|
اصيح باعلى الصوت نايف فقدناك= عساك تسمع صرختي يوم أناديك
السلام عليكم ورحمة الله وبركاته
القصيدة التي نشرتها جريدة الجزيرة في صفحتها الأخيرةفي يوم الأحد 16/11/1426هـ الموافق 18/12/2005م ... أبكت الجميع وحركت المشاعر وأثارت الأحاسيس ... أم نايف تحكي معاناتها في ابنها القابع بين قضبان سجون أمريكيا في ... قصيدة تستحق التشريف وقد توجتها بمدح وثناء لصاحب السمو الملكي الأمير سلطان بن عبد العزيز ولي العهد طالبة منه التدخل في القضية .
نسأل الله أن يفرج عنه وأن يسعد والديه وذويه برجوعه
اترككم مع القصيده
[poem=font="Simplified Arabic,5,orange,normal,normal" bkcolor="transparent" bkimage="http://www.sh3bwah.com/vb/images/toolbox/backgrounds/21.gif" border="double,6,green" type=0 line=0 align=center use=ex num="0,black"]
أصيح باعلى الصوت نايف فقدنـاك=عساك تسمع صرختي يـوم أناديـك
أنا أمك اللـي عيدهـا يـوم لقيـاك=يا سعد نفسي لـو عيونـي تلاقيـك
والقلب ناره تشتعـل عقـب فرقـاك=ما تطفي النيران يـا كـود أياديـك
لبست ثوب الحزن بعدك ولا انسـاك=والنـوم ودّع يـوم غابـت لياليـك
تاهت بي الخطوات وادروبي أشواك=والدمع من عيني على الخـد يبكيـك
أراجـع الماضـي واعيـد ذكـراك=تشدني الذكـرى وابكـي لماضيـك
سجيـن بالغربـة وياكبـر بـلـواك=الله يعينـك دايـم فــي بـلاويـك
هذا القدر مكتوب ... مكتوب ما جاك=اصبر عسـى الله بالنهايـه ينجيـك
بديار ( بوشٍ ) سجنك الموحش هناك=ياليت لي قدره على الدرب واجيـك
يا سجن ارفق مسندي وسـط مبنـاك=ما شاف شمس ومظلمـات مبانيـك
مدري يا عمري كيف الأحوال ويّاك=طمني عنـك طمـن امـك تحاتيـك
من يغسل اهدومك ومن قام يرعـاك=ومن يطبخ الوجبات منهـو يواسيـك
ومنهو الذي بالليل لا نمـت غطـاك=خوفي عليك البـرد بالحيـل يوذيـك
ودي قبـل موتـي مشاهـد محيـاك=ودي أضمك فـي يدينـي وحاكيـك
يا حافـر قبـري دخيلـك رجينـاك=تحط فوق النصب نيشـان بوصيـك
يمكن يحين الوقت ترجـع لمربـاك=وتزور قبري مسرع فـي خطاويـك
يا سيـدي سلطـان تكفـى طلبنـاك=يا راعي الفزعات تشكـر مساعيـك
شـلال طيـب منبعـه دوم يمنـاك=خيرك مغطي كـل بيـت باراضيـك
وقت الشدايد ما لها غيـر شـرواك=يبشر بعزه كل مـن جـاك ناصيـك
يـا سيـدي سلطـان حنـا فدايـاك=بارواحنـا نفديـك نفديـك نفـديـك
الجود وانت الجود يمشـي ببمشـاك=يمشي وراك ويتبعـك مـا يجاريـك
يتعبني مدحك لـو أعـدد سجايـاك=والشعر يرفـع رايتـه مـا يوفيـك
يالله عسى المولى يصونك ويرعـاك=ويعود نايف يـا عسـى الله يخليـك
أبختصرها يا ذرى كـل مـن جـاك=شكوى تجيلـك تنتهـي مـا تعديـك [/poem]
منقوووووووووووول
|
النمط المتتابع
