|
"شجاني ما شجاني وانت ياشعري عليك البوح "
اعضاء وزوار منتديات شبوة نت الكرام
السلام عليكم ورحمة الله وبركاته
اقدم لكم اليوم قصيدة (نبطية)من كتابتي واتمنى ان تحوز على الرضى ..
قصة القصيدة
كتبت هذه القصيدة على لسان اخي (علي) .. حيث كان ل علي صديق سعودي واسمه (سعود) وهو صديق عمره من (اولى ابتدائي) وتطورت العلاقة الي ان اصبحت علاقة اسرية بين الاسرتين
ولم يفرق علي و سعود الا القدر .. فبعد التخرج من الثانوية لم يستطع علي اكمال الدراسه فالمملكه وذلك بسبب (الجنسية) و التحق بمجال الاعمال .. واابتعث سعود الي امريكا للدراسة الجامعية .. ومع ذلك لم تفرق بينهم كل هذه المسافات فكانوا على تواصل دائم بالتلفون والماسنجر وكذلك حين عودة سعود للاجازات ..
ولكن وللاسف "وفي اخر سنة دراسيه لسعود" انقطعت اخباره عن علي .. فأخذ يسأل عليه والده ولكن لا جواب محدد .. فأستغرب علي واحس بشيء حدث لصاحبه ..
وبعدها عاد سعود وهو يعاني من حالة اكتئاب حاده .. فأصبح انعزالي واطباعه تغيرت كثيرا .. فذهب ابو سعود ل علي لكي يساعده في اخراج سعود من هذه الحاله بحكم صداقتهم القديمه .. فشعر علي بسبب انشغاله بعمله انه مقصر مع صديقه ولم يقم بما يلزم .. فطلب مني ان اكتب لابو سعود قصيدة على لسان علي يواسيه فيها ويعتذر له عن تقصيره..
شجاني ما شجاني وانت ياشعري عليك البوح = تبرد صدري اللي شاعله تسعر لواهيبه
تعافي قلبي اللي ماتعافى من الم واجـروح = كذا قلبي يودع "جرح".. والثاني يحيي به
كأني "ميت"..واحروف القوافي نايحات اتنوح = على ذا الميّت اللي ماعطاه العمر من جيبه
على حالي على حظي على لغزٍ ماهو مشروح = على غالي رجع غالي بعد سفره وتغريبه
انادي له ونا خايف وصوتي يرتجف مبحوح = عسا ماشر..وين الناس..ليه مطول الغيبه؟؟
غريب القلب يوم انه سألني عن " شقيق الروح " = نغزني ون نغزني جاتني من بعده امصيبه!!
على صاحب بنيت بداخلي لجله مدن واصروح = وهو بادل شعوري نفس احساسي مع الطيبه
اصيل وماعرفته غير بخصال الوفا ملفوح = الا لله در اللي كفل علمه وتأديبه
على صاحب رحل منا وهو كله امل واطموح = وحنا بين كل الناس نفخر به نماري به
وعاد..وصارت اعروق الحبايب تغتلي واتفوح = على رجعة حبيبٍ مانبي ماصابه ايصيبه
عساها تنجلي الغمه.. عساها غمةٍ واتروح = ونا متأكد الرجعه بلا شك وبلا ريبه
ونا ادري للطريق اَ خر..وانا ادري للجبال اسفوح = واكيد اسعود راح يعود مثل اول ونا ادري به
وتبشر بوسعود ابشر ونا يمناك يالممدوح = انا بإذن الله الواحد محقق له مطاليبه
ونا والله لولا حاجتي والمنزل المفتوح = لعقّل ركبتي عنده واوجب خير توجيبه
تراه اسعود..ميزانه على ياقي البشر مرجوح = له اخلاصي وله ودي وله صدري وترحيبه
نعم كنا من اول ياانا ناصح ويا منصوح = ونتقاسم مع بعض الفرح والحزن والخيبه
كذا دنيا تمشينا على مبدا "سفينة نوح" = متى ماشاء يرسيها..لقت مرسى وترسي به
الا سبحانك اللهم ياسامع دعا المكبوح = تعقبنا بيسرك بعد تعسيره وتعصيبه
ويرجع بيننا الغالي مثل ماكان "جسم" و "روح" = مثلما احسنت يابوسعود تأديبه وتهذيبه
يعود بنوره اللي لاظهر خلا الغمام وضوح = يعود بصبحه اللي لا شرق نسّى مغاريبه
ونا يمناك يابوسعود ..في مسعى شقيق الروح = ولو تبغى "لبن عصفور" للغالين باجيبه
ونا والله يابوسعود لولا بابي المفتوح = لعقّل ركبتي عنده واوجب خير توجيبه
وابشركم ان سعود حاليا عاد كما كان وافضل والحمد لله
|
02-03-2007, 02:32 PM
العرض العادي
