مفيش أجمل من الشخابيط
كلام ع الحيط
بيحكى القصة م الغربة لبيبان البيت
ياريتنى ياريت....... ما كنت عرفت معنى القسوة
معنى الجرح والتخبيط ............فى كل الناس
فى أى أساس ...... هيدفن فكرنا فى توابيت
بيلقفنا ... ويحدفنا ... فى نوة بحر عاااااالى... غويييييييط
تعافر فيه علشان لقمة ........ عافرت
غرقت فى الزحمة ... وبكرة هتلحس الفتافيت
وبكرة تشوف .. ومتصدقش .. ماتستهزأش
ولو حتى الكلام ده عبيط .....
مفيش أجمل من الشخابيط
كلام ع الحيط
بيحكى حكاية القطة اللى أكلت حتى قطاقطها
وداست فوقها رجلينا .. وحبة رمل غطيتها
وعدت .. زى أى حكاية بتعدىوأنا لوحدى
كتير بالحالة دى حسيت .....؟
أنام أحلم بانى صحيت......؟
لقيت أمى بتندهلى تعالى افطر .....؟؟؟؟
أفوق أكتر تترحم عليها دموعى وأتحسر ...
باينى نسيت ..؟ نسيت نفسى
يا سيدى أهى مرة من نفسى
أقول كل اللى أنا اتمنيت .. ما أقولش يا ريت
ما أقولش كلام يوكل عيش ومعنى مفيش
مابيوصلش ولاحاجة .. وأنا قولته ماوصلنيش
ما أخدتش منه غير زهقى ماأخدتش منه غير تسقيط
بنات وصويت ... بينها حفلة للمدعو اللى اسمه .......؟
نسيت........
نحب نزوق اللخابيط ...
نحب نغنى فى الزحمة نحب نزيط ..
ما تسألنيش علشان ما أحكيش....
كلام فى الاصل شرحه يطول .. خلاصة القول..
مفيش أجمل من الشخابيط
كلام ع الحيط
بيحكى حكاية البلد اللى احسسها وكلامها يهز
بيحكى فى نيلها وجبالها وكوابسها اللى منها تفز
بتتمرد يا ابن الللللللللللللللللل عز.....
بتتمرد على ترابها وهتسبها ومرضها يلز
بجد نسيت ....... بقى انت فى حضنها اتربيت
هقولك ايه ؟ مفيش فايدة
فى انك تروى فى ارض ترابها ما يخضرش
مالوش لزمة الكلام أصلا مادام عقلك مابيفكرش
مفيش أجمل من الشخابيط
كلام ع الحيط .
العرض العادي
