|
عشق ... ؟ خشوا وشوفوها مفاجاه
نويت مرباع الغضي سيد الاحباب
قصدي يزول الجرح زاد التهابه
جيت وبقايل نارهم حول الاطناب
بيت الشعر مطوي وباقي زهابه
اقفت ركايبهم ومني الهدب ذاب
الدمع يسري والذهل بالاجابه
على غزير الدمع ضميت الاهداب
صديت لين لين الدمع يقفي سحابه
بعض الوجاع يمكن تداويه الاعشاب
وبعض الوجاع يا ويل من هو سطا به
عشق بدوي لا حب ما هو بكذاب
يوفي ولو جرحه تجدد صوابه
واليوم وصلت بيننا مثل الاجناب
ذاك الغلا يا ضيعته يا سفابه
باكر اذا جينا لهم مثل الاغراب
من عقب ما كنا الاهل والقرابه
الامر لله كل شي له اسباب
ولا الهوى وش لي على ما اهتدى به
وشلون قلبي ما يجي اليوم منصاب
على الكتم منقوش بعض الكتابه
حتى اثر مشيه مع سهول وهضاب
مر يجيه ومر ما يندرى به
قلبي من الفرقا صويب ومرتاب
كنه غدى صوين من هول ما به
حزني عليه انه تسبب ولا طاب
نظرة طبيبه عجلت في ذهابه
ريح الخزامى والنفل زين الاطياب
يشدني ريح السمر في ثيابه
لا اقبل نسيم به خيل وركاب
وله في طلوع الشمس عز ومهابه
كلماااات الفنان الكبير خالد عبد الرحمن ابو نااااااائف
تحياتي شاااااااري الموووووووووووووت
للتصحيح
كلمات الشاعر : سعد الخريجي
غناء : خالد عبدالرحمن
|
العرض العادي
