|
|||||||
|
للأعضاء فقط
رفع صور تحميل صور ملفات تواقيع برامج |
العاب بنات - العاب - برامج - صور - العاب كاملة - العاب للبنات فقط - صور بنات - صور اطفال
|
للأعضاء فقط
رفع برامج رفع تواقيع |رفع ملفات |
|
|
الوناااااااااسة وسعة الصدرمنتدى جميل لكل من يحب الضحك المقالب مهسترين مجانين عقال بتاع كله |
 |
|
|
خيارات الموضوع | طريقة العرض |
03-13-2007, 11:13 PM
|
#1 (permalink) | |
|
قلم من الألماس ...
|
خخخخخخ ادخلوا و شوفوا ههههههههه
السلام عليكم
مساء الورد  طول الله اعماركم واعمار السامعين <<< اعمار والله انها دمار هالشركه مو راضية تقفل نسبة فووووق ...  المهم مرتن من المماريت ..... قدر الله علي في يوم من الأيام ومدري وش خلاني ابز قدام أمي واقولها والله من زمان ماجلسنا هالجلسه مع بعض .. يامال جمعا الجنّه .!! واثناء تجاذبنا اطراف الحديث انا وماما "غزيّل" الله يطولي بعمرها .!! قالت عندي فكره .. وطلع فوق راسها لمبه زي اللي في الماسنجر بلس وقامت تناظر زاوية المجلس .. وتتمعن وعينها اليسار بدة تلف لحالها .!! انا بصراحة خفت عليها بغيت اناديهااا بس قلت خلني بشوف وش يصير؟!! واقعد اناظر فوق راسها واشوف اللمبه ولساني حالي يقول " ألحين بتقول ماودك بس تاخذ بنت خالتك وانا امك؟! ولا بتقولي ورا ماتدور لك وظيفة بدال تبطحك في هالبيت وخياسك بفراشك !! اللتفتت علي وقالت اي والله وانا امك ماودك تدور لك شغلة بس لو في محلات هالخظرة ولا تبيع جح ولا اي شي بدال جلستك صاير"ن" كأنك جيفة مغير تبطح على غير سنع .!! وقامت تصفق بيديها وبين كل كلمة وكلمة صفقة .!! مابقى الا شوي ويدخلون الطقاقات ويقولون " يامرحبااااا بالمقبليييييين " طمبق طمبق طمبق طمبق !!  قمت ومن شدة تأثري بكلام امي نزلت راسي وصديت وجهي يم الجدار مخفي دموعي وانا اقولها "خير إن شاءالله " .!! طلعت من البيت على الونيت مدري وين بروحله بشوف لي شارع مظلم اقعد ابتسي فيه .!! ولا براحة ؟ ... وانا في طريقي وقفني واحد وقالي بغيتك بخدمة يالحبيب قلت اطلب عزّك .!! قال انا توني شاري تلفزيون ولا اقدر اشيله بسيارتي وابيك تشيله معك في الصندوق ونودية للبيت .! قلت تم مشينا والله ونحمل التلفزيون ونودية لبيته وندخله لين المجلس وانا طالع والقاه معلق " خمسمية ريال " على دريشة الونيت وكاتب عليها كثر الله خيرك .!! يا اخي المسلم والله يوفقك ويرزقك من حيث لاتعلم وان بغيت اي شي لايردك الا لسانك وحاط رقم جواله !!  تلفت يمين ؟؟ وتلفت يسار!!! ارجع اللعن شكلة الحين؟ يحسبني كداد هو ووجهه ؟! وتطلع اللمبه اللي فوق راسي وتصكني مع جبهتي وقالت ياخي صدق انت لوووح .!! الحين رزق جايك من السماء وقاعد تتمشيخ انت ووجهك اشتغل يامال الغنيمة زي الاوادم والناس .!! قلت بس مابدهاش مالك غير الا الكدادة ياولد الونيت وموجود صح ان صندوقه مصدي والطبلون مغبر والتنده كلها ذكريات البشكة !! بس مهيب مشكلة يلقى من يحتاجة زي راعي هالتلفزيون !! وأطلع على راس الشارع والقالي مصري قلت عاوز مشوار ياحق .!! قال البطحاء بريالين قلت ظف وجهك بس امتبك<< انطلق بك لغير الناطقين بلهجة الرياض مشوار من السويدي للبطحاء بريالين ؟!! قال انئلع انت وشماغك يالسعودي !! قلت ياولد طالما اني الحين كاش .!! ومعي خمسمية ريال .!! ورا ما اوسع صدري بس والدنيا فانية واسوي زي ابو الهشاهيش يمكن القالي واحد كاش ثاني ويعجب بالكرايزما حقتي ويصير صديقي ويصرف علي .!! ولا اطيح لي بحدا هالوزراء <<< وزراء بونيت ياللحجي؟؟ قلت اركب ياحق دحنا شباب السويدي اقدع ناس ومسوين مسابقة بالتعاون مع التفزيون السعودي وبنوديك للمشوار اللي تبية وبنعطيك فلوس كاش ونيت " مش حتئدر تبربش عينيك " أول ماركب معي المصري ويقعد يدعي .!! ويتكلم عن السياسه وربونا يخلي ابو متعب .!! واهدي سلامي لخالتي في فرنسا .!! قلت اسمع انت يا مصري مهوب كذا مايصير لازم تصير اتكيت .!! وتناظر المراية اللي فوق راح ولزق خشته بالسقف وقعد يناظر ويغمز .!! قلت ياولله السبهه ذا وش يبي .! قلت مشوارك وين بس قال البطحاء عاوز اشتري شوية حقات للمحيل .! قلت يالله بس هذانا وصلنا للبطحاء انزل .!! قال الله ؟؟!! الزاي وصلنا فين الفلوس فين الشئة دنا حدربك بالروصاص .!! قلت انزل بس لا اجلدك انت وريحة هالصنان اللي شقت خشمي اللهابوك لو تفصخ فنيلتك طاح معها درزن خمير .!! اخس عليك ياوحش اخرس وانزلة وانحاش .!! قلت مافيه ولا تيئس بس ... لازم اشوفلي واحد"ن" مخفه وينلعب عليها لو العب انا وياه قمار يا اسرقه يا ياسرقني .!! اجل قاعد"ن" ادور بجنوب الرياض وش بلاقي؟! اكيد ياحونشيه ياخوال .!! وادز مع الدايري وافرق مع مخرج 16 ... واشوف لي ذاك الرجال اللي صافقتن خشتة الشمس ومن قوة التعفيط بالوجه ماتدري هو مغمض ولا مغمص .!! وقفت عنده وقلت له تبي توصيله قال ايه ابي حي النسيم .!! قلت حياك الله ارحبووووو يارجال .!! طمر طمر واخترش وطلع السلاح ومسك بيدة الثانية جنبية وقعد يصايح " أرحبووووو أرحبووووووو " وقعد ينتفض .!! بسم الله وش فيه ذا.!!!؟ يا ابو الشباب انا من التفلزيون السعودي وبسوي معك مسابقة وبوديك للمشوار اللي تبيه وبعطيك فلوس .!! الكلام هذا كله وحنا واقفين .! قعد يخزني بطرف عين ؟! ويسحب شنبة ..! وقال ايييييييه انت من التلفزيون اجل .. قلت ايه ومعنا خمسمية ريال جائزة شفها واومي<< احركهاا يمنه ويسره خخخخخخخخخ فيها قدامه غدية يصلح ..! ولا يهجد أقل شي .!! قل تبا حشيش؟؟! قلت وشو ؟؟؟؟؟؟ قال تبا نص ربع ولا حق راسك ؟! قلت انزل الله يلعن شركتك يالجنط هذي اخرتها راكب معي بياع يالحنس انقلع .!! يوم شافني متحمس شك بالوظع قال شكلة مباحث ولا ولد شيوخ ويموه علي .!! قال بكل فخر وهو رافعن خشمة وشايل وبقاياه من المرتبة ونازل .. علااااا هوووونك يابنااااااخي والله لاجيبك لاجيبك .!! واردها بنمرة وانحاش ...!!!! واديور مع المخرج قلت اللهابوها ديرة وش هالحالة مافيها الصاحي؟!! الاول مصري سبهه والثاني بياع؟!! خطر تطلع لي فيفي عبدة ولا سيد زيان مع الحظ !! نزلتهم وحطيت رجلي واقعد اصيح واصيح تمنيت عندي سرير نفرين ومفرش وردي وستارتي فوشي واطفي اللمبات واقعد اصيح زي " روان العاصي " بس للاسف كان راس مالي طراحة مشجّرة في السطح .!! ويظيق صدري قلت خلاص مالي الا شمال الرياض اروح هناك واللي بيركب معي بعطيه الفلوس على طول .!! واجي من عند المملكة والف يمين واشوف هاك الافواج امم متجمعه .!! انواع الحريم قلت اييييييه هذا الشغل الزين مهوب هالجحلط اللي اخرتها وهذا جزاي موديهم عشان يودوني بداهيه!! واشوف لي وحده لابسة عباية المفروض ان لونها اسود من من كثر الدناديش صار لونها مموج زي الرهيب 2000 ؟!! وتشرلي ووقف وركبهاا قالت ودني شكل اخوي بيتأخر.. ودغري امد الخمسمية وتنطلق علي سب وشتم وماسمعت غير اخر كلامها وهي تقوول لي .... كش عليك ياوع وتنزل... ويوقف جنبها راعي BMW 760 لؤلؤي داخلي بيك خليجي <<< جمركه !! انا خفت قلت شكله صدق اخوها .!! وينزل ويفتح لها الباب وتركب معه ويمشون قدامي .!! وانا واقف واحط يدي على باب الونيت واقول لاااا ..!! خطفها المووقر ... ويدق ريوس ..!! قال انت اللي بتعطي هذي خمسمية يالقروي؟؟ قلت لا منيب معطيها شي وش شايفني اكد على عميان ؟! ويطلع " خمسمية " من جيبة ويشقها قدامي ويدعسها ... ويييييين !! اتحداكم تعرفون؟؟ دعسها بشنطتها .!! وقال استح على وجهك وسم زي الناس .!! ويمشي...... حسيت من جد ان مالي داعي واني فاشل واني مستحيل الاقي وظيفة تظفني وتعيشني مثل سندريلا .!! << وش دخلها مدري .!! ركبت موتري وطلعت على طريق الملك فهد قاصد حي السويدي حيث مسقط راسي وصلت البيت دخلت على اذان المغرب والقا امي قاعدة تتقهوها وتفطر " صايمتن الست " قالت تعال تقهو وانا امك .!! وتصب لي فنجال حطيت الفنجال بخشتي بمصمصه من زود الشهوة وشنق برطمي .!! اه الفنجال مكسور يمه ؟!! قالت جرحك .!! قلت ايه ؟! قالت حسيت فيه ... ايه يمه " خنقتني العبره " !! شف وانا امك البني ادم مهوب يتبطح بس ويقول ابي اكل وابي اشرب وابي انام وهو لاشغل ولا مشغله الواحد كبر الحمار ولا في جيبة ريال .!! ولاهوب اذا بغى يشتغل يدور اللي على كيفة ولا يبي الناس تقوله تكفى تعال اشتغل وبنعطيك فلوس طال عمرك .!! الشغل مثل الهم على القلب بس وين اللي بيصبر .. ومن صبر ظفر وانا امك .!! قم وانا امك وادخل المنتدى ووسع صدرك .!!  مايستفاد / ترا الـ "خمسمية " معنا واللي يبي يتسلفهاا حنا حاضرين .... تحياااتي وووووووووووفتكم بعاافية منـــــــــــــــــــقول |
|
|
|
||
|
|
|
| خيارات الموضوع | |
| طريقة العرض | |
|
|
برامج - ماسنجر - العاب - فيديو - منتديات- ترجمة مواقع - برنامج - العاب للبنات فقط - تحميل - بلوتوث - جوال - افلام عربي - أفلام - برامج - ابراج – حظك اليوم
النمط المتتابع
