قصتي مع الإيتكيت و التطور

[إماراتي للأبد]

من مدة أسبوع قريت عن آداب الطعام و كيف تكون السفرة
نظيفة و مرتبة بصوحونها و مواعينها و خواشيكها و مغارفها
و الشموع و الورود إلي حاطينها في جلاس أحمر <<<أعلانات كوكاكولا
لأن العين تاكل قبل البطن شرات(مثل)ما يقولون فكرت اطرش
الحرمة لدورة تدريبية...طبعا مب حرمتي هههههههه خلينا نقول مثلا
تتعلم منها الأتكيت بس لو طرشتها الشغل في البيت بيطعطل
و المصاريف بتزيد لأن الحرمة بعد تخرجها بطالب بتجديد
أسطول الصحون و المواعين إلي تارسة المطبخ و حاسة
الدنيا فوق تحت و بعد تبا أعتمادات مالية لمواكبة التطور .

تذكرت و بحسرة كيف كنا ناكل في صحن جماعي و السلطة
عبارة عن ربطة رويد و راس بصل و لومية تبدأ بعدها مهمة الأكل وسط
الأصوات إلي تشبه تخميس سيارات و ما أدري جني سمعت صوت حادث ههههه
و الضرابة و الحوسة إلي تصير عند الأكل هاذة فاتح حلجة شبرين
و ذاك غصت فيه عظمة و هذاك يتكلم و حلجة مفتوح و خيسنا بالعيش
و الحرمة تزاعج و تصارخ أقعد يا ولد ليجيك الملاس على راسك
المهم رغم كثر المواعين الموجودة في بيتنا إلا أن الماي ما زال يصب في
دبة بلاستيك كانت مخصصة اصلا لماء ردياتير السيارة و لكن حسن
توظيف الحرمة للموارد المتاحة حولها إلى حافظة ماء .

قررت و أنا متضايق أعزم الحرمة على مطعم راقي
نتذوق فيه طعم الكيتكيت قصدي الإيتكيت و
ناكل و نطلب و نامر وننهي و يحطون على كناديرنا
ضيج المناديل البيضا السنعة و الحرمة قاعد تاكل
و تشخط بالشوكة على الصحن أزعجتنا و أزعجت الناس
جنة صوت مكريفون المدرسة إلي يحطونة الطلاب صوب
خشمهم و هم يرمسون في الإذاعة.

أزين المهم أن الحرمة حصلت شعرة في الأكل و هذيج الساعة
قامت الحرمة و قامت الدنيا على راس صاحب المطعم
قاعدة تصارخ و نشت من الكرسي و جابت صاحب المطعم
إلي يبي يستر الفضيحة بكل طريقة و لكن فشل
لأن رئيسة فريق التفتيش <<<الحرمةكانت تبي الدليل القاطع
على أن طباخ إيدها أحسن من المطاعم يعني في النهاية شو
فائدة الشكل هو الأكل رايح لبطونا و شو فائدة التزيين و الخربطة
إلا ضياع للوقت و بديت أشك بالمطاعم و الفنادق و قلت أصبر و أحتسب
و أوكل امري لله لأن الحرمة عندنا من أصحاب الفكر المطبخي المتشدد
لا ينفع معها التطور.

وسلامتكم أعذروني على التطويل.

[بحرالاحزان.]

لا يا ريااااااااال ما طولت علينا
كااااااااااكااااااااااا


يسلموووووو اماراتي انا عندي تعليق بس مستعيل

[قمووووره]

هههههههههههههههههه
هذي قصتك اماراتي
عندي تعليق بدال ماتقول الحرمه الافضل انك تقول البنت
لانها تعطي انطباع بانها كبيره بالسن وماتعرف بالدنيا شي
وانت بسم الله عليك صغير وتجنن
هههههههههههههههههههه ,,, لاتصدق

[برنس يمني]

ههههههههههههههههه
الحرمه ولا البنت مايهمه الريال يفكر في المصاريف
ههههههههههههههههههههههه
مشكور اماراتي يعطيك العافيه

[البيرق.]

من كثر المصارف مانام البارح وجته نومه اليوم ههههههههههههههههههههههههههههههه

بس لاتكون انته يابرنس كلفت عليه ههههههههههههههههههههههههههههههه

[برنس يمني]

هههههههههههههه
لا انا ما كلفت عليه انا نصحته لا يتزوج يظل كذا احسنله