شـخـابـيـــــــــــــــــــــــــــط

[waelrshwan]

مفيش أجمل من الشخابيط كلام ع الحيط
بيحكى القصة م الغوبة لبيبان البيت
ياريتنى يا ريت
ما كنت عرفت معنى القسوة معنى الجرح والتخبيط
فى كل الناس فى اى اساس هيدفن فكرنا فى توابيت
بيلقفنا ويحدفنا فى نوة بحر عالى غويط
تعافر فيه عشان لقمة
عافرت غرقت فى الزحمة
وبكرة هتلحس الفتافيت
وبكرة تشوف ومتصدقش ماتستهزأش
ولو حتى الكلام ده عبيط
مفيش أجمل من الشخابيط كلام ع الحيط
بيحكى حكاية القطة اللى أكلت حتى قطاقيطها
وداست فوقها رجلينا وحبة رمل غطيتها
وعدت زى اى حكاية بتعدى وانا لوحدى
كتير بالحالة دى حسيت انام واحلم بانى صحيت
لقيت امى بتندهلى تعالى افطر
افوق اكتر تترحم عليها دموعى واتحسر
بينى نسيت .. نسيت نفسى
يا سيدى اهى مرة من نفسى اقول كل اللى انا اتمنيت
ماأقولش ياريت
ما أقولش كلام يوكل عيش ومعنى مفيش
مبيوصلش ولا حاجة وانا قولته ماوصلنيش
متسألنيش عشان محكيش كلام ف الاصل شرحه يطول
خلاصة القول مفيش أجمل من الشخابيط
كلام ع الحيط
بيحكى حكاية البلد اللى احساسها وكلامها يهز
بيحكى ف نيلها وجبالها وكوابسها اللى منها تفز
بتتمرد يا ابن اللللللللللللل عز
بتتمرد على ترابها وهتسبها ومرارها يلز
بجد نسيت بقى انت فى حضنها اتربيت
هقولك ايه مفيش فايدة فى انك تروى ف أرض ترابها ما يخضرش
ملوش لزمة الكلام اصلا مادام عقلك مبيفكرش
مفيش أجمل من الشخابيط
كلام ع الحيط

[goorg]

شخابيط حلوة جدا

[waelrshwan]

اه شخابيط
شكرا لمرورك

[king600]

على فكرة كلامك جميل جدا تسلم ايديك

[waelrshwan]

يا جماعة الكلام ده ناقص
مش ده كل الموضووع

[القلب الجريء]

شخابيط حلوة جدا