السلام عليكم ...أعضاء هذا المنتدى الرائع
إليكم القصة ....
هذه قصة واقعية وهي بالأحرى مش قصة ..هي قصة وفيها مشكلة وبدها حل !!!
أختي بعد ما نتهت من تقديم الثانوية العامة وجابت معدل حلو،_ وهو 80 بالمية _,
تقدم لخطبتها شاب من الشباب مابدنا نقول فقير , حنقول حالهم ماشي زي
باقي الناس (الله يكون بعون الجميع )
المهم .............. أول ما اتقدم للخطبة وبعد السؤال عنه قبلنا به وكمان أختي كذلك الأمر ,
اتفقنا على موعد تقبيض المهر ولكن تفاجأنا بأنو أم العريس طلبت من أبي تدبير المبلغ ,
من أي أحد من القرايب علشان فلوس ابنها (العريس )مع واحد من أصحابو ،
كان داخل معاه في مشروع لكن المشروع فشل ووعده صاحبه أن يعطيه الفلوس
بعد شهرين ، فوافق أبي لأنو المدة كانت مش كتير وكان الصراحة واثق من الجماعة .
المهم ......... تم الأمر أمام الناس وخلص عرف الكل إنو اختي خطبت
وهي الآن محجوزة ، طبعا صار في زيارات بيننا وبين
العريس وصار العريس يزورنا كل أسبوع مرة وأحيانا مرتين ،
لكن طبعا كانت أختي لمن تجلس معاه كان لبسها (كامل) ومتحجبة
وباب الغرفة مفتوح وكنا نحن أخواتها وأمها وأبيها نجلس و نتحدث,
كنا دائما نسأل العريس عن الفلوس اللي عند صاحبو
وهو يقول :( هو وعدني الشهر الجاي ، وإن شاء الله خير )
دائما كل ما نسألوا هذا السؤال يقول هذا الحكي .
ولعلمكم صبرنا عليه هو وأهله مش شهرين بس
صبرنا عليه 8 شهور وبعد هيك تم العقد أي (كتب الكتاب )
في 26 _6 _2006 طبعا بعد ما أحضر المهر كامل ،
وبعدها كنا متلهفين بنسأل
(متى رح نفرح بيكم ،؟ متى الفرح؟ متى رح تحددوا يوم؟)
وهم يقولوا :( إن شاء الله يكون بس أحصل القسط الثاني من الفلوس اللي عند صاحبي )
وبعدها صبرنا من التاريخ المذكور أعلاه حتى اليوم هذا، وما بنعرف شو نسوي ؟؟
الصراحة العريس منيح ابن حلال، وبعدين أهم شيء إنه بيحب أختي لدرجة أنه
بكى في أحد الايام اللي كنا نهدد بفسخ الخطوبة ، وأختي تعلقت بيه وصارت تحبه
خاصة إنو صار بينهم قعدات طويلة
لوحدهم (وعلمكم شو بيصير بين اتنبن مخطوبين ومكتوب كتابهم )
وطلعات وذكريات و..و...ووو....وو
لكن الناس كترت تساؤلاتهم :(ليييش طولت فترة الخطوبة هيك ؟؟ متى رح تفرحوا بابنتكم ؟؟ )
والمشكلة إنه كانوا (أهل العريس) يوعدونا بشهر معين
وعند ما يأتي هذا اليوم الموعود يرجعوا يأجلوا ، بالوقت اللي كانت الناس
تسأل نحكيلهم الموعد المتفق عليه ، وعند ما يفوت المعاد ،
تبدأ الناس تسأل
( هذا ..اللي عامل حالو حريص كتير، وهو من داخلو عارف الحقيقة، بس بيحب يشمت ،وهذا.. ويتفلسف شوي، وهذا ..ويجرح المشاعر، وهذا..ويحرج الآخرين )
هي الآن أختي صارت في سنة ثانية جامعة ولحتى الآن ما تزوجت ؟؟!!
هي صابرة ........... بس بدنا نسأل عند أحد فكرة كيف نخليهم يسرعوا ويعجلوا بالزفاف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟
أنا في انتظار ردودكم وحلولكم لأنو زهقنا من هذا الحال ،،
بس بنفس الوقت مابدنا ننهي العلاقة ، (خوفا من الشماتة) .
وأخيرا... لكم أحر المشاعر والتشكرات مقدما
ووفقكم الله إلى ما يحبه ويرضاه
شو أعمل............ اسمعوا القصة ؟!
النمط المتتابع
