اعضاء وزوار المنتدى الكرام
السلام عليكم ورحمة الله
اخواني والله انا اَسف شديد الاسف على الانقطاع الطويل
في هذه الصفحه
بن لزان بدع و
احمد بن صالح جوب
اترككم مع الابيات
بدع بن لزان
يقول خوزايـد إن النـوم مـا جانـي=وامسيت ساهر حبيس الهم والإحـزان
من وقت عايب غـدر فينـا وأذانـي=لا بد ما سايره وارحل مـع النسيـان
با أصبر ولا بافرح الحساد والشانـي=وانا احمدك يا آلهي ياعظيـم الشـان
وبعد يا مرسلي بالخـط قـم عانـي=وأركب الشاص ذي من وارد البهـوان
واعزم قدا المملكه يا مرسلي سانـي=لاعند ذي بالاحساء من ربعنا حـلان
هم فخرنا هم دفـى جنبـي وإكنانـي=يزيد راسي بهم يا خير هـم اخـوان
انشد على ابن القفيشي واعطيه قيفاني=سلام مليون له يبلـغ مـلأ الوديـان
ورش ثوبه بعـود اخضـر وريحانـي=يزيد راسي بكم يـا صفـوة الشبـان
خرج لكم فصـل لكنـه دخـل ثانـي=با انشدك وافتنا يـا صاحبـي ف الأن
عن وضع مزري تعب حالي وغثانـي=لما متى ارضنا بكف عفريت من جان
لما متى باتظلـي مسـرح وميدانـي=لكل من جاء قتل في سوق بن سرحان
غبني غبيني على لولـي ومرجانـي=ماللوم يلفى كبار القوم فـي الجيـلان
يا حوج من ما بواطل ع القاف تحداني=والعفو لو انا بهذا القول شي غلطـان
وألف صلوا على محمد رسول البياني=عداد ما حن رعده وما ارخت بالامزان
صح لسانك يابن لزان
وجواب اخوكم احمد بن صالح
يالله لك الحمد يامكرم بالايماني=يارافعا شان عبدك "رفعة الايمان"
في ارض سكانها كافر ونصراني=وحد يهودي وحد عباد للاوثان
يامرحبا خط جا بالنت مجاني=محمول مكفول عبر النت بالمجان
من عند شاعر مسمى ببن لزاني=ابوحمد ذي مسمى بسم بن لزان
يامرحبا الكازمي..نسل الشريفاني=يامرحبا الف ولا مرحبا الفان
ماامست رعوده تزرجم راس قنفاني=وامست بروقه تضوي ضو فالقنفان
يامرحبا خط جا واختار عنواني=ونا حمده يوم ماضيع به العنوان
يامرحبا مرحبا حيا بضيفاني=كلمات دخلتها قلبي كما الضيفان
كلمات من بوحمد..عانى على شاني=انا اشهد انه بدع بالقول ذي له شان
جاني وصدره محمل "فـل" ملياني=والله يقدر..عسا مارجعه مليان!!
شكى لي الحال واثر الحال خرباني=ياكم ليالي وحال المنطقه خربان
شبوة بكت دم..شبواني بشبواني=تقتالوا قتل ماقد صار فالشيشان
وش عاد لاسال دم الاحمر القاني=باتشتعل نارها كبرى كما البركان
واتقابلوا اهلها "روسي" و "افغاني"=شبوة من القتل قدها "منطقة الافغان"
لا جاك مجرم بشبوة وين ماكاني=خلوه يسرح ولاحد ينشده من كان
كنه على حق..لا ماهو بغلطاني=كنه "مريكي" قتل قريه ..وهو غلطان!!!
شبوة كسيره ولا للعظم جبراني=والله يعلم متى بايحصل الجبران
والنور مابان ..لما الان ..ماباني=والليل طول ..ونور الصبح لا مابان
عطشان يا امن..جيت اليوم عطشاني=وراك يا امن..ماتروي ظما العطشان؟!
تعبان ياعدل..جيت اليوم تعباني=وراك ياعدل ماتعطف على التعبان؟!
قد لمتكم يوم انا داري بذي جاني=من يوم ماحلها يحكم وحكمه جان
رجال مبسوط عالمنظر وطرباني=رايق على حال شبوة منبسط طربان
ماودنا لظلمه ..بس شوف لعياني=ماعاد بايختفي ذي شافته لعيان
ون حد حمس ..ياعسا مايبيت حمساني=هي هكذا ..حد بها راضي وحد حمسان
ماكان ودي ولكنه تفتواني=ابوحمد ذي سأل بن صالح الفتوان
ملا عسا الله يلهمنا بسلواني=ولا لشبوة سوى ذا الصبر والسلوان
يالله انظر لحال ارضي واوطاني=رحماك رحماك لا لا تحترق لوطان
والختم صلوا على ذي جا بقراني=ذي ثبت الله داخل صدره القران
وسلامتكم
اتمنى ان تكون القصائد حازت على رضاكم
تحياتي
العرض العادي
