قصيدة ام وضعها ولدها الوحيد في دار العجزه من اجل ارضاء زوجته

[ذيب االليالي]

هذي قصيدة ام بعد ان وضعها ولدها الوحيد فى دار العجزه ليرضى زوجته
(حسبيى الله ونعم الوكيل )
اترككم مع القصيده

وين انت يا حمدان امـك تناديـك

وراك مـا تسمـع شكايـا وندايـا

يا مسندي قلبي على الدوم يطريـك

ما غبت عن عيني وطيفك سمايـا

هذي ثلاث سنين والعيـن تبكيـك
ما شفت زولك زايـر يـا ضنايـا

تذكر حياتي يـوم اشيلـك واداريك
والاعبـك دايـم وتمشـي ورايـا

ترقد على صوتي وحضني يدفيـك
ما غيرك احدٍ ساكن فـي حشايـا

واليا مرضت اسهر بقربك واداريك
ما ذوق طعم النوم صبـح ومسايـا

ياما عطيتك من حنانـي وبعطيـك
تكبـر وتكبـر بالأمـل يـا منايـا

لكن خساره بعتني اليـوم وشفيـك
واخلصت للزوجه وانا لي شقايـا

انا ادري انها قاسيـه مـا تخليـك
قالت عجـوزك مـا ابيهـا معايـا

خليتني وسط المصحه وانا ارجيك
هذا جزا المعروف وهـذا جزايـا

يـا ليتنـي خدامـة بيـن اياديـك
من شان اشوفك كل يوم برضايـا

مشكور يا ولدي وتشكر مساعيـك
وادعـي لـك الله دايـم بالهدايـا

حمدان يا حمـدان امـك توصيـك
اخاف من تلحق تشـوف الوصايـا
اوصيت دكتور المصحه بيعطيـك
رسالتـي واحروفهـا مـن بكايـا

وان مت لا تبخل علـي بدعاويـك
واطلب لي الغفران وهـذا رجايـا

وامطر تراب القبر بدموع عينيـك
ما عـاد ينفعـك النـدم والنعايـا







منقول

[خالد علي العمري]

قصيدة تقطع القلب ،، اللة يستر على امهات المسلمين من الاولاد العاقين ،،

مشكور اخوي الخليفي اللة يعطيك العافية ،،، ودمت بود ،،،،

[الظل الطويل]

يعطيك العافية اخوي والله يعين الامهات اللي عندهم مثل ها الاولاد

[ذيب االليالي]

مشكورين اخواني الكرام على المرور الطيب واللهم لا تجعلنا من مثل هذا الشخص
( ان الجنه تحت اقدام الامهات )

[الكاشف الصريح]

مشكوراخي الفاضل الكديم الخليفي

على هذا النقل لهذه القصيدة المحزنة والمالمة اسال الله ان يجعلنا واياك

من البارين باوالديهم امين وانظروا ياخواني الى رحمة الام بولدها بعد ما سوى

فيها الذي سوى عادها تدعي له بالهدايه الله الله ياأخواني واخواتي من هذا المكان اوصيكم نفسي اولآ


بأن نتقي الله في والدينا وان نبرهم ولا نفضل الزوجات عليهم فان الجزاء من جنس العمل

وكما يقول المثل ما القاه الوالد تلقاه الولد ومن عق والديه فلا يتاكد مائة في المائة ان اولاده سوف

يعقونه والسموحة على الاطلالة ولكن والله ان القصيدة تقشعر منها الابدان من منادات الام لابنها الذي

كانت تتامل في الخير وسهرت من اجله ولكنه جزاها واكرر شكري لك الكديم ويعطيك الف الف عافية

وما قصرت يالغالي وتحياتي لك والسسسسسسلام عليكم

[الظاهر بيبرس]

[quote=الكديم الخليفي;708059][size="6"][color="#0000FF"]
تذكر حياتي يـوم اشيلـك واداريك
والاعبـك دايـم وتمشـي ورايـا

ترقد على صوتي وحضني يدفيـك
ما غيرك احدٍ ساكن فـي حشايـا

واليا مرضت اسهر بقربك واداريك
ما ذوق طعم النوم صبـح ومسايـا

ياما عطيتك من حنانـي وبعطيـك
تكبـر وتكبـر بالأمـل يـا منايـا

لكن خساره بعتني اليـوم وشفيـك
واخلصت للزوجه وانا لي شقايـا

[size="4"][color="Purple"]اخي الكديم اشكرك على النقل المميز

اخواني من ينقل يجب ان ينتقي من الكلام ماينقلة.

تحياتي