قصيدة في الحكمة

[محمد الخليفي122]

سر ياقلم مالي على الصبر طاقه***صبر تعدى الحد ماعاد ينطاق
اكتب لمثلي قصته واشتياقـــــه***في خطك الواضح على بيض الاوراق
قصة حزين صافي المر ذاقــــه***اليا ذكر ماصار له خاطره ضاق
باقو به الاصحاب والوقت باقــه***واصبح ضحيه مابين بايق وبواق
يمشي وهو ماحس في كسر ساقه***امسي على ساقين واصبح على ساق
وهذي سوات الوقت شين اصطفاقه***الوقت لو يصفيلك ايام دراق
ان شان قطع معك كل العلاقــــــه***وان زان خلالك مع الناس عشاق
ومن شان معه الوقت قلو رفاقــــه***وراحت حياته كلها هم واقلاق
والله خلق خلق تحب اللباقــــــه***كما خلق له خلق ماعندها اخلاق
احدن يعيش بخير واحد بنفاقـــه***واحدن يعيق ايام وايام ينعاق
واحدن معه حكمه وصبر ورواقه***سبحان منهو للمخاليق خلاق
لاكن يامن معك عقل ولباقـــــه***ابنصحك كانك للامثال تشتاق
لاتنخدع باهل العلوم الرقاقـــه***اللي سوالفهم توهق توهاق
صادق رجال يعرفون الصداقه***يقفون صفك يوم يبسات الارياق
ومن رغب في فرقاك ارغب فراقه***جاز اللذي يجزيك بفراق..بفراق
وتعلم التعشيق قبل السواقــــه***لاتحسب انك بالدرقسون سواق
ورزقك يجيك بدون تحضر بطاقه***عند الله المعبود تقسيم الارزاق
يقوله اللي جاير الوقت عاقــــه***ولازال في غيبوبة الهم مافاق


م ن ق و ل ة

["فتى خورة"]

ما قصرت يا محمد و كعادتك مبدعا نقلاً و قولاً

تحيّاتي

[ذيب االليالي]

صح لسانك يامحمد وماقصرت على هذا النقل الروعه في الحكمة والى الامام دومن

[مفيد الوحش]

صح لسانك ولسان شاعرها

قصيده رائعه من شخص اروع

القصيده كلماتها رائعه فيها ابيات كثيره عجبتني مثل البيتين اللي يقول :.

باقــو به الاصحـاب والوقت باقـــه***واصبح ضحيه مابيـن بــايــق وبــواق
يمشي وهو ماحس في كسر ساقه***امسي على ساقين واصبح على ساق

وهم بعد فيه بعد عجبني كثير اللي يقول :.

ورزقك يجيك بدون تحضر بطاقه***عند الله المعبود تقسيم الارزاق

سلمت يداك على هذا النقل المميز والرائع

واتمنى لك هذا الدوام على الابيات والمواضيع الجيده والرائعه

دمت على خير

تحياتي : مفيد الوحــش

[محمد الخليفي122]

اقتباس من مشاركة فتى خورة";688349][center][size=&quot

ما قصرت يا محمد و كعادتك مبدعا نقلاً و قولاً

تحيّاتي[/size][/center]

مشكور اخي فتى خورةعلى مرورك الكريم وعلى تواجدك الدائم

[محمد الخليفي122]

مشكور اخي لكديم على مرورك الكريم

وكذلك اخي مفيد الوحش وتقبلوا تحيايي