قصيدة اعجبتني

[أبوهباش]

ليت كل القلوب اللي تحب بجنون

تعرف إن المحبة جنة في هجير

كل دمعة عزيزة لأجل غالي تهون

لأجل شوف الحبايب كل قاسي يسير

لي حبيب أحبه والمحبة فنون

كل ما أذكر غرامه من غرامه أطير

ما عشقته رياح ولا عشقته سكون

نسمة داعبتني تمتزج مع عبير

فوحها من غرامه يحتويني بهون

كيف ما يحتويني حب قلب كبير

إن زعلت وتراخت هامتي والمتون

مد كفه وطبطب ... قال لي: ما يصير

إبتسامته محبه وإرتعاشة جفونه

ترسم الكون فرحة من هنا للأخير

عن شتاتي بلاد وعن همومي حصون

صرت فارس بلاده والأمير الأسير

قلت له: لا تغيب

وقال لي: كيف أكون؟

قلت عطني إيدينك حس قلب كسير

خايف الحلم يفنى بين هم وظنون

وخايف اليأس يحفر قبر حلم صغير

وخايف الدمع يصحى من مهاد العيون

وخايف أصحى وأشاهد واقعي والمصير

ضمني حيل أنا محتاج صدر حنون

مدري وش صار فيني

.

.

.

بس ماني بخير

[علي فدعق الهاشمي]

[align=center] هلا وغلا اِختيار موفق ومتميز وصح الله لسانك ملااااااايين

[/center]

[أبوهباش]

أشكرك أخوي على التعقيب الطيب