وفاء لقلبة....قصة روووووووووعة.....اتمنى من الجميع الدخول.....لا تفوتكم

[صاحب الامتياز]

الجــزء الرابع عشر

صلى فارس الفجر ونام من غير مايفكر لانه مو محتاج لهالتفكير الي ممكن يصدمه ببداية تغير فكر كان مقتنع فيه فيه نام حتى ينسى هالسهره الغريبه والحلوه بنفس الوقت مع بنت عمه ..

اما غاليه كانت مبسوطه لانها تكلمت مع فارس بسرعه تكيفت معهم يمكن لانها سلبيه هالشئ ساعدها انها ترضى بقررهارغم انها اعترفت لنفسها انها ماتحب فارس لكن ماقدرت ماتعترف انها تتمنى تظل زوجته..

راح احمد لسامي الي كان مشغول بتجهيز نفسه لسفر للكويت حتى يخلص الموضوع الي وعد فيه فارس
احمد..سامي وقف خلينا نصلي
سامي..يالله
صلوا الشباب لكن صار شئ بالمسجد خلى احمد يرجع للبيت من غير احساس لانه يحمل خبر راح يهز فارس ..


في احد مقاهي الرياض كان محمد مع فارس

فارس..محمد انت استسلمت
محمد بخيبة امل ...ماتوقعت فهد بيرفضني
فارس..والله مارفضك هي الي ماوافقت
محمد..بصراحه انا اتمنى دلال ومازلت
فارس باابتسامه,,الظاهر تحب
محمد يرد ابتسامه..الا اكيد مو الظاهر ماتتخيل فرحتي لما رضت وماتتخيل صدمتي لما رفضت
فارس..حاول مره ثانيه طيب
محمد....انا قررت ورا احاول لكن مثل ماانهنت عند الكل لازم ارد كرامتي عند الكل
فارس..مااحد اهانك يامحمد خالتي من حقها تقول رائيها وخصوصا انها من النوع الي تحب تأخذ قرارتها بنفسها
محمد..خلي الي بالقلب بالقلب
فارس مستغرب..زعلان من خالتي
محمد...اخر وحده ازعل منها ام بدر بس الوضع كله ماعجبني لكن الي صار صار
فارس..اهم شئ ماتخلى عن انسانه تحبها
محمد..فهد وين
فارس..بدوامه
محمد ويبتسم ..ياهو قاهرني بس يشوف
فارس..هههههههههه يالله مشينا بروح لابو ثامر تخاويني
محمد..من زمان ماشفته يالله مشينا


فهد..يقولون بكرا الجمعه في بيتنا
ام فهد..اخوي كلمني وقالي قلت حياكم الله
فهد ويناظر دلال ..ومحمد بيجي ..؟؟
تغير وجه دلال
ام فهد..ان شاء الله
فهد..ههههههههههه مازلتي تستحين اذا قلنا اسمه ليه رفضتيه
سكتت دلال ولاردت


في بيت ام فارس رجع فارس بعد زيارة ابو ثامر حصل امه وخواته وبنت عمه الي حست انها خجلانه منه اليوم على غير عادتها لكنه طنش وجلس يسولف مع امه ولاحسوا الا بصوت احمد وتغطت غاليه

احمد..فااارس
فارس مستغرب هالصوت العالي من احمد ..خير وش فيك
احمد باابتسامه...عندي لكن خبر بمليون ريال
فارس..سمعنا يالله
احمد..لا وش لي
فارس..خلني اسمع
احمد..لا اول وش لي
فارس ويضحك..اذا يستاهل لك مني سياره ولاني واثق انه مايستاهل بقول سياره على ذوقك
احمد..هههههههههههههههههههاي والله يافارس وحتندم على هالكلمه لاني باخذ السياره
فارس ويضحك..ليه قالوا لك بخيل خلصنا حرقت اعصابي
احمد باابتسامه..كنت انا وسامي بشارع الخزان عندنا شغل هناك واذن العشاء ونزلنا نصلي بمسجد بحاوه هناك المهم بعد الصلاة شفت الناس مجتمعين وكنت بطلع لكن عرفت انهم يجمعون تبرعات المهم قلت خليني اساهم المهم لما قربت وسالت قالي لي واحد انهم يجمعون بيشترون بيت لرجال كبير له ظروف خاصه وناقصه فلوس على بيته واشر عليه قال هذا هو العم عبدالكريم
يصرخ فارس ويوقف..لاتقول هو ماغيره
احمد ويضحك..والله هو
فارس..تعال نروح يالله
ام فارس..اعقلوا انت وياه
فارس يلتفت لامه..يمه هذا العم عبدالكريم وانتي اول من يعرف وقفته معي
ام فارس ..طيب شوي شوي وانتبهوا لنفسكم
احمد..لحظه والسياره
فارس ويسحبه..يااخي خذ لك معرض كامل اذا تبي

اما غاليه فكانت مصدومه من الفرحه الي اول مره تشوفها بوجه فارس من قال احمد العم عبدالكريم وكل الفرح انرسم بوجهه وهالشئ اسعدتها ماتعرف ليه حست انها سعيده لسعاده وهالاحساس خوفها ..


كان لقاء رائع وكأنه لقاء اب بولده

فارس بعتب..ليه تركتني ياعمي انتظرتك وظليت شهور انتظرك وادور عليك وللاسف ماكنت اعرف بيتك
العم عبدالكريم.وهو ماسك يد فارس ...التعب ياولدي تعبت ومرت علي ايام سوداء لحد مااكرمني الله وتوظفت بنتي صرفت علي وعلى نفسها واكرمها الله وتزوجت ولد طيب على قد حاله وسكنا مع بعض بهالبيت ايجار وجابت منه ولد وبنتين وعطاك عمره بالمرض الشين بعد تعب سنين
فارس..ياعمي انت بحسبة ابوي وبنتك اختي ورقبتي سداده
العم عبدالكريم..هذا العشم فيك بس انت عندك مسؤلات والله يعينك
احمد يبتسسم ..ياعمي فارس كبر وكبر اسمه معه والحين من اهم التجار واحنا مديونين لك
العم عبدالكريم..زين الله يوفقك ياولدي والله انك تستاهل واني اذكره واقول لعيال بنتي عنك اقول لهم اشتغلوا مثل فارس
فارس ويبتسم..دامني موجود مااحد بيشتغل منهم وهالبيت بينكتب بااسمك
العم عبدالكريم فرح ..الله يوفقك ياولدي بس مانبي نكلف عليك واهل الحاره ماقصروا
فارس ويحب راسه..الله يجزاهم خير بس انا ولدك وملزوم فيك
نزلت دموع العم عبدالكريم ومسحها بسرعه..لو عندي ولد ماسوا الي تسويه معي الله يوفقك
ابتسم احمد وهو فخور بااخوه هذا فارس ولايمكن يتغير مهما صار ومها قسته الدنيا ومها ذاق مرارتها بيظل فارس الي ماينسى المعروف ..



يوم الاربعاء وصل واجتمعت العايله كلها في بيت ام فهد بناء على طلب اخوها ابو محمد ..

بهالوقت كان ابو محمد عند خواته والبنات اما العيال كانوا بالمجلس ماعدا فهد وفارس كانوا بالمجلس الصغير يتكلمون عن الشغل الى ان وصلوا الى الكلام عن غاليه

فارس..حسيت بلحظه اني ممكن اقتنع بكلامها
فهد باابتسامه..ماتلاحظ انك تتكلم عنها كثير
فارس وفهم قصده..شخصيه جديده طبيعي اتكلم عنها بس انتم تنظرون لها على انها بنت وتحللون الموضوع والا هي شخص عادي
فهد ببرود اعصاب..بس هي زوجتك
فارس وعصب وبصوت اعلى..زوجتي عالورق والاهي بنت عمي وبتظل
قطع كلامه سامي الي كان مصدوم من كلام فارس
سامي..اسف بس صوتك كان عالي وسمعته
التفت فارس على فهد الي كان عادي ولاهمه الموضوع
فارس.حسبي الله عليك
فهد..ههههههههه لاتحسب علي تحسب على نفسك ليه تحكي بصوت عالي
فارس. ويناظر سامي ويتخذ قرار سريع .الظاهر ياسامي انك حليت الموضوع تعال بقول لكم السالفه بوجود خالي
قرار غريب صدر من فارس صدم فهد ولد خالته وصديق عمره الي يتوقع انه يعرفه اكثر من نفسه لكنه تفاجئ بالقرار

اجتمعوا العيال بوجود خالهم
فارس..والله ياخالي انا بقول لكم موضوع اجلته كثير بس خلاص لازم اقوله انا بصراحه قبل وفاة عمي منصور ملكت على بنته

صدمه سيطرت عالجميع وعلامة استفهام مرسومه عالوجيه فارس يتزوج مستحيل

ابو محمد وفرح وبقلب طيب..الله يوفقك ياولدي والف مبروك وهذي بنت عمك مالها غيركم
فارس توقع ان خاله بقلبه الطيب مابيعتب عليه لانه يعرف ان العيال يعرفون مصلحة نفسهم وهذا هو ابو محمد دائما ..

راكان..فارس مو انت ضد الزواج
فارس..ههههههههه لقاءنا كان قديم
راكان باابتسامه خبيثه..بس وقتها عمك متوفي
فهد..هههههههههههه خلاص لاتحرجه
راكان..عموما مبروك
باركوا الشباب لفارس وتكلم محمد
محمد..اسمعوني شباب انا طلبت من امي يكونون معنا والحين بيجون والبنات بالمجلس الثاني لاني بقول كلام تقدرون تقولون ارد كرامتي فيه
فهد سكت حس الكلام موجه له وصلوا الحريم وجلسوا وبدا محمد يتكلم
محمد..اول شئ اسف ياخالتي ام بدر اذا انا غلطت عليك اما انت يافهد فاانا اقولها للمره الالف انا مازلت شاري واليوم جيت اقول شئ عمري ماتمنيت اقوله لكن لسببين اولها استرد كرامتي الي انهانت بوجودكم وثانيها ااكد لك اني شاري يافهد
ام بدر وتناظر محمد ..ومن الي اهان كرامتك يامحمد..؟؟
محمد ابتسم لخالته ..الموضوع كله مو شخص معين يمكن تعرفون او ماتعرفون اني من تسع او ثمان سنوات خطبت بنت ابو نوف الي خطب خالتي ووقتها استهزا فيني وطردني بااسلوب شبه محترم عشان ابوي
راكان..لكذا حبيت تنتقم منه وترفضه
محمد..لاتستعجل ياراكان..انا من تسع سوات كنت مراهق عمري 19 سنه وقتها عرفت نوف وكلمتها صح غلطان لكن عملته الي مااحد يعرفه اني مااحبها ولاهي تحبني لكن كانت تكلمني مثل اخوها وهذا بعد غلط لكن عملته وانا مراهق الي حاب اوضحه اني بيوم من الايام ااتمنتني نوف على سر لكن مجبر اقوله لكم عشان اعدل صورتي المهزوزه بعيونكم هالسر كان صدمه لي وخوفني عليها وبتهور المراهقه رحت اخطبها ولما فشلت كلمت خوالها وافشيت سرها واخذوها عندهم وطبعا هي يتيمة الام وماعندها غير اخو صغير سرها كان
سكت محمد وكأنه جالس يعاني ول اوده يقول هالكلمه كان يتذكر نوف بدموعها وهي تحكي له كان خايف وقتها مقهور عليها ..

فارس حس ان محمد راح يقول شئ مهم عنده لكذا حس بمعاناته ..تكلم يامحمد نسمعك
عبدالله وحاس بااخوه ..محمد نحترم صمتك لكن لازم تقول والا انا بقول
محمد وراسه بالارض ..نوف بيوم من الايام هالشخص الي رفضته ياخالتي من غير مااخذ رائيك تهجم عليها على بنته
شهقه كانت من ام بدر

محمد وكمل ..رفضني ابوها وكلمت خالها وشرحت له الموضوع واخذها من غير مايعرف ابوها انهم يدرون بتهجمه رفضته لانه اقدم على فعل شنيع لانه انسان يشرب ولايفرق بين الحلال والحرام اعذروني انا طالع

طلع محمد بسرعه لانه يحس بخيانه لنوف البنت الصغيره الي امنته على سرها كان حاس انه يخون نفسه لكن كل شئ يهون الا الصوره الحلوه المرسومه بعيون اهله عنه ماتتغير ولاتتشوه


ابومحمد..هالموضوع انا مثلكم ماعرفته الا من كم يوم بعد ماشاورني انه يقول او لا وقلت له اذا شاري بنت عمتك قول واذا مايهمك اسكت
عبدالله..عملت المستحيل حتى اقنعه لكن رفض وفجأه غير رائيه

فهد كان ساكت ولانطق ولابكلمه

اما البنت طلعت دلال ومعها ريم وهند للغرفه

ريم..وشفيك
دلال..محمد عدل صورته عند الكل لكن اانا انصدمت يحب يعني بيكحلها عماها
قاطعتها هند..لا محمد قالي اوصل لك هالكلمتين نوف لها تسع سنوات مايعرف عنها شئ ولايحبها كانت فترة مراهقه بس محمد ماحب يفشي سرها الي امنته عليه وهي طفله لانه يعتقد انه شئ خاص لانسانه امنته عليك بس من اجل عين تكرم مدينه
ريم وتبتسم..بلا دلع دلال محمد شاريك
دلا وتبتسم..اعرف
هند ..حرام عليكم عذبتوي اخوي
ريم..عذاب الحب احلى مافي الحب


التفت فارس على فهد الي كان بحالة صمت

فارس ..شفيك مااقتنعت بكلامه
فهد..شئ بشع الي سمعته وين الابوه
فارس عرف ان فهد تأثر بالموضوع اكثر من أي شئ ..للاسف ضعف الوازع الديني هو السبب
فهد..ويتنهد الله يعين على البلاوي الي نشوفها ونسمعها كل يوم
فارس..امين وشرايك
فهد..انت تعرف ني مارفضت محمد رغم اني انقهرت منه لكن الكلمه الاخيره عند دلال وانا بسألها اليوم واشوف
فارس..الله يوفق


عند الحريم عرفوا عن ملكة فارس وكانت صدمة غاليه كبيره ماحاولت تتفاءل بس ام بدر ابتسمت حست ان هالخطوه تقدم كبير من فارس بس حست بتميز فارس اليوم حست انها مبسوطه انها زوجته حتى الغموض الي يحط بالخطبه عجبها اعطاها تميز فارس صح هالشئ يعتبر سلبي بس عند غاليه لا يعتبر احساس طبيعي ترب عليه ومقتنعه فيه بينها وبين نفسها تتساءل غريبه فارس اتخذ هالموقف وهالشئ ماله الا تفسير واحد انه ناوي يتمم الزواج رغم فرحها بالاحساس الا انها خافت انها بتكون زوجة فارس حاولت تتناسى هالشئ بس ماقدرت ظلت تفكر وتسرح وتسافر لدنيا ثانيه .. اما الباقي الصدمه ماخلتهم يقولن غير مبروك لان اخر واحد توقعوه يتزوج فارس ..

بعد ساعه التفت ام بدر على بنتها
ام بدر..ساره عطيني جوالك
ساره..ليه يمه
ام بدر..عطيني مالك دخل
ابتسمت ساره واعطت امها الرقم واخذته امها
ام بدر..بدق عليه من رقمك لانه اذا شاف رقمي مابيرد
ام بدر..السلام عليكم
محمد..وعليكم السلام هلا خالتي
ام بدر..شلونك
محمد..بخير
ام بدر..ماهقيتك بتزعل ياولد اخوي
محمد..مازعلت والله ياخالتي
ام بدر..اجل ليه طلعت
محمد..بس كذا بس مستحيل ازعل منك
ام بدر..اجل ارجع تعشى مع العيال
محمد..ابشري اماطلبتي شئ



رجع محمد وابتسم له فهد وفرح محمد لان هالشئ يعنيله اكيثر من أي شئ ثاني ..


بهالوقت بدوله ثانيه عزيزه وغاليه علينا بالكويت كان سامي واقف قدام الباب ينتظر احد يرد عليه
طلعت له بنت متحجبه
سامي..السلام عليكم اختي
البنت..وعليكم السلام
سامي..اختي هذا بيت حصه عبدالرحمن
ابنت..ايه نعم منو يبيها
امي..قولي لها سامي من السعوديه من طرف ابو ثامر
ابتسمت البنت ودخلت بسرعه وبعدها طلعت حرمه كبيره ودخلت سامي بالحديقه وكانت لابسه عبايه ومتحجبه جلست مع سامي وشوي ووصلت البنت بالضيافه وكانت مثل امها لابسه عبايه ومتحجبه
حصه..اجلسي يمه
جلست البنت وبدأ سامي يتكلم
سامي..بصراحه ياخالتي انا جاي من طرف ابو ثامر الي هو ابو زوجك
حصه وبلهفه واضحه ..وش اخباره
سامي.. هو بصراحه كلفني ادور عليكم وبسبب معارفي بالكويت قدرت احصل العنوان وهو حاب يشوف حفيدته
البنت..وانا ابي اشوفه
التفت سامي وحاول يتغلب على توتره..انتي بنت ثامر
البنت..ايه
حصه..انا دورت عليه وحاولت اوصل له بس للاسف ماقدرت خصوصا اني مقطوعه من شجره
سامي..عفواً ياخاله على سؤالي انتي سعوديه او كويتيه لان لهجتك
حصه تبتسم ..انا سعوديه بس بنت هالديره الطيبه انا امي كويتيه وابوي سعودي بعد ماتوفى ابوي اخذتني جدتي وربتني ولما كبرت وخافت علي زوجتني لاول واحد تقدم لي وهو ثامر الله يرحمه كنت وقتها صغيره ولااقدر ابتعد عن جدتي راح مره وشاف ابوه واخذتنا الدنيا وصار الغزو وتوفى ثامر وظيت انا مع البنت اربيها والله عاني وهالديره ماحرمتني من خيرها
سامي ..ديرة عز مايضام من يحتمي فيها
حصه..صدقت ياولدي
سامي..انا مو حاب اطول بس انا راجع بكرا لرياض وراح اعطيكم عنوان ابو ثامر وتليفونه
حصه..وعطني رقمك هني ياولدي
سامي..ابشري

طلع سامي بعد مااهدى هالعائله امل واهدى الرجل الطيب امل اروع واجمل



دلال بصوت واطي جبتي الملف
ريم..ايه جبته
دلال ..كويس لاني بقرأ اخر شئ كتبتيه
ريم..محتاره احس اني مقصره
دلال..اكتبي الي تحسين انه يعبر عنك وبس وبيوصل وبعدين مهما كتبنا بنكون مقصرين
ريم..تعالي بالمجلس الثاني واقريه
دلال وتأخذ الملف ..يالله
جلسوا بالمجلس وفتحت دلال الصفحه وكان عنوانها

(( مجمع الملك فهد لطباعة المصحف الشريف))

انه انجاز اخر لك انه حب اخر لك انها خدمه جليله منك ايها الرجل الرائع ..

توّج خادم الحرمين الشريفين الملك فهد بن عبدالعزيز أعماله الجليلة لخدمة المسلمين بطباعة المصحف الشريف وذلك للعناية بطباعة كتاب الله طباعة صحيحة ومدققة وتوزيعه على المسلمين في جميع أنحاء العالم. وقد أولى خادم الحرمين الشريفين هذا المشروع اهتماماً خاصاً، حيث أمر - يحفظه الله - ببناء مجمع طباعي لذلك الغرض بمدينة الرسول صلى الله عليه وسلم
ويقوم هذا المجمع على أرض مساحتها (200) ألف متر مربع، ويعمل به حوالي (900) شخص. يضم متخصصين في علم القراءات واللغة بالإضافة إلى الخطاطين والفنيين والعمال والإداريين وغيرهم، ويتولى وزير الشؤون الإسلامية والأوقاف والدعوة والإرشاد الإشراف على هذا المجمع، ويرمي المشروع إلى تحقيق العديد من الأهداف يأتي في مقدمتها طباعة القرآن الكريم بأحجام ونوعيات مختلفة بطاقة إنتاجية مقدارها (7) ملايين نسخة سنوياً ، وتسجيل القرآن الكريم على أشرطة بأصوات المشاهير من قراء المملكة وبعض الدول الإسلامية، ويبلغ الإنتاج السنوي للمجمع من هذه الأشرطة (30) ألف نسخة مسجلة من القرآن
الكريم. كما يقوم المجمع بطباعة ترجمات عديدة لمعاني القرآن الكريم وعدد من المؤلفات الشرعية .

فقد اصبح هذا المصحف يوزع مجانا كهديه لحجاج بيت الله الحرام ويهدى الى الدول الاسلاميه فقلما ترى دوله اسلاميه لاتوجد بها هذا المصحف رحمك الله يافهد بن عبدالعزيز واسكنك فسيح جناته ..


دلال..حلو مررره
ريم..باقي لي شوي واختم الكتاب
دلا..بشو بتختمينه
ريم..بختمه بحزن الاثنين وكلمة الوفاء
دلال..الله يرحمه
ريم..امين


ام حصه وعهد وشخصيات جديده بالقصه ماموقفها وماتأثيرها

دلال ومحمد وعادت الحياة لقلوبهم وعاد الامل

فارس والاعلان المفاجئ ماسببه وهل سيتبعه قرار اكثر غرابه منه
وإن شاء الله اكمل الباقي بكرة

[ماي عذاري]

مشكور على القصة والله يعطيك العافية

[شهد]

في الانتظار
وختيار رائع وموفق
أشكرك من كامل قلبي
وتقبلي مروري

[صاحب الامتياز]

مشكورة ( ماي عذاري ) ( شهد ) على المرور

[صاحب الامتياز]

الجــزء الخامس عشر

مثل ماوعد راكان تركي اخذه يشوف فارس بعد ماحدد له موعد معه وعند شركة فارس كان لقاءهم

راكان..انا ماافضل ادخل معك انت روح وكلمه
تركي وباارتباك ..والله اني خايف
راكان..فارس انسان راقي لاتخاف
تركي..يالله اجل توكلنا على الله
راكان..كلمني اذا طلعت


طلع تركي لفارس ودخل عنده وبعد السلام
فارس..هلا والله بتركي شلونك
تركي بخوف..
فارس يحاول يجرئ تركي..وكيف الدوام
تركي..زين ماشي حاله
فار س ويتسند على الكرسي..انا قال لي راكان الموضوع بس ابي تفاصيل
تركي..مثل ايش
فارس..كم تتوقع انك تحتاج دخل شهري
تركي وبسرعه ..3000
فارس..وتكفيك ..؟؟
تركي وبدأ يرتاح ..ماراح تكفيني اذا ابي ارفه نفسي بس انا ابي اوفي الاساسيات بحياتي
فارس ويبتسم..حلو طيب وش هالاساسيات
تركي..ايجار البيت ومصروف اهلي
فارس..وكم ايجار البيت
تركي ..15000سنويا
فارس..وكيف حسبتها يعني كم توفر من دخلك
تركي..1500 تقريبا اوفر للايجار بس طبعا راح اغير السكن
فارس ..والسبب
تركي استغرب اسئلة فارس لكن جاوبه..اولاً ايجاره غالي علي وغير كذا بعيد عن مكان شغلي
فارس..انت كم تأخذ راتب الحين
تركي..2500
فارس وعدل جلسته..اسمعني تركي انا راح اعطيك اقتراح ولك حق تقبله اولا
تركي..تفضل
فارس..راح تشتغل عندنا بالشركه بعد ماتأخذ دوره تدريبيه لمدة ثلاث شهور طبعا براتب لكن لازم تترك دوامك وتداوم معنا من الصباح
تركي..بس يااخ فارس انا مادورت شغل ثاني الا انا محتاج له وكنت ابي دوام مسائي
فارس..انا بعطيك راتب اعتقد انه مناسب راح اعطيك مبدئيا 3500 وذا وافقت راح اخصم 500 شهريا ايجار لشقه مستقله انا راح استثنيك من بين الموظفين واعطيك اياها بالمبلغ
تركي ومتفاجئ ..عفوا مافهمت كيف وليه هالاستثناء..
فارس. وبجديه ...احنا عندنا شقق لكبار الموظفين طبعاً ايجار لكن بخصم لهم من ظمنها شقه منفصله صحيح مش كبيره بس معقوله ايجارها 15000 الف بالسنه ونعملها 10000 للموظفين ولك انت راح تكون 6000
تركي ومذهول..طيب ليه
فارس..تركي انا راح اسهل لك السكن لان عندك خوات وصدقني هذا السبب الرئيسي لو كنت شاب كنت عاملتك مثل أي موظف بس انا ماابي خواتك يتعرضون لاي شئ خصوصاً انك شاب تحاول انك تحميهم وغير كذا اتمنى منك تكمل دراستك
تركي بفرح واضح ..بصراحه انا سمعت عنك كثير بس عمري ماتخيلت انك ممكن تكون بهذا التفكير تعودنا من رجال الاعمال انهم يبحثون عن مصلحتهم
فارس..هههههه انا كثير يشوفوني شايب بس بصراحه انا احس توني شباب لكذا انا منكم وافهم احتياجكم ومريت بظروف ساعدوني كثير كانوا بعد الله امل لي بالحياة وافهم احتياجك
تركي..وانت راح تكون امل لي ولكثير غيري
فارس..اتمنى هالشئ انت فكر ولاتتسرع
تركي..مجنون اذا فكرت انا موافق ومستعد لشغل بس اخصل اموري مع الشركه واداوم
فارس باابتسامه..صار وخلنا نشوفك مع راكان هو قال انك رفضت تجي لاجتماعنا بس اعتبرنا اخوانا او اصدقاء
تركي وهو واقف..بصراحه راكان احرجني لما طلبني اجي للبيت وانا يشرفني اكون اخو صغير لك
فارس باابتسامه..الله يوفقك
تركي..شكرا لك فمان الله
فارس..الله معك

طلع تركي وهو بيطير لاهله يبشرهم بهالخبر اما فارس كان سعيد لانه قدر يعمل مثل ماعمل معه العم عبدالكريم بصغره ..



بالكويت كان قرار عهد انها ترجع لرياض هي وامها مع سامي الي اجل سفرته يومين حتى يقدر يرجع للانسان الي دخل حياته صدفه عرفه فارس انسان وحيد وعرف العائله كلها الكل يعرف ان ابو ثامر مثل الدواء لهموم فارس كان كل مايزعل يروح له يسهر عنده ويجلس معه ماكان يقطعه ابد حتى العيد يحضره ببيت فارس هالانسان اعطى فارس من خبرته بالحياة واعطاه فارس حبه ..



فهد وهو واقف..يعني موافقه
دلال ..ماادري انت اخوي وش رايك
فهد باابتسامه..انا بصراحه شايفه شاري وعذره مقنع
دلال ..طيب كيفك
فهد ..ههههههههه هالمره صح كيفي وتبين الحق لنا ماعجبني مابوافق عليه
دلال بسرعه..ليه
فهد..ههههههههههه خلاص اخذت الموافقه طفشتيني قولي موافقه وفكينا
استحت دلال وطلع فهد بعد ماقرر انه يراضي محمد ويبشره بنفسه وطبعا انبسط محمد بالخبر الحلو


في بيت ام بدر كانت تسولف مع راكان
راكان..يمه اخطب من الحين لا والله ماطرت
ام بدر..والله البنت وش حلوها
راكان..الحلوات كثير يمه
ام بدر..بس هذي بنت اختي
راكان..اسمها مو حلو دانا ماعجبني خليها تغيره
ام بدر وتضرب بعلبة المناديل..مالقيت لك عذر
راكان..يمه من هون فهد بيعطيني اخته وانا طالب
ام بدر..مابيقول شئ انا اقنعه
راكان..الحين بدل ماتخططين لي اخطبي لبدر
ام بدر..بخطب له
راكان بسرعه ..مين
ام بدر..مادري بشوف وش المواصفات الي يبيها
راكان ويضحك..وانا يعني لي ماتسأليني
ام بدر..لاني اعرف ان دانا بتجوز لك
راكان..يمه اجلي الموضوع
ام بدر..احسن عمرك مااعرست
راكان..يمه وشفيك مستعجله على زواجنا لايكون تقدم لك واحد ثاني صايره تنافسين ساره
ضربته امه وطلع وهو يضحك لانه استفز امه وهذي عادة راكان مايجلس مع امه الا يستفزها وتضربه ..


في بيت ام فارس كانوا مجتمعين ومعهم احمد وكانت غاليه متغطيه


ريم..احمد مابتتزوج
احمد يبتسم لها ..الحلو فيك انك تفهميني على طول
ام فارس..يعني بتعرس اخيراً
نوره..من بتأخذ
احمد..هههههههههه وهذا الي هامك
نوره..طبعا مو بتسكن معنا
احمد..ومن قال اني بسكن معكم
ام فارس بسرعه..اجل لاتعرس
احمد ويبتسم لامه..يمه اذا تزوجت بطلع عشان اخذ راحتي وفارس ياخذ راحته
فارس ويلتفت على احمد بسرعه ..لاتحطني عذر لك انا مالي دخل
احمد..ههههههه ساعدني يااخوي بس يمه انا مقرر اذا بتزوج بستقل ببيت لحالي
ريم..بصراحه انا معك لان كل انسان له خصوصيه
نوره..ريم يعني اذا تزوجتي بتشرطين تسكنين لحالك
ام فارس وتضرب ايدينها ببعض ..حسبي الله على هالبنت ماتستحي
نوره بخجل..عادي يمه نسولف مافيها شئ صح فارس
فارس يبتسم لها..سولفي
ريم..طيب احمد اخترت
احمد يبتسم لها..طبعا
نوره بصوت عالي ..انا اشم ريحة خيانه ريم تعرفها من البنت صح
فارس..وانا مثلك يانوره شكل ريم تعرف البنت
ام فارس..انا الي اعرفها مو ريوم
انصدم احمد والتفت لامه..من هي
ام فارس..بنت اخوي هند
احمد وريم بوقت واحد..شلون
ريم وتضحك..شلون عرفتي
ام فارس..والله لوني مااشوف
احمد ويضحك..يمه لاتطلعين اشاعات وش شفتي
ام فارس..شفت الي مايشوفه غير الام ابشر اخطبها لك بكرا
احمد حب راس امه وطلع لانه استحى من اخواته واخوه وبنت عمه حس انه مكشوف عند امه ..

فارس ويلتفت لريم ..والله وصرتي تعرفين شئ مانعرفه ياريم
ريم..احم لازم انا صديقه للكل الا انت طبعا
نوره وبسرعه ..وليه ماصرتي صديقتي ياحظي
فارس ويضحك..ليه عندك شئ مثل احمد
نوره بخجل..لا والله مو هذا قصدي والله والله
فارس..بس بس مصدق امزح معك
ريم..يمه ماتبيني اسأل هند اول
ام فار س وهي قايمه..بتوافق انا اعرفها بعد تصبحون على خير
ضحكوا البنات على ام فارس وطلعت نوره تنام ولاظل غير فارس وغاليه وريم ..

فارس وبعد تردد ..غاليه فكرتي بموضوعنا
غاليه مستغبه ..أي موضوع
فارس..الطلاق
كانت ريم بتطلع بس تجمدت من الكلمه وجلست
ريم..طلاق ليه..؟؟
غاليه استسلمت وملت منهالموضوع ..خلاص انا موافقه
ريم..ليه ياغاليه
فارس..خلاص ريم هالموضوع لازم ينتهي
ريم..احترم رائيك بس انت علمت اهلي ماتعتقد ان هالشئ راح يسئ لك ولبنت عمك اذا طلقتها
فارس..مافيه حل اذا ماتم الطلاق اليوم بيكون بعد شهر
غاليه بدموع..فارس كلمة الطلاق سهله عندك تقولها بأي وقت ومتى مابغيت بس خلاص انت تذبحني طلقني وفكني من هالموضوع ذليتني من كثر ماتقول بتطلقني بتطلقني
فارس استغرب كلامها ..ذليتك ياغاليه
غاليه وتوقف ..ايه ذليتني كل ماشفتني قلت بطلقك خلاص فكني وطلقني ومثل ماانت يتمنوك كثير انا بعد يتمنوني اكثر
فارس واستفزه اسلوبها او لانها قالت يتمنوني كثير ..وهذا كلامي من الاول اطلقك حتى الي يتمنوك يتزوجوك بس انتي الي رفضتي
ريم وخافت من توتر الجو بين الاثنين ..اذكروا الله
سكت فارس لانه حس انه تهور بكلامه لكنه حب يصدم غاليه بقرار انولد هالحظه وكان قرار سريع ومتهور لاول مره يصدر من فارس قرار بهالسرعه
فارس..انا مستعد اتمم هالزواج لغرض واحد ان يكون عندي عيال يعني لاتحلمين بحب او
قاطعته غاليه وهي واقفه ودموعها ماليه وجهها ..بس انا مش جسد انا انسانه عشان اعطي لازم اخذ
فارس وعصب ..بس انا ماابي عطاء
غاليه. وبصوت عالي .انت انسان ماتشكل العاطفه عندك اهميه بس عندي تعني الكثير ولو تممت زواجنا حتى اكون ام لعيالك راح ابحث عن غيرك حتى احس اني زوجه
قوة الكلمه استفزت فارس ورفع يده لكن قدر بسرعه يسيطر على نفسه مع شهقة ريم الي خافت فعلاً ان فارس يضرب غاليه لكنه تمالك نفسه بااخر لحظه غاليه ..لا يافارس حاسب وانتبه لو انمدت يدك علي راح تمحي كل شئ حلو احمله تجاهك كلامي مايعني اني قليلة ادب او ناقصه تربيه كلامي واقعي وعلمي وطبيعي لما تعاملني على اني جسد بس حتى اكون ام واجيب لك عيال راح ابحث عن الحب يعني مابتحمل اعيش من غير حب راح اتطلق وعندي اتطلق وانا بنت احسن مليون مره من اني اتطلق ومعي اطفال اوكي انا موافقه اتطلق ومستعده ارجع لخوالي بهالحظه
فارس ومن قالت خوالي جت صورة سلطان بباله ..مابتطلعين لبيت خوالك ليه راح تبحثن عن الحب عند سلطان
غاليه بدموع..حدك يافارس تجاوزت كل حدودك كون اني ببيتك هذا مايعني انك تهيني عمري مادورت عالحب وانا ببيت ابوي ولا مافيه رقيب علي حتى معك وانت زوجي مادورت لاني فاقده الامل فيك ولابدوره وانا يتيمه الظاهر انك بديت تغلط لكذا انا بطلع لغرفتي والي بتعمله اعمله بتطلق انا قدامك طلق
طلع فارس برا البيت اما غاليه صاحت وريم ظلت مصدومه من اخوها الي كل كلامه كان غريب واغرب شئ لما طلب يتمم الزواج عشان الاطفال
طلعت ام فارس بعد ماطلع فارس وغاليه
ام فارس ويدها على راسها ..انهبل اخوك وش هالكلام الي قاله
ريم ومازالت مصدومه..شكله معصب لكذا
ام فارس..والله اني من قوة كلمه تعقدت رجولي ولاقوية اطلع عز الله انهبل ولدي
ريم..يمه اهدي انتي تعرفين فارس اذا عصب شوي ويهدى ويرجع يعتذر
ام فارس..لاحول ولاقوة الا بالله روحي شوفي بنية عمك ولاتقولين لها اني سمعت وانا اتفاهم معه الصبح
ريم..ان شاء الله يمه بس انتي ارتاحي مو زين لك التعب
ام فارس بتعب..الله يعيني




بالمجلس عند فهد كان فيه حالة ذهول مسيطره على فهد

فهد..انت شسالفتك حاط على بنت عمك اول شئ صدمتني واعلنت الزواج قلت طيب عشان مااحد يسئ لبنت عمه والحين تقول لي انك بتمم زواجك عشان العيال اقنعني من متى انت تهتم بالعيال عشان تطلب هالطلب السخيف
فارس ومعصب ..ياشيخ اسكت انا ماادري شلون طلعت مني الكلمه استفزتني بااسلوبها قهرتني
فهد وعصب اكثر ..فارس انت بارد مو بالسهوله احد يستفزك مو معقوله تستفزك لدرجة تطلب هالطلب الغريب او تحاول تضربها ماتعتقد انك انت تبي بنت عمك
فارس ومعقد حواجبه..مستحيل
فهد..ليه
فارس..فهد مااقدر اتزوج مااقدر
فهد وبصوتعالي ..اف كرهتني بعيشتي من كثر ماتقول مااقدر قولي ليه ماتقدر وش ناقصك
فارس وبعصبيه. ووقف .لاني ماابي احب ولا ابي اضعف انا اكره الضعف والزوجه عند زوجها ضعيفه وهذا ماابيه ماابي اشوف صورة امي تتكرر ماابي اشوفها فاقده الحيله وغاليه مثل امي ضعيفه جدا وهالشئ انا مااتحمله
فهد..عمر الحب ماكان ضعف يافارس
فارس..الا ضعف ومليون ضعف بوقتنا لازم تكون مصخر قلبك حتى تعيش
فهد..اف ليه تحول قلوبنا لصخر عشان مريت بتجربه قاسيه من عمك لا يافارس طفولتك ومراهقتك لاتعممها لانها حاله خاصه
فارس..مستحيل اتزوج لاني ماابي اشوف ضعف المرأه ولاابي اجيب عيال يمرون بالي مريت فيه ويحسون بالذل والقهر والالم ماابيهم يبكون بالليل ولاابيهم يشيلون المسؤليه من صغرهم مثلي ماابيهم ينحرمون من احاسيس حلوه خلني كذا احسن بكثير من زواج وحب واطفال ومأساة جديده
فهد..انت تناقض نفسك توك تقول بتتزوج عشان العيال
فارس بقهر..وهذا الي قاهرني شلون طلبت هالطلب انا حاس ان هالموضوع شوش تفكيري غاليه دمرت قناعاتي وشتتها ماعدت اعرف انا ليه اعمل كذا مليت منها ابي حل
فهد..فارس انت اول شئ لازم تقتنع ان حياتك اللي مريت فيها حاله خاصه ماراح تمر على عيالك الشئ الثاني الحب ماهو ضعف بالعكس الحب قوه
فارس وبااصرار ..عمره ماكان قوه
فهد..لا قوه صدقني اذا حبيت من قلبك راح تحس بقوة حبك كانهاطاقه لك
فارس..الحين خلنا من هالكلام وشلون اتخلص من موضوع غاليه ريحني يافهد
فهد وحب يقهره ..طلقها
فارس بتردد..بس
فهد..عندك حلين ياتطلقها ياتتزوجها زواج طبيعي وتعطيها حقوقها كامله واول حقوقها حبها واحترامها اذا مابتقدر طلقها وجرح يوم ولاجرح كل يوم
فارس ويجلس ..مليت
فهد..بس يافارس بقول لك كلمه انت اهنت بنت عمك وهذا مو طبعك فكر واذا تشوفها تستحق الاعتذار لاتتاخر لاننا تعودنا اذا غلطنا نعتذر اما مسألة الطلاق او الزواج تحتاج وقت تجلس مع نفسك وتقرر الحل اللي يرضي الله ويرضيك ولايظلم بنت عمك
فارس..وهنا المصيبه اني اهنتها وبقوه بس ربي بيحلها خلني اطلع تاخرت اذن الفجر بصلي وارجع
فهد..الله معك وفكر بهدوء ولاتشيل هم ربي بيحلها
فارس..ان شاء الله

في هالوقت كان سامي وصل للبيت بعد ماوصل حصه وبنتها لاوتيل يريحون فيه لحد الصبح يكلم فارس ...


رجع فارس البيت وحصله هدوء طلع لغرفته والتفت لغرفة غاليه وحصل النور شغال دخل غرفته واتجه لتيلفون وضغط تحويلة غرفة غاليه وانتظر الرد رغم تأخر الوقت ..


مكالمه بوقت متأخر..
لقاء مرتقب ..
خطوبه قادمه ..

[صاحب الامتياز]

الجــزء السادس عشر

رفعت غاليه السماعه وانصدمت لما سمعت صوت فارس بس حست بقوه غريبه

غاليه..نعم
فارس..مانمتي
غاليه من غير نفس ..الحين بنام
فارس..اوكي انا ماحبيت انتظر لصبح انا حبيت اعتذر عن الكلام الي قلته بحقك انتي محشومه يابنت عمي بس الشيطان لعب علي واعذريني اسف
غاليه مستغربه اخر انسان توقعته يعتذر,,خلاص ماصار شئ
فارس..انسي الكلام الي قلته وحتى اني قلت بتمم الزواج
غاليه..لاتخاف ماباخذ كلامك جد ولاراح اكون زوجه لك لاتقلق
فارس..ههههه الحلو فيك انك تقولين الكلام حتى لو يجرحك عموما موضوع زواجنا راح نناقشه وقت ثاني انا حبيت اعتذر وتصبحين على خير



قفل فارس بعد ماترك غاليه بصدمه وهي تسأل نفسها العاده يقول موضوع طلاقنا اول مره يقول موضوع زواجنا ياترى بيطلقني او لا التفت تسأل نفسها انا ماابي اتطلق انا فعلا حسيت اني ارتبطت بهالمكان وبهالبيت احس اني جزء منه وفارس صار جزء بحياتي رغم كل عيوبه..



اما فارس احتار مايعرف شو يعمل حاس انه محتاج يعطي البنت حريتها وبنفس الوقت حاس البنت دين وامانه برقبته سلمها عمه له حتى يصونها ويحافظ عليها مو يجرحها ويعذبها ظل فارس سهران يفكر كيف يتمم الزواج وهو مايبي يتزوج وكيف يطلقها ويهينها قدام الكل خاف واحتار وبالاخير استسلم لنوم ..


جاء الصبح يحمل معه ريح المطر وريح الحب والعطر اليوم تحددت ملكة دلال ومحمد الي بتكون الاسبوع الجاي وراح تكون مختصره ...



تفاجئ فارس وبوجود امه بغرفته الصبح وهذا نادر لان امه قليل ماتطلع فوق بسبب تعبها
فارس يبتسم..احلى صباح منوره الغرفه ام فاارس
ام فارس وتجلس على اقرب كنب ..وش الكلام الي سمعته امس
فارس ..قالت لك
ام فارس ..لا انا الي سمعته عيب ياابوي وش قلت لها اذا ماتبيها طلقها بس لاتهينها الله يقول فاامساك بمعروف او تسريح بااحسان لاتعذب البنيه ياوليدي عندك خوات والواحد يخاف العقوبه والبنيه يتيمه
فارس ..انا اسف يمه انا اعتذرت منها وحب راس امه وانا اعتذر منك بس خلوني افكر بموضوع الزواج على رواق ارجوك حتى اخذ القرار الي مااظلمها ولااظلم نفسي
ام فارس وتوقف..اهم شئ انك ماتهين البنيه مايجوز
فارس ويبتسم ..ابشري



وعرف فارس من امه عن خبر خطبة دلال ومحمد ومثل مافرح قلب دلال ومحمد فرح قلب فارس بخبر سامي الي رجع لرياض ومعه اهل الكويت وهذا الخبر يسوى كثير عند فارس الي كان ينتظرهم عند باب بيت ابو ثامر



وصل سامي ومعه حصه وبنتها عهد الي كانوا خايفين متوترين لكن الام كانت قادره تسيطر على نفسها بعكس البنت الي خايفه ومتردده



فارس..ياهلا ومرحبا حياكم الله
حصه..هلا فيك ياولدي
فارس..نورتي ياخالتي تفضلي البيت بيتك ابو ثامر باانتظاركم
حصه بخوف..مافيه احدعنده
فارس..لا مافيه غير الخدم
دخلت حصه وبنتها والتفت فارس على سامي الي كان سرحان



فارس..يالاخو وين وصلت
سامي ..تصدق تغطت
فارس مستغرب..من هي
سامي بحرج..بنت ابو ثامر شفتها بالكويت فاتشه
فارس يهز راسه..عيب عليك
سامي .. وش مسوي انا استغربت بس
فارس..المهم ماقصرت والله
سامي ..ولو ابو ثامر غالي علينا ولانعده الا من اهلنا
فارس..ماتتخيل فرحته
سامي..تتوقع يجلسون عنده على طول
فارس بحزن..تصدق يقول اذا رفضت بشتري لي بيت وبسكن بالكويت عالاقل اشوفها كل اسبوع
سامي..الله يعينه والله
فارس..امين
سامي .. انا بروح توصي على شئء
فارس..سلامتك وانا بعد ماشي




عند ابو ثامر كان اللقاء غير والمشاعر غير غلفها البرود بس ثار بركان المشاعر ونزلت دموع ابو ثامر وتبعته حصه وانهارت عهد بحضنه..وينك جدي ظليت انتظرك وانتظرك ولاجيت
ابو ثامر ويمسح دموعه..حاولت يابنتي وفشلت
عهد من بين دموعها ..اخيرا شفتك كنت متشوقه لك
ابو ثامر بخوف..وبتتركيني
عهد..ابدا مستحيل
حضنها ابو ثامر حتى يحس فيها ويحس انها معه من ريحة ولده الي ودعها من سنين




حصه ودموعها على خدها ..سامحني ياعمي
ابو ثامر..مسموحه يابنتي
حصه..ان شاء الله نعوضك وتعوضنا عن الي فات
او ثامر..ان شاء الله
عهد وهي تضحك..بالله مو مصدقه ان عندي جد ياحظي
ابو ثامر يضحك لها ويضمها ويضم الفرح من جيد لحياته




في بيت ابو محمد كانت هند بتطير من الفرح بس ماسكه نفسها عشان ماتفضح نفسها

ام محمد..كلمتني عمتك وكلمت ابوك انتي فكري واستخيري احمد يستاهل كل خير
هند بحياء..ان شاء الله
طلعت هند وركضت لاختها الي كانت تقرا روايه وفتحت الباب بقوه
مها بخوف..وجع روعتيني وشفيك
هند وتقفل الباب واابتسامه..بطير من الفرح احمد خطبني
مها مصدومه..احلفي والله وعملتها ريم
هند بخوف ..شقصدك قالت له انه عاجبني
مها تضحك على خوف اختها..تقول او ماتقول المهم انه خطبك
هند..صح يالله فرحانه اخيرا حلمي تحقق
مها..الف الف مبروك
هند ..الله يبارك فيك عقبالك
مها وتفكر..بختار واحدواقول لريم عشان يخطبني
هند باابتسامه..امممم اقول لك من يناسبك من اقاربنا
مها..قولي
هند..هم اثنين ناصر ولد عمي او بدر ولد خالتي
مها..ناصر رغم شخصيته الحلوه الا ان امه شيطانيه ماابي اما بدر ماادري ماعمره طرى على بالي
هند..ههههههههههههههه بس ساره مو مثل ريم
مها..واحد قال لك اني خبله بسوي مثلك هند..عادي قولي الي تبين المهم ان حلمي تحقق
مها..الله يوفقك




في بيت ام فارس كانت نوره تتصل على بيت خالها ولااحد يرد لحد ماتعبت واخيرا ردوا

نوره..السلام عليكم
بندر وعرف الرقم..وعليكم السلام
نوره..مها موجوده
بندر وحب يرفع ضغطها..من يبيها
نوره..نوره
بندر..بنت عمتي
نوره منغير نفس ..ايه
بندر..وليه ماتسلمين شلون عمتي والعيال
نوره ..بخير
بندر..اعوذ بالله لحظه
نوره بقهر تقول لريم؟..يقهر ولد خالك ودي اذبحه
ريم وتعرف مافيه احد يستفز نوره بالعائله كثر بندر ..بندر
نوره.وفيه غيره بيجيب لي الضغط والسكرغير بنيدر
هند ..هلا نوره قطعتي جلد اخوي
نوره.هههههههه.حيا الله العروس
هند استحت ..الله يحييك ولاتقولين عروس مابعد صار شئ استحي
نوره..هههههههههه طيب وين مها
هند..نايمه تبين شئ ضروري
نوره..لاكنت بسولف خلاص اكلمها وقت ثاني
هند.اوكي سلمي عالكل
نوره..يوصل




دخلت غاليه وكانت لابسه جلابيه وجلست بعد ماسلمت
نوره..شفيك
غاليه ..بروح لخوالي
ريم..شصار ياغاليه بعد..؟؟
غاليه..ماادري بس انا لازم اروح اطلع خلاص
نوره..ليه
غاليه وتقاوم حتى ماتصيح..فارس بيطلقني وانا مستحيل اجلس هنا
نوره بصدمه..بيطلقك انتم تزوجتوا عشان تتطلقون
ريم..غاليه فارس امس عصب وقال هالكلام انتي اذكري الله
غاليه وتمسح دموعها..اعرف انهم بيزوجوني سلطان بس احسن من اني اعيش في بيت مع ولد عمي الي طلقني
فارس بهدوء وبقوه من عند الباب وسمع كل شئ ..مابيصير طلاق وانسي موضوع بيت خالك
غاليه وتوقف..فارس اسمعني
فارس ويتقدم عندها ..ممكن تطلعين معي للمكتب نتفاهم
خافت غاليه والتفتت على ريم
فارس..لازم نتفاهم



طلعت غاليه لمكتب فارس ولاجلس عالمكتب جلس قبالها وظلت تمسح دموعها الي ماوقفت
فارس ..اسمعي غاليه انا رافض الزواج كمبدأ لاسباب احب احتفظ فيها لنفسي لكن طالما صار وانتي بنت عمي مابلاقي احسن منك راح يستمر زواجنا وراح نتممه لكن انا اقولها لك من الحين انا انسان مااعرف احب مو ماابي مااعرف لكذا راح تلاقين الي الي يرضيك الا المشاعر راح احترمك واقدرك لكن غير كذا مابكذب عليك واقول راح تحصلين مني حب انا صريح واعذريني


غاليه وتمسح دموعها..بس انا ماابي احس انك مجبور
فارس بهدوء..انا مافيه احد يجبرني فارس مااحد يجبره قراري كان مني وبعد تفكير اذا انتي راضيه فيني رغم كل عيوبي انا مستعد
غاليه وبتردد..بس انا خايفه
فارس..من
غاليه..من كل شئ
فارس..قصدك خايفه مني
غاليه ..خايفه من حياتي معك
فارس..اسمعي غاليه انتي خذي وقتك وفكري وقرارك انا انتظره
غاليه بتردد..سلطان للحين يزورك
فارس وعقد حواجبه ..ليه السؤال
غاليه..حلمت حلم شين وخفت
فارس..سلطان كان عامل فلم فاشل معي كشفه لما تكلم عنك وقال انه مستعد يتزوجك اذا ماابيك
غاليه..كنت متوقعه
فارس..لايهمك انتهت علاقتي معه كنت العب على نفسي اقول يمكن عقل لكن للاسف كان يخطط على شئ ثاني
غاليه وقامت..طيب انا بطلع بس انت طلبت تتزوجني عشان رجعت اختلفت مع سلطان
فارس..امي لاتعرف شئ عن كل الي صار هذا اولا وثاني شئ امحي سلطان من قاموس حياتك وثالثا انا قلت لك هذا قراري مادخل بأي شئ انتي فكري وخلي ريم تبلغني بالخبر
غاليه بااستغراب..ليه ريم
فارس يبتسم..طيب انتي بلغيني
غاليه ابتسمت..ايه انا ببلغك عن ذنك




طلعت غاليه وجلس فارس عالكرسي بكل قوته يفكر بالي صار له حطته الظروف بهالموقف سمع كلامها وماقدر ولاعنده حل الا انه يتمم الزوج مهما كانت الظروف فكر وحصل انه اذا طلق غاليه صعبه بتكون طليقته ومعه بنفس البيت واذا راحت لخوالها بيكون خان الامانه الي امنه عليها عمه وهذا مو طبعه وشاف ان الحل الوحيد انه يصون الامانه ويرحم هالبنت اليتيمه ويتزوجها ..



اما غاليه ماتنكر انه رغم قرارها انها تروح بيت خوالها الا ان قرارفارس اسعدها كثير فارس بالنسبه لغاليه حلم لازم تحصله فكرت وقالت وش الي يخليني اضمن اني اذا تطلقت وتزوجت غيره يحبني عالاقل فارس شفت اسلوبه وتعامله انسان محترم يعني بقدرني كاانسانه وبنت عم وزوجه وام لعياله ابتسمت وضحكت وقالت لنفسها يالله ياغاليه ممكن بعد سنه تكونين ام وام لعيال فارس الي صار بالفتره الاخيره حلم لها ابتسمت وقررت توافق لكن قالت بتقول لفارس بكرا الصباح وهو طالع لدوام بتنتظره بالصاله الي فوق قبل ماينزل .. لكن سمعت خبر ببيت ام فارس خلاها تغير الوقت الي بتقول لفارس فيه قرارها رغم ان السبب بسيط الا انه عند غاليه مهم..




عند نوره وريم كان فيه نقاش حادبينهم
نوره معصبه..اخوك خبل ليه بيطلاقها
ريم ..وانا وش دراني اخوك وهذا تفكيره
نوره ..يرفع الضغط
ريم..والله ياهو قال كلام اخر انسان توقعته يقول كذا
نوره..ليه اكيد فيه سبب
ريم..مااعرف بس الي اعرفه ان غاليه تبيه
نوره بحماس..تحبه
ريم..يمكن مااعرف
نوره..ههههههههههه والله خبله فارس ينخاف منه ماينحب
ريم..حرام عليك فارس انسان راقي غصب تحبه
نوره..انا ماانكر هالشئ بس بعد احاسيس مافيه
ريم..يمكن تخليه يحس
نوره وهي قايمه..اشك اخوك قاسي والقسوه فنه الي يتقنه
ريم..حتى القسوه تكون حلوه احيانا اذا هي من دافع الحب
نوره..لاتفلسفين الامور بليز يايحب يالا اما هالكلام كلام كتب
ريم وتضحك وتطلع مع اختها..كلام كتب صح بس رائع
نوره وتدفها..امشي بس يالله



وصل خبر موافقة هند على احمد وكانت الدنيا مو سايعتهم الاثنين من الفرحه اجمل شئ بالدنيا انك تفكر بشخص وتتمناه وتحصله وهالشئ امنيه بعيده عن الحب لان الحب جميل حتى لو ماتم ..



وصل الاربعاء سريع وكان اسبوع ثقيل عالبعض بس هاليوم كان غير كان في بيت ام فهد اليوم شبكة وملكت محمد ودلال



دلال وهي قمه بالانوثه جالسه ومتوتره ..انا احس شوي وبموت
ريم بكل اناقه..عادي شعور طبيعي اهم شئ لاتشدين اعصابك
نوره..كلوووووووووووش مبروك بنت خالتي عقبالي يارب
هند..ان شاء الله بتأخذين اخوي
نوره بسرعه..وع مين
هند وتضربها..وع عليك وشفيهم اخواني
نوره تبتسم بخجل..مافيهم شئ بس ماابيهم
هند وتضحك..والله مابتحصلين مثل بندر
نوره وتغير وجهها..عالاقل عبدالله اهون بندر ليه حرام عليك
هند..هههههههههه وينه يسمعك
ديما..مبرووووك ياعروسه
دلال..انا بموت لاتباركون لي تذكروني
دانا...يالله دلال انزلي فهد يقول ادخلي المجلس
دلال..ليه
دانا وتضحك..وقعي على دفتر وفاتك
ريم..ههههههههه حرام لاتخوفونها يالله دلال




دخلت دلال المجلس ووقعت العقد وبارك لها اخوها وطلعت للمعازيم الي كانوا اهلها كانت مختصره كثير شغلوا المسجل وبدوا يضحكون ويرقصون وشوي دخل ابو محمد ومحمد وفهد الي وقف بعيد ولاحب يدخل بس وقف عند باب المجلس يتأمل اخته لكنها ماقدرت وراحت بسرعه وحضنته وحضنته وهو يضحك



فهد ..دلال خلاص
التفت على محمد الي كانوا محرج ومبسوط..محمد هذي اول دمعه بحضورك واخر دمعه مااوصيك
محمد ويأشر على عيونه..من عيوني بس رجع زوجتي لمكانها
ابتسم فهد..مابرجعها بس افضل تجلسون مع بعض بالمجلس الثاني والا شرايك ياخالي
ابو محمد ويبتسم..هذا الرائي السنع
طلعت دلال مع محمد وفهد للمجلس الثاني ورجع فهد سلم على امه وخالاته وطلع



دلال كانت عينها بالارض اما محمد كانت يتأملها بصمت بالاخير ضحك
محمد..انا شفتك مابتشوفيني
ابتسمت دلال بحياء ورفعت راسها ثانيه ونزلته
محمد..مبروك
دلال بصوت شبه مختفي ..الله يبارك فيك
محمد..اخيرا دلال كنتي نجمه عاليه بصعوبه وصلتك اليوم اضويتي حياتي
ماقدرت ترفع راسها دلال قام محمد وحب راسها..انا عارف انك مستحيه ولابزيدك بطلع الحين وبينا الو توصين على شئ
دلا بحياء وقفت..سلامتك



طلع محمد ودخلو البنات والتفت دلال على ريم وبصوت واطي..والله ماتوقعته كذا حليو وجريئ
ريم..ههههههههههههه هذا اولها
دلال بحياء..اسكتي وجع




انتهت الشبكه بعد ماقدرت تدخل الفرح بقلب دلال ومحمد نقطة تحول بالاحساس والحياة الليله لدلال ومحمد الليله غير واحساسها وكل المشاعر فيها تنبض للحب ومن اجل الحب ايه الحب الي انولد لحظة ماارتبط اسم دلال بمحمد لحظة ماتمت الشبكه ارتبط هالاسمين بسرعه برباط الحب الي يبدا حب وينتهي وحب والحياة كلها حب ان شاء الله لهم ..





قرار جميل لغاليه قد يكلف فارس الكثير وهو اتمام الزواج ..

ابنه قادمه من ارض الكويت من بلدها لبلدها الارض كيف ستكون حياتها

لقاء جمع قلبين دلال ومحمد هل ستستمر حياتهم ام ستتغير الظروف