|
قصيده غزليه نادره لبن شامت
***************بسم الله الرحمن الرحيم *****************
ااهدي هذه القصيدة الى جميع اعضا وهي لشاعرنا الكبير المرحوم بن شامت الخليفي رحمة الله
*****قال هذه القصيدة اثنا فترة الاغتراب في السعودية ********
قــــــــــــــــــــــــــــــــــال/
بن شامت بدع وانتدب&&خرج في حدود الادب&واسمع بايجيك العجب&
ياذي تستمع دان دان
اسمع بايجيك القصيد&&&برقية ونوعية جديد&&&من شاعر كلامة مفيد&&&&
وانتو فتحو لاذان
شاعر قد تعلم وفاز&&&وحصل وسام امتياز&&&والناموس عندة قزاز&&&
ياشعار هذا الزمان
والحاسد علي وش يقول&&&سوى الزندقه والفضول&&&والهرج الردي و الخمول
مايقفاني الا الجبان
وش بايقول في الخفى&&&وناذي شروعي وفا&&&ماعول بهرج القفى
لانه مابحالي لسان
دق العود طاب السمر&&&يافنان صوتك يسر&&&دقه لاجل واحد نفر
له في قلبي اغلى مكان
نومي من عيوني سرى&&&حما طاري اسمه طرى&&&ساهر يوم هو مادرى
لما الفجر شعشع وبان
كم لي لف حوله ودور&&&كني قد فقت الشعور&&& يوم القلب ماهو صبور
شك انه يقع بي جنان
كم يا كم عيني تشوف&&&من ذي يقطعون الوصوف&&&لكن في جميع الظروف
ما حبيت مثله انسان
الان اسمعو ما احتوى&&&باعطيكم وصوفه سوى &&&حسب المعرفه في الهوى
سجلتة بخط البيان
طبعه فيه بعض اختلاف&&&نافر مايحب الولاف&&&لا يغرك كتاب الغلاف
لاتسمع فلان او فلان
واخلاقة تساوي وطن&&&من بوظبي لما عدن&&& لاجده وصنعا اليمن
شل اخلاق كل الزيان
وان حيث قد الهرج فوش&&&يتكلم بعد القروش&&&اخرنا ونحن طروش
والغيت السفر في ثمان
والقامه من اخيار عد&&& مثل العسكري لاستعد&&&مايسمح مرورة لاحد
من جا قال فات الاوان
وانهو الجعد فوقه نثير&&&لمسه مثل الحرير&&& وارياحه من احسن عبير
وانهو لونه الارجوان
والوجه الرحيم الرضي&&&مثل القرش سعره حضي&&&مايلقاه من عارضي
ربك ذي صنع ذا وكان
واعيونه على ما اعتقد&&& مرحومات من كل بد&&& فيه الصدق نحوي وجد
فيه العطف فيه الحنان
وانهو الخشم مصبوب صب&&&من بين عيونه انسكب&&&سيف الحق عند الطلب
يشبه سلة الهندوان
والمبسم خفاه اللثام&&&كنه قطعه من جهام&&&من شافة في الارض هام
يحسب سيرة بالبنان
وعنقه مثل الغزال الجميل &&&&في الاعناق ماله مثيل &&&مايسمح لذي هو دخيل
غالي في مكانه مصان
وانهو الصدر مزموم زم&&&عاجز عن وصفه القلم&&&فيه الحسن والزين تم
من قارب حده يهان
وان جينا لوصف الخصور&&&خصرة ينتمي لظمور&&&مثل الصايم بلاسحور
والا قبضة عيلمان
وقف لاهنا وصفنا&&& وانته يارفيق اعفنا&&& عاده ما حصل شفنا
والدنيا عوافي دنان
هذا وصف شاعر حنون&&&يبدع على كل لون&&&عدى حدود الجنون
جاوز فترة الامتحان
ماباقي الا الصلاه&&&على المختار حبيب اللآه&&&عداد مافي سماه
انزل حملتة في القران
اخوكم بوحمد
|
النمط المتتابع
