العجوز والشايب في قصيدة مضحكة

[صادق الحرملي]

الشايب
قلبي شباب ولازم إني أعرس...مابي العجوز اللي توسد على الباب

الخير وأيد وماني مفلس...عندي فلوس تدعم البنك في حساااب

العجوز
ما باقي منك غير خشمك وهالضرس... تبى تعرس وانت كنك غراب

قابل صلاتك الله يشفيك من المس..وإلا ترى باطب ويهك بالترااااب

الشايب
انتي عجوز وأكلك الروب والخس...اما انا ما أكل غير تكة وكباب

ما فيني سكر غير ضغطي نازل بس...دام الهوى فيني ترى كل شي طاااب

العجوز
لا بارك الله فيك يالشيبه يالنحس...ما تجيبك الرمسه ولا يجيبك عتاب

قصرلي صوتك ماابي اسمع ولا حس...عطني طلاقي وانقلع وقضب الباب

الشايب

دومك نحيسه وذا لسانك يبيله قص... ربي ترى حلل لي اربع بالكتاب

هذا خميس الاعمى ياكم عريس...مرتاح بالدنيا بلا هم واعتاااب

العجوز
بطران وراسك كالصخر يابس وعص... مالوم طبعك يوم ربعك هالكلاااب

غادي شرا الاريل ودومك تتحيس... استح على ويهك اصلع ولعااااب

الشايب
فكيني من ويهك ترى مالي اي نفس... زهقان من شوفك وابقالي احباب

هذا طلاقك طالقة أربع وخمس... شلي طلاقك من ضميري بلا حسااب

العجوز

مشكور يا الشايب ومن دون اي دس... عندي حبيب ماابتعد لحظه وغاب

يشريك ويبيعك تراه باثمن وبخس... ماتسوى ظفره حلو اسمر وجذااب

الشايب
يالله قبل لا اموت منك وقتص... طلعتيلي قرنٍِ وراسي بعد شااااب

ياشينه البرقع ترى قدرك اختس... عجوز لك في الدنيا خلان واحباب!

العجوز
مثلك تراني وهذا لك في العمر درس... لاني اميز بين شيبه وشياااب

وإلا نسيت اني على الموضه اللبس...ماعلموك اني بلا شيله وحجااااب

اتمنى ان تنال اعجابكم

[علي فدعق الهاشمي]

[CELL="filter:;"][ALIGN=center] هههههههههه

عشت يالصادق

بس انا ابغى زوجه طولها متر وعرضها شبر ومهرها شعـــر

وش رائك مواصفات عالميه

هههههههه

لك كل التقدير

[/CELL] [/CENTER]

[مخــ الليل ـاوي]

ههههههههههههههههههههههههه
والله قصيدة حلوة
سلمت يمناك اخي صادق الحرملي على طرحك الجميل
ومنتظرين جديدك ...........
ودمت ودام قلمك...............

[صادق الحرملي]

مشكوووووووووورين اخوي الحامدي مخاوي الليل
على ردودكم الحلوه

[الرويسي]

مشكوووور اخووووووي صاااااااادق والله انك ذوق وكلك جديد والله يوفقك ويطول لي عمرك
آآآآآآآآآآآآآآآآمييييييييين
مع تحياااااااااااااااااتي
خ
و
ي
ك
الــــــــــــرويسي

[الدياني خوره@]

السلام عليكم ورحمة الله وبركاته

كفو والله اخوي صادق الحرملي الله يعطيك العافيه

على هذا الطرح الجميل والحوارالرائع بين الشايب والعجوز والله رائع

وهذا الذي تعودناه منك سواء نظم من شخصكم الكريم او اختيار يكون اختيار

رائع وموفق اخي العزيز صادق الحرملي احييك على كل ما تقدمه هنا في هذا

القسم من مشاركات رائعه وحضور متمييز الله يعطيك العافيه ويوفقك اخي


لك مني خالص الشكر والتقدير والاحترام

اخوك//////////// الدياني@