|
ألم وجروح
أسمي قلبي المجروح ولا أنطقه بحساسك ... وأغير إسمي من راشد وأقول انه ألم وجــــروح
تبي تعرفني هم اكثر تعال وبــــدل الباسك ... وقابلني بوجه ضاحك وقلــــــبٍ طاهرٍ مفتـــــوح
حسبت أني حبيبك يوم واني بالهوى ناسك ... وحسبت إن الزعل ساعه سحابه تنجلي وتروح
إهي غيره ياعز الناس ولا شك في راسك ... تعال وخلنا نتفاهم نكفي من شقانا النـــــــــــــوح
حلفت انك غلا روحي ويرويني شهد كاسك ...ولا لي ثانـــي وثالث وانته أول المربــــــــــــوح
بربك ابعد اظنونك وصد أوهام وسواسك ... وفكر بالهوى مره وشوف اللي به المصلوح
تصدق عاد يكفيني أعيش بحس نوماسك ... أغازل بالهوى طيبك وقلبي خاضع ومطروح
حبيبي وش تبي اكثر تبيني اذوق من باسك ... تبي تعذبني بالقسوه وحبٍ ناقصٍ مجروح
نسيت إني انا راشد ونبضي ساس من ساسك ... بنينا حبنا خالص بأقوال وفعل ممدوح
عرفت الصدق مقياسي وانا حافظه مقياسك ...وحلفت اأكون من اجلك حياتي والعمر والروح
أمانه راجع اوراقك وفتح كل قرطاسك ... وأقراء اللي انكتب فيها وقولٍ صادقٍ مشروح
بعدها راضي ابحكم ولو أعلنت عن ياسك ...بقول الله لك حافظ طريقك اخضر ومسموح
اذا لفراق هو ودك وتشوفه فرحة اعراسك ... أوعدك أتركك ترحل مدام انه هواك مزوح
|
العرض العادي
