|
معلمات برتبة خادمه
كنت في إحدى المدارس الأهليه والتي لا اسعد بذكرها
كنت ادرس فيها ماده مو تخصصي (أقتصاد منزلي)(خياطه)(فنيه)
وبدون مبالغه كنت ادرس هالمواد من أول ابتدائي إلى ثالث متوسط
يعني مكرووووووووووووفه من قلب
وكانت صاحة المدرسه أنسانه همجيه بكل ماتحمل الكلمه من معنى
كانت تعتبر المعلمات عندها خدامات كأقل تقدير
المهم ماكانت تحترم معلماتها عند الطالبات كانت ترفع صوتها وتفرض اوامرها وتبدي انتقاداتها
اللي مالها داعي قدام الطالبات.......... تخيلوا طيحة الوجه بس
وكانت تشجع الطالبات على انهم يمشون شورهم
يعني وبدون مبالغه اذا مايبون حصه مافي حصه
وفالاخيركل الطالبات ممتاز
مع ان فيها بنات والله فأول متوسط ماتعرف تقرا ولا تكتب تخيلوا وبنت فرابع ما تعرف تتكلم وماتسمع بوضوحواشياء تشيب الراس
المهم فيوم كنت أعطي درس لأول متوسط عن ربة المنزل الناجحه
وكان الدرس عن كيف تكون ربة المنزل هادئه ورحيمه وحكيمه و و و ...............
وفي أثناء الدرس والهدوء ورحلة الأم المثاليه الا وينفتح الباب بقوووووووه لين بقيت اموت من الخرعه انا والبنات
الا والمديره(صاحبة المدرسه)
وبدون استئذان (طبعا)..... تصرخ عالبنات
وانا واقفه زي الجدار
يالله قوموا بشوف أدراجكم وياويل اللي كاتبه عالطاوله بتجي موجهه اداريه
وتحوس الفصل وتطلع وتقفل الباب بقوه لين كان بينخلع من مكانه
لما طلعت وبالعافيه رجعت البنات
قامت وحده من البنات وقالت
معلمه: المديره مو قدوه
يعني هي ماقدرت تكون ربة منزل ناجحه كيف أحنا
وبعدها كثرة أسألة البنات وليش وليش.............
طبعا من صدمتي ماصدقت تخلص الحصه وأخلص من اسالة البنات اللي احرجتني اكثر
ونزلتو ووقعت استقالتي
وطلعت من مدرسة الاستعمار والدكتاتوريه وهذا حال اكثر المدارس الخاصه
اتمنى ما اكون طولت
تقبلوا تحياتي
|
النمط المتتابع
