكم / احمد بن صالح
والشاعر عادل انما هو صديق وبيننا واياه اخذ وعطا فالقصيد ..وحتى لو اشتد الكلام بيني واياه فهو لايخرج عن حدود الاثاره الشعريه .. ولا يفسد للود قضيه
البدع من الشاعر عادل اليافعي:
اخو صالح كذب من قال شاعر=بيتحدى الصقور اليافعيه
ابويافع بيده سيف باتر=بيقطع راس اصحاب العنيه
ونا من موقعي باثور ثاير=وكبد الخصم بشويها شويه
قد التاريخ يشهد بالدفاتر=ودون صفحته بالابجديه
حكمنا حضرموت في وقت باكر=وتشهد ميفعه والعولقيه
حكمناها وسوينا هناجر=وحررنا الاراضي الحضرميه
وامسا اليافعي في الليل ساهر=بيحميها من اليد الخفيه
حميناكم زمان ماكنت قاصر=زمان اول بوقت الجاهليه
وسوينا عيال شبوه عساكر=لنا كنتوا حراسه عسكريه
حقيقه واضحه ماحد بناكر=وماحد ينكر التاريخ شيه
خرج ذا فصل والثاني مسامر=نجوم الليل لاوقت الضحيه
وبعد الان يالهاجس تغادر=صباح الخير من قبل العقيه
وشل الخط لي ياطير طاير=وتوصل عند بن صالح عشيه
ورشه عطر باريسي مفاخر=ولاتنسى صحابه والبقيه
اجا مخصوص عاني للاكابر=ويستاهل ولد صالح هديه
وقله جائنا وقت المظاهر=وقفات الرجال شف منتهيه
معد حد ينصفه من كان صابر=على حر الزمن ذي فيه ليه
قد الظالم ترى مرتاح تاجر=عياله يدرسوا بالخارجيه
وذي عنده ضمير مسكين خاسر=وكل الناس ترميه بالحويه
خرج ذا فصل والثالث خواطر=نبي نسأل على ملك البنيه
وبتخبر على مارب وصافر=وخيرات البلد وين هيه
قضايا فاسده وسط المخافر=ولا حتله بها ايت قضية
ونا بقول ظاهر بظاهر=حكومتنا حكومه مرتشيه
ختمناها بذكره خير طاهر=وذي يشفع لنا يوم الحميه
والجواب من اخوكم / احمد بن صالح
الاياحي ياواحد وقادر=الا يامن حياتك سرمديه
الا ياعالم ابحالي وخابر=تيسر كل صعبه او عصيه
بدينا نذكرك يارب غافر=ويبدا اليافعي بالعنجهيه
شكرنا ربنا لاهل ماطر=ولا ادري اليافعي يشكر معيه !!
الا يامرحبا وزن القناطر=بذي جانا وشرفنا بجيه
بعادل ذي عليه القلب صابر=وله في جوف صدري حسن نيه
ولكنه تعدا يوم بادر=وهاجمنا بكلمات اهمجيه
ولابجلس على ذا الهرج حاسر=حشا ماصبر على هرجه شويه
انا قد كنت له صابر مجابر=هلالي هادي ونفسي رضيه
هلالي كالجبل راسخ وجاسر=وعقلي ينطوي الفين طيه
هلالي في زمان السلم كابر=وربعي كلهم "حلم" و"رويه"
ولكن لا لمحنا شي مخاطر=تروح اعقولنا "غيض" و "حميه"
ولا تلقى امامك غير كاسر=معه قلبه كما صخره قسيه
كواسر يامعادينا كواسر=وتعرفنا الاراضي التونسيه
نسابق من تحدانا وخاطر=ونبقى مالكين الاسبقيه
واذا حوض المنيه جا مجاكر=تسابقنا على حوض المنيه
ذكرت ارضي وربعي ذكر جاير=وقلت ان اهل شبوه عسكريه !!
حشا يايافعي منته معاصر=لشبوه فالعصور الاوليه
نعم تشهد لها كل المجازر=وتشهد دولة المتوكليه
بعيده عن شوارب كل فاجر=بعيده يابلادي يا ابيه
الا يا يافعي خل المظاهر=وبطل فالعروض المسرحيه
وخلك في تجارات البناشر=تشوف التايرات الدايريه
همج تفكيركم مثل البرابر=كما بعض الشعوب البربريه
تكابر والزمن مثلك يكابر=ولا لك فالزمن شكل وهويه
دولكم قادها خاين وغادر=غدر واليه ذي امن وليه
وجاب اصحاب يافع من مغادر=ظلم سودا يباهم حارسيه
تبحث فالمراجع والمصادر=ودور (بوطويرق) والبقيه
غدر غدره باصحاب الضماير=وخليتوا لذكره عالميه
فذا كان المسبب للتفاخر=وقلتوا انه اعلى مرجعيه
فنا باقول من اعلى المنابر=معد حد يافعي نفسه وفيه
الا يافعي اسمع مشاعر=حمد ذي كن عز ومقدريه
هلالي والهلالي عبد شاكر=لربه ذي عطاه الافضليه
الا يا يافعي بكره مقابر=تعذب كل من يعصى نبيه
ونا دايم بحالك دوم فاكر=عجيبه ليش حالك اجنبيه
اذا نادى المنادي فالحواظر=الا صلوا مع خير البريه
تدبر ..كن منته فيه فاكر=على ذا الصوت ذي علا دويه
الا ياصاحبي بحت حناجر=ولا زال لاحاديثي بقيه
ولكن بختم الابيات ذاكر=محمد ذو الجبين الازهريه
ذكرت فالابيات ابو طويرق : وهو رجل يافعي كان من مرافقي احد السلاطين في حضرموت واظنه السلطان الكثيري ...وقام ابو طويرق بجلب رجال وعساكر من يافع حتى اصبح قوه وانقلب على السلطان .. وحكموا حضرموت لفتره
تحياتي
العرض العادي
