بشروه اني ابرحل من حياته ..."

[نمر111]

[FRAME="15 80"]بشروه اني ابرحل من حياته ..."
بشرووه وفرحوا فيني ذويه
كفنوا جسمي بماضي ذكرياته ..."
ادفنوني فالمكان اللي يبيه
اطلبوا منه اذا خلص صلاته ..."
فوق لحدي يحمله براحه يديه
ولي وصل قبري وحقق له مناته...."
يدفن انسانه تحبه تموت فيه
علموه اني وربي من غلاته..."
اعشق تراب مشت رجله عليه
حلفوه يشد ويقوي ثباته..."
لاينزل دمع يجرح له عينيه
باكر بيندم ويصحى من سباته..."
يحتضن قبري ويبكي يرتجيه
يعتذر عن جرحه وظالم سواته..."
معترف بالذنب لكن بعد ايه
مايفيد الصوت دام الفوت فاته..."
من خذاه الموت وش له يحتريه
الزمن غادر وتطحنا رحاته..."
ماصفا حاله على الدايم جذيه
يستوي ويقووم ويلملم شتاته..."
يبقى شامخ جلد صبار ونزيه
اطلبوه يسمي وحده من بناته.."
باسمي وطيفي مع بنته يجيه
طمنوه اني مسامحته لذاته..."
بشرووه ...الله يرضالي عليه
وادفنووه بجنبي ان حانت وفاته..."
جنب انسانه وربي تموت فيه,,,منقولــه,,,[/FRAME]

[الملتاعة]

من كثر ما حبيتها ..... حفظتها عندي ....

مشكوووور اخوووي الغالي...lكالنجوم تتمنى الافلاك مكانك ....

سلمت



اول رد....

[طـــــلال]

أخوي نمر أكذب عليك ان قلت لك انها حلوة
والله اكثر من رائعه ومشكور على هذا النقل واحسنت الاختيار وتقبل مروري

[وســام]

قصيدة جميلة جدا .. أحسنت الإختيار أخي نمر.

بارك الله فيك.

[علي ناصرالخليفي]

الاخ نمر اختيار موفق واخلاص ما بعده بس لو كبَرت الخط شويه من شاننا احنا يالشيبان نتعت الحروف نتع ولك اجمل وارق التحيه

[االسندباد]

تسلم يدك يا نمر111 : على النقل الموفق الذي يد لعلى ذوقك الرفيع ,
يعطيك الله الف عافية