وعليكم السلام ورحمه الله وبركاته
ياحيا والله بالغالي بالشيبة كيف حالك وسلمة من الشر
مسافر الوطن بالتوفيق وبلغ السلام كل من سأل عنا
بس لي منعك اذا وصلت اليمن الله الله ان تجتهد وتغير شي في الاوضاع
يمكن تكون لك كلمة مسموعة عند الجماعة يوم انت مغترب
والله الله في كل شي معد نوصيك في شي قدك عارف
واما الجوابات خبر الجماعة اني عادني ارسلتها لهم مع بن مصيقع
والفلوس ذي ارسلتها لهم معة قلهم يسون لنا مدارة للغنم وعرشة من شان المطر
ومن شان الساقية لاعادالله بايهديهم وهم بايجمعون المغارم انهم يهتمون بها
ويقومونها ان شاءالله ان نشوف المطر من ربك ونسقي البلاد مايهملونها مثل المرة الاولة
لما مر السيل من عندهم وهم ماقوموها بسبب المغارم وانت ليمنع ابوك انك
تتابع الجماعة على شان يدفعون مغارمهم لانهم الصراحة يحترمونك وان شاءالله انك ماتقصر
ولاقدك باتجي من اليمن ليمنعك لاتنسانا من دبة عسل وطعم وبن وجب لي دهن سمسم
وبعطيك حقة لان معك سيارة ولابايوخذون عليك شي جمارك
والله الله اهتم في كل شي معد نوصيك قدك ماشاءالله عليك معد تحتاج ان احد يعلمك
وان شاءالله تصل بالسلامة اليمن
واذا وصلت البلاد سو لي رنة من جوالك وبتصل فيك اذا حصلت شي ارسال في المنطقة
بس اهم شي شل معك فانوس شع قالوا ان الكهرباء كل ليلة تطفى بعض الليالي يمسون بدون كهرباء
اهم شي خرج معك فوانيس
وبني ياخوك كثرت عليك لكن اقول تصل بالسلامة وفي امان الله يالغالي
جريح الفراق