|
وفاه شابه مدمنه بين يدي الله
السلااااااام عليكم ورحمه الله وبركاته
أنقل لكم قصة محزنة قرأتها في أحد المنتديات:
اول شي كيف الحال انشاء الله بخير
احب اعرض عليكم قصه كانت غريبه لي بالفعل
انا كنت موظف في مستشفى الامل للمخدرات الله يبعدنا عنه
ويشفي مرضاه اللهم امين .
كان يوم الجمعه عندي استلام بدلاً من المدير العام والمشرف على اقسام
الطواري والعيادات الخارجيه .
تقريباً على الساعه 3.45 صباحاً جاتني عجوز كبيره في السن
وهي تبكي وتقول بناتي بيموتون الحق ياولدي طبعاً مو من تخصصنا
انا نطلع برى المستشفى ابداً حاولت معها حاولت افهمها لكن بدون جدوى
اضطريت ادق على مدير المستشفى واقوله واخذ الاذن منه وليته ماقلي روح
رحت انا وسيارتين اسعاف ومعنا رجال امن من الدوله ورجال امن من المستشفى
المهم دخلت البيت انا والمسعفين لقيت بنتين في غايه الجمال طريحات الارض
والابر الفاضيه التى ملو اجسامهم الجميله منها .
قمت وقلبتهم انا والمسعفين ولقينا وحده في حاله خطير ه الي درجه اني خاطرت
بمستقبلي للفتاه لا لشي الا لوجه الله سبحانه وهي اني حملتها انا والمسفين الي
المستشفى وهذا الشي ممنوع منعاً باتاً ولقد فصلت من العمل وغرمت بهذه الحركه
لكن الحمد لله . المهم دخلنا البنت الي الطواري وقمنا نبي نسويلها اسعافات
اوليه لكن تخيلو ياحبابي والله العظيم مالقينا اي وريد او اي عرق لكي نضرب
ابره مهدئه لها . الله واكبر الله واكبر .
تصرفو الاخوان في الطواري واخذت سيارتي الخاصه ورحت للبيت الي اخنا منه
البنت لكي احضر الابر واشوف حال البنت الثانيه لكن تخيلو وش لقيت لقيت
المسعفين ورجال الامن واقفين على راس البنت الثانيه وهي تستعد لملقاه ربها
الله واكبر موقف غريب بالنسبه لي عجيب جدا .
جلست ورفعتها على يدي وركبتها سياره الاسعاف وكان اقرب مستشفى لنا هو
مستشفى الامير سلمان بجنوب الرياض وفجئه حدث الي ماكنت متوقعه كانت انفاسها
سرعان ماتدخل لصدرها الا سرعان ماتخرج وكان صوتها يختفي وهي تقول مابي اموت
مابي اموت مابي اموت . وانا اقول في نفسي طيب ليه عذبتي نفسك .
وفجئه رفعت يديها وهي في احضاني وسياره الاسعاف باقصى سرعه والممرض
ينتظر خروج النفس وانا ابغاء اسوي شي ماني بقادر ويرتفع صوتها وهي تقول
لعنت الله على ابي ...... لعنه الله على ابي ومهي لحظات الا وهي تشد وجهي
وتمسك به باقوى ماعندها من سكرات الموت هي تردد لعنه الله على ابي حاولت تلقينها الشهاده .
لكن الله المستعان ماتت وهي مدمنه وهي في حاله غير لا ئقه بقابله الرب العظيم
لكن نسال الله انا واياكم الغفران لها وانا يرحمها وانا يحفظنا واولدينا واخواننا
واخواتنا ومن نحب من الادماااااااان اللعين .
وللمعلوميه الذي دمرهم هو اباهم التائب الي الله ولقد استاذنت منه
كتب القصه . وايضاً احب ان اخبركم بان الفتاه الاخرى فهي باحسن لأ
حال سبحان الله سبحانك ربي الذي انقذتها وهي التي كانت المقربه للموت
وهي الان من اشد الناس التزام وحفاظاً للدين .
وانا اسف على الاطاله واتمنى من الله العلي القدير ان ينفع بهذه القصه
وانا يغفر لاهلها والله سميع الدعاء
اخوكم أبو رباش...
|
المواضيع المتشابهه
العرض العادي
