]
أحس إنك تبـي تبعـد=ولاتـدري وش الحيلـه
ولا لك بالهجر أعذار=ولابـك جـرح وتعانـي
حبيبي لا بغيت تروح = ابيـك الماضـي إتزيلـه
ولا تفكر أبـد بنـدم =علـى خـل(ن) تناسانـي
أنـا إن جيـت تلقانـي = أحبـك حـب مأتزيلـه
رياح البعد والهجـران = ولا حتـى أحـد ثانـي
أبي تعرف بعد عنـي =أعيـش الحـب وأوفيلـه
وأضحي لجل عين ألي=حرم نفسه علـى شانـي
ولا أغصب ابد وآحـد = علـى حبـي وتمويلـه
أبد لاينزعج منـي =وعلـى المكشـوف يلقانـي
أنا صادق وأحب الصدق=ولاشفت الصادق أدعيله
أحـس الكلمـه بوجهـه=أعبّرهـا وتقـرانـي
صريح بكل ماعنـدي =ولا لـي بالغـدر حيلـه
على النيه أبي أمشي =وعسـى الخونـه تعدانـي
وأبي تعرف ترى قلبـي=يعيـش اليـوم والليلـه
يشيل أهموم لـو تـدري =يعانيهـا مـن يعانـي
ذبحني كثـرة التفكيـر =يطيـح الفكـر وآشيلـه
وأحاول أنسى مايجري =علـى الدنيـا وأنسانـي
ألا ياخـل مـا ودك =تجينـي تحمـل الشيـلـه
من التفكيـر بالدنيـا = مـن أهمـوم(ن) تحدانـي
وإذا أتخليت ياربي =عسى ماتـذوق مـن ويلـه
وتلقى بالسعاده درب=ولا يجيـك ألـذي جانـي
وأنـا أغنـي بهالدنيـا =ويميـل الحـظ بالميلـه
وأهيجـن وأنظـر القمـرى =وأبكّيهـا بألحانـي
وألا ياكيـف مـا ودك = تعـذب يأسـود الشيلـه
وأنا خلك بهالدنيا=ولا عنـدي سـوى أحزانـي
أقول ( إنساني أحسن لك)=وقول الحـب بطيلـه
وعيـش العالـم العـادي=بـلا كانـي بلامانـي
حبيت انقلهاا لكم واتمنـى انهـا تعجبكـم
العرض العادي
