|
طــــــــــــــــــرائف النساء (داخله التحدي) الله يهداك يابحووووووووووور
السلام عليكم
صباح الفل والياسمين والكادي
الله يهداه الاخ بحر ورطنا مع البنات ولا وش لنا بعوار الراس
هذي طرايف من حق البنات ان شاء الله تعجبكم جبت لكم من عند الجيران وبغيت احط عليها بعض البهارات من عندي بس الوورد مارضى يفتح معي متعاطف مع البنات لانه مشتق من الورد والورد يحب البنات والبنات يحبوه
هاه طولت عليكم اسف
فيه وحده من زمان تستحي مرة مرة .. ولما تزوجت كانت تستحي حتى تتكلم مع زوجها .. وكانوا الحريم يلومونها على هالحياء الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الحياء الزايد ... ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجه وهو بعد ما استوعب وش اللي صــــــار ..
-----------------------------------------------------------
وحده يوم عرسها بعد ماخلصه من مكياجها وتسريحتها .. يوم جت تطلع على الحريم والرزة على المنصة.. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها
--------------------------------------------------------------
وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!
---------------------------------------------------------------
تقول كانت اختي جالسة عند التلفزيون أثناء استعراض برامج الغد وجاء في العرض ( ثم نقدم لكم نشرة الاخبار المصورة الثالثة والاخيرة ) فرحت أختي مرررة .. وراحت لأمي : يمه يمه الحمد لله خلصنا من الاخبار بكرة الحلقة الاخيرة ...
-------------------------------------------------------------
تقول رن هاتف المنزل وردت اختي الصغيرة .. وسالتها المتصلة : وين الوالدة ؟ قالت اختي وببراءة : ماعندنا احد والد اليوم...
--------------------------------------------------------
تقول عزمنا أقاربنا في الشرقية ومن باب الكرم حطوا في العشاء طبقا من الاطباق ( عبارة عن روبيان طازج مشوي غير مقشر ) شاف ولدي الصغير هالطبق وقال : يمه _ ووووع _ حاطين في العشاء صراصير وضعاريط < بعضهم يسمونها { وزغ } .
-------------------------------------------------------
تقول احد المدرسات ان طالبة في الاول الابتدائي كانت بنتا للفراشة اللي في المدرسة ... ولدت ام هالبنت وكانت بعض المدرسات مجتمعين عند مديرة المدرسة ( هدى ) .. نادوا البنت و سألوها عن حال امها ؟ وش جابت ؟ قالت هالبنت جابت امي بنت وتقول امي بنسميها ( المديرة ) .. وكانت تقصد بنسميها هدى !!!
ودمتم بود
برنس يمني
|
العرض العادي
