؟!الريال ما يعيبه شي !؟! هل هذا صحيح؟؟؟

[بحرالاحزان.]

((للأمانه ملطوش من رساله خاصه))

((الريال ما يعيبه شي)) كل يوم اسمع هالجملة الي صارت لي مثل الفرض اليومي

اخر مرة سمعتهااا كانت امس (( من أحــدالاخــوانـــ )) ..



مثلا يجي الواحد الساعه 3 الفير يدش عادي يهاوشونه يروح غرفته ولا كانه سوى شي .يقول الريال ما يعيبه شي

يغازل بنات خلق الله وما يخلي بنيه في حالها ويوم يي واحد يطالع اخته بس من مسافه ((كيلو يهاوشه ))وش فيك تطالع اختي ؟ وشوي بيذبح الريال ..والريال ما يعيبه شي


يرمس بنات ع المسن وكم رقم بنيه في موبايله ولو تقوله ليش حتى وهم الريال ما يعيبه شي ..

يطلع ويدش ويا ربعه ولا يبطل كتااب ويقول اوووف الريال ما يعيبه شي ..

كل هذا وما يعيبه شي .. يعني بس ليش ابي افهم الريال يسوي الي يبيه وهم ما يعيبه شي !!! مب عيب يرد من برا ويه الفير مب عيب يرمس بنات ما يعرفهم مب عيب 24 ساعة برا البيت

اللي يقهر يحاول يفرض سلطه على خواته وانتي لا تطلعين وانتي شنو المكياج وانتي وانتي وانتي

واهو ما يجوف عمرهـ !!!

ابي بس اسال اذا كل الي قلته فوق مب عيب عيل شنو هو العيب من وجهة نظركم ؟؟








انتظر ردوكم


تحياتي

[احبني]

لي عودة

وانا من اساس وانا دايم احاول اعرف ليش الرجال الملك الرهيب مايعيبه شي

اشكر طرحك الرائع مثلك بحوور


...

[شبونيه وافتخر]

لا تعليق؟؟؟

[بحرالاحزان.]

اقتباس من مشاركة احبني

لي عودة

وانا من اساس وانا دايم احاول اعرف ليش الرجال الملك الرهيب مايعيبه شي

اشكر طرحك الرائع مثلك بحوور


...

انا اعتقد باني رجال لكن ما اقول انه ما كو شي يعيب الريال

لكن ما ادري فيكم

اخواني فما رايكم


اختي الفاضله


احبني

لك كل الشكر والتقدير على مورورك الجميل

[أمـ،الحب،ـير]

ابي بس اسال اذا كل الي قلته فوق مب عيب عيل شنو هو العيب من وجهة نظركم ؟؟


صحيح اخي بحر الاحزان انا معاك في الراي

[احبني]

..

بسم الله الرحمن الرحيم

السلام عليكم ورحمة الله وبركاته


..


الموضوع بالفعل مؤلم ودائما مانسمع هذه الجمله من الناس..


ولنقل بالمجتمعات العربيه عموما والخليجه خصوصا وبالاخص السعوديه..


انا بقول ليش يقولون كذا

اولا بسالك ماتسمعون دائما

الرجل مايعيبه الا جيبه..؟؟

يعني خذي صايع ضايع بس اهم شي عنده فلووس...بس لما يكوون خلوق وملتزم قبل كذا يكوون فيه عيب

اليس هذا مايحدث في مجتمعنا..؟؟

من جد الولد يغازل يسهر يسوي المحرمات اي شي يسويه بس ذنبه مغفور لانه ولد...

لكن لنفكر قليلا لو الفتاة فكرت بالخرروج للملاهي مع صديقاتها..اليس الموضوع به لفت نظر..وبيفكرون واحتمال ايه واحتمال لا..؟؟

ليش..؟؟لانك بنــت والناس بيتكلمون..!!اي ناس بالله شدخلني فيهم..؟؟والبنت قصر رجلها احسن لاتعطونها وجه تخرب..؟؟
ياشيخه تفكيرهم سيء زيهم والله

..


مشكلتنا الان مع مجتمعنا انه حتى لو غلط عليك الذكر ايا كان في عائلتك..فانه لن يحاسب لانه يخاف عليك وحريص على مصلحتك..ولكن البنت لو تسال لمى الولد يفعل هذا..؟؟ يقال لاعيب فيه بيكبر ويعقل..؟؟


..

اخيتي لكي تعيشي بسلام غيري المجتمع

امنيتي ان اكون لدى مجتمع انضج عقولا..او اني لم اوجد من اساس

مجتمع يفكر بما يغضب الله سبحانه ويرضيه وليس على عاداتهم والتقاليد

..

اللي يقهر يحاول يفرض سلطه على خواته وانتي لا تطلعين وانتي شنو المكياج وانتي وانتي وانتي
واهو ما يجوف عمرهـ !!!

:) ضحكتيني يشوف عمره مرة وحده..؟؟

لاياماما ماراح يشوف عمره لانه ولد ولان الكل واقف معاه ضدك

ولاقل لك السبب يفعل ذلك لانه ومع احتراماتي منحط الاخلاق يفكر انه انتو تسوون كذا بنيه سيئه..ليش..؟؟لان افكاره مو حلوه يفكرك زي اللي يكلمهم..!!

..

ابي بس اسال اذا كل الي قلته فوق مب عيب عيل شنو هو العيب من وجهة نظركم ؟؟

العيب انك تعترضين على اللي صاير اسكتي وانتظري لين تتزوجين ويجيك رجال اردى من كذا وبعدين تفكرين وين اللي قالوا اني بعيش بسعاده فيه..؟؟

انت الى اللحين ماتأقلمتي ع الوضع اللي انت فيه..؟؟


ههههه ياشيخه بلا عرس بلا هم اذا بيجيني اردى من كذا..تدرين وش خلوونا نفكر ان الزواج الحل الوحيد للخروج من هذا المأزق..!!لكي تسعدي تزوجي..؟؟

وانتم الصادقين لكي نرتاح منك تزوجي

والقهر لاتزوجتي واحد مايخاف الله

على قولتهم((اصوم اصوم وافطر على بصله))تتوقعين كلامي صح ولا..؟؟


احسن حل تعودي بس والله ان تتعبين..وانصحك تكثرين الدعاء وقراءت القرآن..والله يسعدك ويحل امرك وييسرلك كل امورك ويشرح صدرك يارب والمسلمين

..

معليش انا اتكلم كاني اخاطب بنت لاني احس الموضوع ماراح يطلع الا من بنت :)


اتمنى اكون افدتك


تقبلي ودي غاليتي


يعطيك العافيه بحر:)



..