يمه والله أحبك
تحياتي أليكم ياأعزائي ...لقد قرأت الكثير من الخواطر الرائعة التي تحمل مواضيع مختلفة من أقلام كتاب رائعين ولكن جميعا عن قصص الحب والعشق والشوق والفراق وغيرها ولم أقرأعن "الأم" فأحببت أن أكتب مايجول في خاطري عن حبي لأمي..وأن أذكركم أنكم كما كتبتم لمن تعشقون لا تنسوا هذه الأنسانه العظيمه....
يالحضن الدافئ ..والقلب الطيب..والعين الساهره..
يمه أحبك والله أحبك
ولو بشيلك على ظهري ودور فيك بيت الله ماوفيتك حقك
ياالغاليه قولي وش أسوي لجل ألحق جزاك
أنتِ عمري حياتي روحي قلبي وكل شيء في دنيتي
ولو بوصفك ألى ماينتهي حبري ماعبرت عن غلاتك بقلبي
أنتِ اللي لفرحي فرحتي ولحزني حزنتي وحتى دمعي بيدك مسحتيه
قلتي مايهون علي أشوف دمعتك
وأنا اللي في هالدنيا متعبتك
ليتني أموت ولا تنزل دمعه من عينك
يمه أحبك والله أحبك
أنتِ نور لطريقي ..
أنتِ دواء لقليبي..
أنتِ أمل لحياتي..
يمه أحبك والله أحبك
أنتِ الدفا لآذبحني برد الأحزان..
أنتِ الوفاء لآفرقني أقرب الخلان..
أنتِ العطاء لآبخل علي الزمان..
أنتِ الملجاء لآفقدت الأمان..
يمه أحبك والله أحبك
والله مدري وش أقول احترت واحتارالكلام وفي حبك ضاعت مني حروف الحب والهيام
يمه وللي خلقني....أحبك
يمه وللي رفع السماء بغير عمد....محد وصل لحبك
يمه وللي سخر الخلق لعبادته....حياتي مالها طعم بدونك
يمه
سامحيني أذا بحقك أخطيت
العفو منك يمه..أنا مقوى على زعلك
أكره الدنيا بغيابك...وأخاف من يوم فرقاك
يمه أحبك والله أحبك ..
|
المواضيع المتشابهه
العرض العادي
