بدع شفلوت الوادعي من المملكة العربية السعودية
يالله يامطلوب يا منشي مزونـه **** ياعظيم الشان ياجـزل الهباتـي
ياكريـم كـل خلقـه يعبدونـه **** ويامغيـث النفـوس الجايعاتـي
جل من جملة عبـادة يرتجونـه **** الولي محيي الهشيـم البالياتـي
المغني يوم عـدا فـي **ونـه **** راس مشـذوبٍ تعـلا النايفاتـي
مرقبي جعل الحيا يصفي بلونـه **** تزهر ازهاره ويرعاه الرعاتـي
كم رعاه العود ذي طالت قرونـه **** قانصه ضاريً بصيد الجازياتـي
يوم عديته طوت قلبـي شجونـه **** قمت افكر بالسنيـن الماضياتـي
والهجوس تزيد بالخفـاق كونـه **** والكرب يزداد والعبـرات تاتـي
صار مثل العد تشربـه ظعونـه **** منهلٍ تـارد عليـه الظامياتـي
والهموم تشكلة حولـه ودونـه **** ذي نصدرها وذي لـه وارداتـي
فراكب اللي ما شراه إلا **ونـه **** لا نوى يضـوي بـلادٍ فايتاتـي
جيب خذ مني تواصيفـه ولونـه **** قبل ما تركب معك مني صفاتـي
أدهم تصدع دجا الظلماء لحونـه **** في ظلام الليل تسمع له عواتـي
صانعه في صنعته متقن فنونـه **** ما انشغل فكره مع زين الصفاتي
سايقه ما هقوتي تخلف ظنونـه **** لا ختلف في الجو عج المحرقاتي
قم عسى يامسندي تكفا المهونه **** عاد كل الناس في نـومٍ سباتـي
وجه السكان صوب الشرق كونه **** وجهتك يوم انت بتودي وصاتـي
وانتبه في الخط وافتح مكرفونـه **** واستمع متى يقيمون الصلاتـي
واطلب الوالي مع اللي يطلبونـه **** لاجل يكتب لك حصونن مانعاتـي
ومركز الخضراء جوازك يختمونه**** قل لهم بزور لى مرخـه وباتـي
وانص شيخ بالجمايل يذكرونـه **** حول مرخه حسب ذكر التوصفاتي
يثني الترحيب ويقلـط صحونـه **** فوقهـا در البكـار المسنماتـي
مدهل الضيفان بيتـه يدهلونـه **** للطروش بدار ابوفيصـل مباتـي
شاعر المحراف شعره يازنونـه **** بالذهب لى غلي سعر الجوهراتي
النسيين اخوتـه تجلـي غبونـه **** سعد منهم فزعته في النايباتـي
ضيفهم ليما نصاهـم يكرمونـه **** والعدو ينزح بوقـع مصقلاتـي
من سلايل فارس ٍ يثني طعونـه **** لا اقبلت خيـلٍ وخيـلٍ مقفياتـي
الهلالـي منسـب يتوارثـونـه **** سجل التاريخ لاهلـه ذكرياتـي
صبحوا قابس على كل امعنونـه**** وانهزم من حربهم جيش الزناتي
قل سلامي عد مامالت غصونـه **** واثمرت من عقب ماهي يابساتي
وقل له ان قلبي كثيراتٍ شطونـه**** هاويٍ مبدا الرجـوم العالياتـي
فاقـدٍ ظبـيٍ كحيـلاتٍ عيونـه **** مدهل بيـن القفـار الخالياتـي
حن قلبي حن هجنٍ في سجونـه **** دونها بيبـان حصنـن مقفلاتـي
عاذلين القلب زودتـوا حزونـه **** مايطيع العذل واقـوال الوشاتـي
لان دوا قلبي مع مـن تعذلونـه **** عنه والوجعان يبغـون الدواتـي
كيف ترضون الضمير تزعلونـه **** تجرحونـه بالعلـوم التافهاتـي
حالفٍ قلبي عهـودٍ مـا يخونـه **** مايخون الزين مردوع الشفاتـي
وختمها صلوا على اللي تتبعونه **** النبـي سيـد جمـع الكايناتـي
جواب لشاعر ابو فيصل بن جرادن (مرخه)رد عل الوداعي(السعودية)
ابتدي باللي عباده يعبدونــــــــــــه ****** بالفروض الواجبه والنافلاتــــــــــــــــــــي
ناس تسجدله وناس يسبحونـــــــه ****** في البيوت وفي المساجـــــد والفلاتـــــــي
عالم الغيب الذي ماتعلمونـــــــــــــه ****** عالم اسرار القلوب الخافياتــــــــــــــــــي
غافر الزله لمن يستغفرونـــــــــــــه ****** طالبين العفو منه والنجاتـــــــــــــــــــــــي
بعدها يا مرحبـا مايحسبونـــــــــــــه ****** دارسين الحاسبات الاألياتــــــــــــــــــي
مرحبا يملى الوطن لما ركونـــــــــه ****** بالرساله والحروف المرسلاتـــــــــــــــــي
والطروش مكلفين يبلغونــــــــــــــه ****** من بلادالى بلاد(ن) ثانياتـــــــــــــــــــــــي
ساقهم شفلوت عندي يصلونـــــــــه ****** واستلمته منهم لكن فاتــــــــــــــــــــــــــي
ثم جابوه الطروش يكررونــــــــــــه ****** جا ونا عندي ضروف قاسياتــــــــــــــــي
للزمان الوان وانتم تفهمونــــــــــــه ****** فيه ميلات وفيه معاكساتـــــــــــــــــــــــي
واعذرو من حمله وقته طنونــــــــه ****** وارتكا مثل الجبال الراسياتــــــــــــــــــــي
لا شكا فقره ولا كثرت د يونـــــــــه ****** لين فرجها الولي جزل العطاتــــــــــــــــي
واستعد برد ناساًيسجلونــــــــــــــه ****** يسالونه من هوى بيض البناتـــــــــــــــي
الهوى ماله دواء لاتامنونـــــــــــــه ****** جنته مثل النيار المسعراتـــــــــــــــــــــي
والعذارى من تبعهن يذبحونـــــــــه ****** عندهم سوق المحبه والشناتــــــــــــــــــي
يسعدونه في الهواء ويعذبونـــــــه ****** بايذوق المر من ذاق الحلاتـــــــــــــــــــي
وين ربع الوادعي ماينصحونــــــــه ****** لايروح في طريق الهاوياتــــــــــــــــــــي
غذبه ضبيا كحيلا تا عيونـــــــــــــــه ****** والضباء قد عذبني في حياتـــــــــــــــــي
لوعيونه شافت اللي يفعلونـــــــــــه ****** بي تناسا كل مابه من وناتــــــــــــــــــــي
أوصحي مجنون ليلى من جنونـــــه ****** يعترف ويقول ماسوى سواتـــــــــــــــــي
في هواء عنزا معذب في كنونـــــــه ****** قائد الغزلان لا اقفا ذاعراتـــــــــــــــــــــي
عادني باقول قولا تتقنونـــــــــــــــه ****** قول من عنده علوم مجرباتـــــــــــــــــــي
قال ابوفيصل سمر واسهر جفونـــه ****** من لذيذ النوم من حلو المباتـــــــــــــــــي
لي سهر ليلي وغيري يرقدونـــــــه ****** والنهار هموم وافكار الشتاتــــــــــــــــــي
حول عشرسنين عائش في سخونه ****** من سنة تسعين لين الفين جاتـــــــــــــــي
والسبب ناس بقلبي يسكنونــــــــــه ****** دارهم مابين كبدي والرياتـــــــــــــــــــي
مالهم غيري وليف يعشقونـــــــــــه ****** لاولالي غيرهم خلا بتاتـــــــــــــــــــــــــي
يرحمون القلب ولا يحرمونـــــــــــه ****** يعتبر محكوم ماله حكم ذاتــــــــــــــــــــي
راكب للي للنشاما يركبونــــــــــــــه ****** في سنعهم ما يشل العائلاتــــــــــــــــي
للطلب عند اللزوم يحضرونــــــــــه ****** مايقصر في جميع الواجباتـــــــــــــــــــي
ان طرد رد ا وشرد مـــايلحقونـــــه ****** ماتباريه الصقور السائباتـــــــــــــــــــــي
كن صوته لاصفي من كاربونــــــــه ****** عود فنان على احدث تقنياتــــــــــــــــــي
ان مشى بثنين قبل يغيرونــــــــــــه ****** كنه بلفقيه يشكل لغنياتــــــــــــــــــــــــي
ون عطوه الثالث يزيده مرونــــــــه ****** صوت من غناء العيون الناعساتــــــــــــــي
ماهقا ان اهل البراقع يفتنونــــــــــه ****** لين شاف ضبا النفوذ مبرقعاتــــــــــــــي
وان تعشق رابعا تشبه د نونـــــــــه ****** لغنية ميحد حمد في لمسياتـــــــــــــــــــي
زودو ماطوره اللي يصنعونــــــــــه ****** والدبل والجير فيه مميزاتـــــــــــــــــــــي
والغماره مثل ملعب برشلونــــــــــه ****** فيه صالات وفيه مدر.جاتـــــــــــــــــــــي
جا مديله في الظفيره يكتبونــــــــــه ****** انجلش تو تاوزن ون مترجماتـــــــــــــي
ذي وصوف الموتر اللي يمدحونـــه ****** يوم طافو به شقاق مغدراتـــــــــــــــــــي
والتماني زارها واسفل حبونـــــــــه ****** واتجه نجران واعلن به ولاتــــــــــــــــي
للملوك اللي حموه ويحكمونــــــــــه ****** اسرة ال سعود حكام وقضاتـــــــــــــــــي
دام عشر ايام ربعه يعزمونـــــــــــه ****** علمفطح ثم دار مشملاتــــــــــــــــــــــــي
واصبحو يم الخميس يوجهونـــــــه ****** ودهم خوة خليل الغاوياتـــــــــــــــــــــــي
مر شليا محلا لفات رونــــــــــــــــه ****** نصف ساعه ونقده بالحاوياتــــــــــــــــي
عند مركز بير عسكر يسالونــــــــه ****** وين رايح ياصبي ومنين ماتــــــــــــــــي
قال من صوب اليمن قصدي ترونـه ****** حول ضهران الجنوب اوفي السراتـــــي
قال قائدهم تعال وفي خشونــــــــــه ****** انت صاحي انت شارب مسكراتـــــــــــي
قال انا صاحي وكلن له شؤنـــــــــه ****** في اليمن خليت دخاني وقاتـــــــــــــــــي
جيت دور واحد لو تعرفونــــــــــــه ****** من قبائل وادعه من هالجهاتـــــــــــــــي
س من هذا الذي جيتو تبونــــــــــه ****** ج هو شفلوت بن صالح قصاتـــــــــــــي
س هل بينك وبينه بيع مونـــــــــــه ****** ج لابيني وبينه مبايعاتــــــــــــــــــــــــي
س هل من وادعه تطلب معونــــــه ****** ج لا حاجه لمثلي في الزكاتـــــــــــــــــي
س ما معكم لهذا تحملونـــــــــــــــه ****** ج له من عند ابو فيصل بياتـــــــــــــــي
هل صحيح الشعر حقاً تنظمونــــــه ****** ليس محرومه علينا الموهباتــــــــــــــي
قال انا آسف ترى ما لك مهونــــــه ****** للحمايه ماخذين التحرياتــــــــــــــــــــي
والجنود تجود اللي يتهمونـــــــــــه ****** والبري يطلع من المخفر براتــــــــــــي
وانت دربك سمح مايتعرضونـــــــه ****** حيث ماودك على مسئولياتـــــــــــــــــي
قال شكرا لك على ما تعملونـــــــــه ****** للمواطن في الوطن والجالياتـــــــــــــي
والمسافر في طريقه ترشدونــــــــه ****** فيه اشارات المرور ولائحاتـــــــــــــــي
فوق ذا خير للبلاد تقدمونـــــــــــــه ****** للعرب والمسلمين مساعداتــــــــــــــــي
واعذروني والمسافر يعذرونــــــــه ****** ان سمعتو في الكلام تحدياتــــــــــــــــي
دق سلفه والجميع يودعونـــــــــــه ****** بالسلامه نلتقي قبل المماتـــــــــــــــــي
راح صوب الديار اللي يحترونــــــه ****** اهلها قد عندهم علما ثباتــــــــــــــــــي
ساعتين في الطريق يجرعونــــــــه ****** وانتها المشوار به عند القناتـــــــــــــي
في مضارب وادعه يستقبلونـــــــــه ****** بالمراحب والعلوم الطيباتــــــــــــــــــي
والغداء عند الشباب يجهزونــــــــه ****** من سمان الضان خمس وبعد شاتــــي
وقتهم بعد الصلاه يقلطونــــــــــــــه ****** حسب عادات العرب في البادياتـــــــــي
ضيفهم وان كرموه يونسونــــــــــه ****** في السوالف والدلال مهيلاتـــــــــــــي
في ثلاث ايام مايتخبرونــــــــــــــــه ****** عندهم كل السلوم الوافياتـــــــــــــــــي
بعدها من حيث جا يستعلمونـــــــــه ****** هات ماعندك وخذ منا وهاتـــــــــــــــي
قال علمي من بلد ماتنكرونـــــــــــه ****** اليمن والمملكه متجاوراتــــــــــــــــــي
دينهم الاسلام والله يذكرونــــــــــــه ****** والشعوب اخوان في وجه العداتـــــــي
جيت من مرخه كتاب تجهرونـــــــه ****** وانت ياشفلوت شله من خباتــــــــــــي
فيه علم طيب تستاهلــونـــــــــــــــه ****** فيه كلمات الوفاء متابعاتــــــــــــــــــي
والسلام لوادعه يتقاسمونـــــــــــــه ****** والتحيه فيه واطيب لمنياتــــــــــــــــي
واذكر اللي المسلمين يوحدونـــــــه ****** والنبي صلو عليه افضل صلاتــــــــي
النمط المتتابع
