بدع من سالم الكندي وجواب من صالح خميس الحداد

[الزعيـــــــــم]

هذه القصيده من الشاعر سالم الكندي الاحمدي ومرسلها لااخوه الشاعر صالح خميس الحداد

بحيث كلفني الاخ سالم الكندي ان اضعها لكم هنا

يالله دعيناك ياذي على البشر ناضر= يامن لها جلها في السبت والاثنين
نسالك اغفر ذنوبي ياقوي قادر = ودخلتني لاجنان الخلد محشورين
ولاتواكل بنا زايد ولا قاصر = ونت المكلف بنافي وين ولا شين
وقال بو مشعل ابني شاهد مباشر= على الجزيره وشاهد من صلاح الدين
احكاك لعدام ذي ضد البطل صادر = وهز قلبي وهلي يادموع العين
وهز شعب اليمن من حوف لاصافر = لا البقع لاالمخاء لارملت السبعين
وهز منهو عربي عل العرب غاير = في نجد ولا بصيدا ذي قبل حطين
ونعلت الله على من كان متامر= في الكوت ولا في الاردن بلاد حسين
لوما العرب علعرب ماحضنا عاثر= ولا شبرنا كلاب الكفر ذي غازين
ولا يدنس تراب ارض العرب كافر= غبني على الزام لول ياغبين غبين
وبعد ياطارشي من عندنا سافر = من جد البحر ذي ماها على مترين
على الرياض اتكل باتوصله باكر = وانشد على صالح الحداد بو وردين
وقل سلامي بعطر اصلي من النافر = من عطر باريس ذي يبتاع من العين
يملا شيابه ومن في مجلسه حاضر= والزيد بين الحبايب يقسمه نصفين
وتنشده كيف حاله يوم هو هاجر = وشاف ماذا العاني عند بو شرين
وش ذي حذفك علينا يابطل كادر = ونت مقاول تحط الفوت به فوتين
محوسب من قمه التاجر ياتاجر = وكل رصيدات في لنجن وفي برلين
واليوم منهول لاكادر ولا شاعر = رحلات على المملكه والشارقه والعين
من يوم نصب لي بقصان بو شاطر = وقلت ذا شاعر الشهره وله تلحين
غرك بقات الرداي ذي وصل ضامر = ساعه تكيش وساعه يكتبونه دين
نسيت اجمل ال لزنم هم وبن باكر = والمشعبه والمبجيري ذي قبل عوين
عتشي امل نعكس الماضي على الحاضر= نعيد شعرنا من بينا لابين
ولا ذهبنا قفا الهيال والقادر = بات خرصه ورششات بو مجزين
ذا فصل لول صدر من عندنا صادر= وفصل ثاني لبا من عندكم تبيين
اش صار يابو تقي ايش الذي صاير= نصاب والحيد لسوج وين هم سارين
ماحد تحرك نهار الواد متحاصر = كلن بعينه رفيقه يلكحيل العين
ان كان شامخ كبر على الكور متامر = والله كبيره على مولى قرون اثنين
ون كان هي فوق راسه حملها جاير= لازم توضح لذي داري وذي غابين
ذا ذي كتبته وفي بعض الكلم حاير = والله ماودي ان نصاب له بابين
وحزيك انا من ثنين اجمل تتساير= ثنين ماهم بعينه لانظركم زيم
واحد معه سن والثاني قده فاتر = والفرق فالسن اما الشغل متراعين
يمشون في يوم للمسلم وللكافر = والمنفعه واحده من بينهم لابين
والختم صلي وسلم عدد ماذكر الذاكر = صلاه تقشاك ياجد الحسن وحسين

وهذا الجواب من الاخ صالح خميس الحداد على اخوه الشار سالم الكندي الاحمدي

يالله دعيناك ياذي فوقنا قاهر = تامر وتنهي ونخنا الكل مامورين
واتسر علينا ولا غيرك لنا ساتر = وجعلتنا ياالهي دوب مستورين
وغفر لنا الذنب ذي قادم ودي اخر= في ماجهلنا وفي مالعمله دارين
اا اطلب العفو منك وانته الغافر = كتبتنا ضمن ذي في الخلد مغمور
والرزق من باب جودك تجعله ياسر = مابوب غيرك انا باقول مشكورين
والحمد والشكر لك ماسبل الماطر= وافرح به البدو من لكوار لاعارين
ابو تقي قال ياما في الزمن عابر = قد السنه تعبر الليله كما شهرين
من مالشاهد ماسي تكسر الخاطر = من اليودي عيال القدس مهطورين
في بيت حانون ظلا يجزر الجازر= في شعب اغزل وفوقه تهدم الدورين
والجامعه مارثت للشعب ذي طاهر = من مصر لاسوريا للسين للبحرين
وفي العراق البطل ذي دمها فاير= ماستسلمت للمريكي راح في نارين
الفصل لول صدر بايعقبه لاخر= باقول يامرحبا كرين في كرين
رحيب عالراس بك يالشاعر الماهر = ياصاحب العز والناموس والفخرين
يامكرم الضيف ليله ماظوا دافر = والخصم تسقونه ازعررقم بو صدرين
حيشا على مانسيت الججمل ياساحر= ولاتجاهل حقوق الخو ولا الجارين
ماغرني شي عوض بقصان من باكر = وعيال لزنك بزايد قدرهم قدرين
ونك تنشد على ماصار في امعاقر= مالي سبب فيه واسال ضوع باصبرين
شع سحركم منكم من داخل الداير = لما وقع ذي وقع من داخل الدورين
وعادني باتبعك ياصقر ذي طاير= لما توضح لذي مكسي وذي عارين
هذا جوابك على ماسقت ياعاصر = بكره يوضح لك البايع من الشارين
وفصل ثاني اثنين حمال تتساير = والفرق في الست ام الشغل متراعين
اللغز محلول ذو الحجه وفبراير = مابين هجري وميلادي جماع سنين
والعفو والمعذره ياوعل ياكاسر= لخطيت لغزم انا وثنين معذورين
شفنا نكبنا قفا احداث ياناير = واسبابها الصمبحي والشيخ بن حفرين
ذي ضيعونا وظلا شعبنا باير = واليوم من بعدهم في الحظر محظورين
وختمها بالنبي بالقاسم الطاهر = عليك صلي وسلم ياعمود الدين
ياخاتم الانبياء يازهره الزاهر = يامن عرج بك وزادك نور عالنورين

[صقر قوبان]

مشكوووووور اخ الزعيم

[صقر الغيول]

يسلموووووووووو زعيم

كلام والله تحية للشاعرين
غرك بقات الرداي ذي وصل ضامر = ساعه تكيش وساعه يكتبونه دين



واخرى لزعيم


تحياتي

[رامي حامد]

الله الله الله


صح السااااااااااان سالم وصالح




ابدااااااااااااااااااااااااااااااااااااااااااااع


مشكوووووووووور اخووووووووي على النقل المتميز

[بودين النعماني]

والله فعلا شعر جمييييييييييييييل مشكور اخي الزعيم