يالله يالـلـي طالـبـك مايخيـبـي

[أمـ،الحب،ـير]

يالله يالـلـي طالـبـك مايخيـبـي
ياساتـر العـورات تستـر عـرانـا
ياربنـا ياللـي للدعـاء تستجيـبـي
ياقابـل الدعـوات تقـبـل دعـانـا
ويالله دخيلـك مـن رداة النصيـبـي
ومن هرجة(ن) يرمى بها فـي قفانـا
يافكرتي من شي(ن) أشوفه غريبـي
نـار عـلـى جهالـنـا وتعصـانـا
وصارت أقرب العربان خصم(ن) طليبي
يالله تصـون أعراضـنـا وتحمـانـا
وصار الحصيني تالـي الوقـت ذيبـي
والحر الأشقر صـار مثـل السمانـا
والسيل جنّب عن مجـاري الشعيبـي
ترعد وتبـرق والمطـر مـن ورانـا
والمال غطـى للـردي كـل عيبـي
لو قـال أنـا ببـوق بيـت أقصرانـا
شي(ن) يشيّب قبـل وقـت المشيبـي
وقت(ن) حدى اللـي قبلنـا ويحدانـا
وأشوف وأسمـع وأكتمـه مادريبـي
لو كـان تخطـي ربعنـا وأصدقانـا
ولاطاب فينـا الوقـت حنّـا نطيبـي
وليـا تـردى الوقـت بيّـن ردانــا
كل(ن) على متنـه عتيـد(ن) رقيبـي
وليـا عطيـنـا مانبـيّـن عطـانـا
وصلاة ربي عـدّ شمـس(ن) تغيبـي
علـى نبـي(ن) للهدايــه هـدانـا




:::... الشاعـــر ...:::
:::.... مبارك فايز البخيت المحمدي السبيعي