مرحباااااا
قبل كل شئ هذا الموضوع له سوابق وكفايه ان كل الي قرأه بلقافه دخل السجون وراح في ستين الف داهيه مو لشئ في الموضوع بس لان كاتبته انسانه خطيره على المجتمع الاسلامي فاذا كنت من هواة جمع الطوابع والسفر لا تقرأ الموضوع لانه لن يدخل في ذكر شخصيات معينه وبارزه في المجتمع بل سيطال كل الي له سالفه والي ماله سالفه .. يعني حرام ناس تشتغل من فجر ربي وناس في الاخير تطيح على كل السالفه وتضيعها .. علشان كذا قررنا نحن جمعيه الاطفال الخيريه بالمحافظه على كل روح قرر صاحبها لها الهلاك والدمار ولان كل نفس امارة بالسوء قررنا فتح اصلاحيه ومركز تأهيل ويالله الي يبغى يسجل يضف وجهه الحين لاني بصراحه مالي خلق اي احد غثيث على القلب خفيف على المعده .. والله الدعايات لاعبين علينا ..اجل كل دعايه زيت يقولوا بدون كوليسترول .. ما يدروا الخبلان انه حتى زيت المادري شنو بدون كوليسترول .. اصلا مافيه الازيت واحد يجيب هالكوليسترول ( تعبت وانا اكتبها ) بس لاسباب امنيه خارجه عن ارادتي لن اذكر اسم المشتبه فيه خوفا على نفسي من الوقوع في التهلكه والدمار .. التدخين يا اخواني خطير واسبابه كثيره بس الحين خلونا نتجه للنقطه الثالثه وهي الحشيش .. على فكره ليش اسعاره مرتفعه هالكم يوم ..الشباب نصحوني من قبل بس ما اهتميت قلت يالله نغبي كم كيس للضروره بس الظاهر في احد في الجزيره طب على بيتي الواقع جنوب شرقي خط الاستواء في القاره المتجمده الشماليه لا يلعبون عليكم الجنوبيه مافيها احد .. ترى من اهم اسباب الفشايل الي صايره في مسابقه كاس الامير فيصل بن فهد - يرحمه الله - عدم وجود قاعده اساسيه للفر ق المشاركه .. بصراحه فشلونا ماعندهم قاعده اساسيه ولا منحنى وهذا ما يجعل المثلث قابل للتسطيل .. عااااااااااااد ذكرتونا بالرياضيات الحين .. الا على طاري العربي ماقلت لكم عن استاذه درستنا .. ذكرها الله بالخير .. كانت تصحى كل يوم معفوسه الوجه .. الظاهر شامه خياس زوجها الي ما يتسبح الا كل عيد وبس .. ودوامات بعد هو يسبح في الفطر وهي في الاضحى .. وتجي المدرسه مالها خلق تشم ريحه قرايبينها وتقعد تصارخ .. فلانه نزلي اباطك مالي خلق اشمك اليوم .. كفايه علي ريحتي .. والله لا يوريكم ذاك الشعر الي رافعته فوق تنافس عبسي على غفله .. والمشكله انها معدومه الشخصيه .. جت ( قاعدين في زريبه ماااااااااااااء ) ( مااااااااء ولا لبن ) ( سمعتوا نكته اللبن .. يقول لكم هذا واحد راح لبقاله قال لهم ما عندكم حليب قالوا له لا .. مشى شوي ودخل البقاله الي بعدها وقال لهم ولا لبن ) هااااا بايخه .. المهم وين وصلنا .. اي جت .. مااااااااء .. ( لعانه باعيد السالفه ) .. خلاااااص ... جت على حساب شخصيتي الالماسيه تبغى تطلع مواهبها المدفونه .. ما ادري ليش اشتكت علينا لما اخذنا معانا للفصل ووسط الحصه كرتون تفاح وبرتقال وافندي ( لاحظوا ريحه الحوامض الي تنتشر كعبق النسيم ) على فكره هذي الي تحتها خط ويش معناها ؟؟ المهم فرشنا السفره على الارض وقعدت الخمه .. قصدي البنات ووزعت عليهم الاكل .. رحم الله من نفع واستنفع .. واخذت انا الحب الي جابته وحده من الشله وقعدت افصفص وارمي .. الي يشوفني يقول مدرسه ابوي .. المهم خلوكم من سوالفي لان حصه التدبير مو شئ ؟؟
الا على فكره ويش الموضوع اساسا ؟؟ ايه .. يومياتي على الجزيره في العصر الحجري .. عاااااااااااد الحين تعبت من الكتابه تعالوا في وقت ثاني اقول لكم ويش السالفه ..
الي جنبه قواطي فاضيه ويبغى التخلص منها لاي شئ مو مقاطعه ( ما نستقبل بيبسي و اشكاله ) عندكم آر سي ولا السي هذا راس -المغفور له - طوفانوووووووووه عندكم ارموا الي تبغونه لانه هو الي قال لي اكتبي ..
اي اعتراض .. رؤوسنا قابله للتفليع ..
تحياتي ..
02-21-2004, 03:27 PM
المواضيع المتشابهه
العرض العادي
