(لبي قلبك)

[ماي عذاري]

هذي القصة منقولة من الكاتبة (احلي ريمي) أتمنى تقرونها وأن شالله بتعجبكم وأشوف ردودكم
نبذة عن شخصيات القصة:الجده(فوزيه) الجد(فهد)
عبد العزيز أكبر عيالهم متزوج ساره ويشتغل في شركه ابوه هو مع اخوه عبد الرحمن عيالهم:
عبدالله:27 سنه موظف في الشركه وخاطب بنت عمه ندى ويمووت فيها من يوم وهي في المهااد"""يعني لازم المبالغه
نوره: 24 سنه متزوجه ولد عمها فهد وتوها والد(دحومي)
محمد: 23 سنه يدرس في الجامعه قسم(ادارة اعمال) هو وسلمان عمه تاي ما يفترقون عن بعض (روح وحده في جسدين) هو مملوح طويل وضعف حلو وأسمر مايل للبياض أحلى شي فيه عيونه واسعه عسليه"نظراته تذبح
العنود: 18 سنه اخر سنه ثانويه عامه أدبي رجه من الدرجه الاولى بنت ما عليها طولها متوسط جسمها حلو مو ضعيفه مو دبه يعني نقدر نقول دبدوبه بيضه وشعرها بني إلى كتوفها (طبقات)
ريم: 17 سنه ثاني ثانوي علمي حبوبه وعسل بس دائما مناقر(هواش) ويا العنود
عبد الرحمن الولد الثاني متزوج فاطمه أخت ساره <يعني أخو وأخو متزوجين أخت وأخت<لغه هنديه هههههههه معليه عيالهم :
فهد:27 سنه زوج نوره
عبد اللطيف: 25 سنه يدرس بره في بريطانيا باقي له 2 ويخلص
ندى: 21 سنه البنت العنيده المكابره بس قلبها طيب هي مملوحه وأحلى شي فيها بياضها الصافي إلى مثل الحليب فيها غرور بس في محله صديقتها الجازي مرره معاها
الهنوف: 18 سنه ثالث ثانوي مع العنود وتوأوم روحها بنت جميله هي طويلة نوعا ما شعرها طويل أسود ونااااعم جسمها حلو رشيقه فيها هبال بس اركد من العنود بشوي
نايف :أول متوسط اخر العنقود ومدلع عند امه وابوه ودووم مناقر مع الهنوف
عبدالله : ولدهم الثالث زوجته خلود متوفى (الله يرحمه) قبل خمس سنوت في حادث سيارة وهو كان يحب امه أو بالاصح متعلق في أمه وااجد فكان ساكن جنبها جدارهم واحد وبينهم باب داخل الحوش فيطلعون ويجون بدون عبايات وغطاوي وعنده أربع بنات متعلقين في جدهم وجدتهم واااجد المهم بعد ما توفى ابوهم جدهم كان لهم الابو وما قصر عليهم بشي:
منى: 22 سنه تدرس بمعهد وهي أقرب وحده لعمتها بدور على ان شخصياتهم متناقضه منى وحده رزينه وهاديه وبدور....ههههههههه
دلال: كبر الهنوف والعنود علمي وهي 24 ساعه على اللبتوب حقها تحب تسوي تصاميم وخاصة التراثيه وهي هاديه ومنطويه وكانت اكثر وحده متعلقه بابوها وهو الشي الي خلها تتعلق بجدها وجدتها اكثر
دانه: ثاني ثانوي أدبي مع ريم دوم الدوم هي الوحيده من خواتها اللي مفرفشه وهبال حبوبه ولسانها مافي مثله ترد الكلمه بعشره ورعيه طناز بس على مزح
شهد: اخر العنقود في اول ابتدائي دبووبه وخدودها الورديه تهبل مسويه جو في البيت ومتعلقه في جدها كثيير
منيرة: البنت الاولى لهم متزوجه خالد وعندها:
ناصر:ثاني متوسط تعرفون العيال في السن هذا مو لازم اشراح.
رزان: ثاني ابتدائي وهي وشهوده كأنهم خوات كل شي عند هاذي لازم الثانيه عندها
سلمان: 23 سنه بالجامعه واحد بايعها هبال على مستوى ما بقى بنت ما كلمها وجرئ درجه اولى بس وااحد يوسع الصدر مابينه وبين محمد الا شهور
بدور: أحلى شخصيه رجه وهبال ولسانها متبري منها بس طيبه وعلى نياتها طبعا هي وسلمان توم وجيري ما يسكتون 21 واااااخر العنقود

انتهت الشخصيات الاساسيه في القصه طبعا مليتو من كثرهم في شخصيات ثانيه بس بتتعرفون عليها وسط القصه.........
في بيت عبد العزيز بعد ولادة نوره باسبوع كانوا مسوين التمايم وعازمين الاهل وحوسه وخبصه
في غرفة العنود ريم تفتح الباب بقوه وتدخل:وجع سنه اناديكم يلا المعازيم بدو يجون وانتو إلى الان ما خلصتوا
العنود: يوجعج ان شاءالله ما تعرفين تدقين الباب قبل
ريم: ويوجعج معاي يلا امي تبيج الحين الحين
الهنوف: هنود نزلي خلاص أنا دقيق ونازله
ااعنود: اوكي يلا مو تطولين
ونزلت هي ويا ريم شوي الايطلع محمد لان بغى ياخذ شي من غرفته خذ الي يبغاه وطفا(بند) النور وتوه بيطلع الا يشوف باب العنود إلي قدام غرفته على طول بس بينهم الدرخ ينفتح الهنوف وهي تدندن حطيتك في بالي

[ماي عذاري]

واشغلت بك حالي .. ألين انا اصبحت في قلبك الغالي وتمد يدها وتطفي النور وتنزل تحت وهي وسط الدرج العنود تناديها: الهنوف هذا الي تقول دقايق
الهنوف: هذاني نزلت يمه منج
محمد لى الان في مكانه ما تحرك ولا خطوه لين ماراح صوتها هي والعنود وتحرك وباله مشغول بالى شافه....
العنود والهنوف ودلال مسوين فيها سنعات يدورون بالحلاو والفطاير والخرابيط والقهوة والشاي مخلين مسؤوليته على ندى ومنى وبدور أم بدر تكلم فوزيه<هاذي صديقتها وجارتها وحبيبتها وكل شي: والله كبرو البنات ما صرت افرق بينهم
فوزيه: هو شدعوه عاد هم كل وحده شكل
ام بدر: ايو الله ماشاء الله إلى قمر والي غزال كل وحده احلى من الثانية ترى باخذ وحده منهم لودي بدر
فوزيه: انتي تنقي واختاري ترهم مثل ماهم بناتي بناتج
أم بدر: تسلمين يالغاليه وانا وين القى احسن منكم نسايب
ومجلس الحريم كأنه حراج الكل يسولف من جهه<عاد انتو اخبر لا تجمعو الحريم ما في قوة في العالم تسكتهم حتى لو كانو في عزى اللهم ياكافي
وعلى الساعه 9ونص حطو العشا الرجال والحريم تعشو وعينو خير وعلى الساعه11 الكل كان طالع الا الاهل البنات في الصاله
الهنوف: حرام عليج مو لهالدرجه
العنود: مالت عليها شايفه روحها على قل سنع والله بطت كبدي
الريم:وانتي شنو حارج كيفها
بدور: أي والله محتره على شي ما يسوى
العنود:وه هذا الي ناقص احتر عشانها مالت عليه
دلال وهي داخله الصاله: بسكم حش من هاذي الي ماخذه كل حسانتكم
العنود:تخسى الا هي
الهنوف تكلم دلال :نوف
دلال وهي تكشر بوجهها:ويى مالت عليها قلو البنات عشان تسولفون عنها
بدور: حتى انتي
العنود:قلت لكم البنت ماحد يحبها
دلال: المهم يلا ترى الحين بنطلع جدتدري تقول تجهزو
بدور:سلمان موجود
دلال:والله ما ادري بس بنرجع مع جدي
دانه:بتكفي السياره
ريم:لا ما تكفي خلاص خلو دانه عندنا توسع عليكم
دانه:الحين انا الي بضيق عليهم
دانه:صدق انج مب كفو الوحد يعزمج
الريم:أي ةالله(وتكش على دانه) هذا جزاي ابيج تقعدين عندنا انا ما صدقت عذر
دانه: عاد اغنا ما اعرف بالالغاز لازم تشرحون
في مجلس الرجال
سلمان: محمد ..محمد ياهوووووووووووه
محمد:هاااا شتبي
سلمان: سلامتك سنه اناديك وين سرحان
محمد: أنا وياكم من قالك اني سرحان
سلمان يطالعه بنص عين : أي أي ويانا صح
محمد: تطنز
سلمان: لا افا انا اتطنز على محمد..
محمد:بعد توقعت
سلمان:أقول قووم يلا
محمد:على وين
سلمان: توه داق رااشد الشباب مجتمعين عنده
محمد:يلا مشينا
الجد(فهد): سلمان رايح للبيت؟
سلمان: لا يبى تامر بشي

[ماي عذاري]

فوزيه الى كانت قاعده معاهم :وانت ما تقعد في البيت كله هايت في الشوارع
محمد عرف انهم راح يلقون محاضره من جدته فطلع على طول
سلمان:يمي الله يسلمج اقعد في البيت شسوي انتم بترجعون وتنامون
فوزيه:أي حتى انت ارجع ونام ريح بدنك
الجد(فهد):خليه الي يشوف يقول هاذي ما تطلع كله قاعده في البيت حتى انتي ما تقصرين قهوة الضحى ما تفوتج ولا يوم عند الجيران
فوزيه:قول ماشاء الله الحين بطيح طيحه ما بقوم منها
الجد:الحين انا بعطيج عين يا حافظ وعلى وشو ياليته شي سنع
الكل:يضحك
بدور الي كانت واقفه عند الباب :انتو لاهيين بالضحك وسلمانو شرد
عبدالله:والله مب هين عرف شلون يلهيكم ويهرب
بدور:افا عليك وهو اخو بدور
الكل:هههههههههههههه

مر الأسبوع بشكل طبيعي بس الهنوف والعنود ودلال كانو في حاله توتر عشان الأختبارات

السبت في المدرسه الساعه 6ونص أول يوم الأختبارات
العنود:بنااات والله خايفه
الجازي:العنود والي يعافيج اللي فيني كافيني لا تزيدين خوفي
الهنوف وهي خايفه بس تبي تهديهم :يووو بنات والله ما يسوى هالخوف كله اختبار دنيا
العنود:أي والله صدقتي
أسيل تمر عليهم: السلام بنات
الكل:وعليكم السلام
أسيل:هاه عسى ذاكرتوا زين
العنود: الحمد لله الله يكون في العون
الهنوف:بنات احمدوا ربكم احنا الادبي كذا اجل العلمي مساكين شمسويين
العنود:والله كلنا زي بعض احنا حفظ وهم فهم على الاقل هم ما يستهلكون طاقه كثير
الجازي: لاوالله اتذاكر اختي العام ما نشوفها كله في الغرفه هالرياضيات بروحه مصيبه غير الكميا والفيزيا
أسيل: وخع يوجع الدراسه وطريها اذا تخلي الوحد كذا تصدقون اني ما اقدر على النوم ماني مصدقه نفسي
الهنوف وهي توقف:عن اذنكم
العنود:وين
الهنوف:الغختبار بعد ساعه وانتو قاعدين تقانون بين الادبي والعلمي صدق خبلان
أسيل: أنا الي راعية السوالف بروح أحسن لي
دخلو القاعات ووزعت الاورق والحمد لله كانت الاسئله مو صعبه مرره
مر الاسبعين أثقل من الصخر على البنات بس الحمد الله كل شي عدى على خيير
اليوم الي قبل الأخير من الإختبارات (الثلاثاء)
الساعه 11 ليلا
ريم تطق الباب على غرفه العنود
العنود:أدخل
ريم:السلام عليكم
العنود:هلا وعليكم السلام رجعتي
ريم: أي توني راجعه
العنود: يا حظج خلصتي عقبالي يارب
ريم: يلا هانت مابقى الا بكره
العنود: الله يعيين
ريم: خلصتي
العنود: باقي لي فصلين
ريم:اوكي اخليج الحين يلا تصبحين على خيير
العنود:وانت من اهله

[ماي عذاري]

العنود خذت جوالها ودقت على الهنوف: يووووووووووو شفيها ما ترد..... توت,توت......... لا يكون نامت سكرت الجوال وخذت الكتاب وقامت تحفظ
الساعه 1 بعد منتصف الليل العنود جاها النوم وقالت أقوم أسبح عشان اتنشط
محمد توه داخل البيت طلع فوق وشاف غرفه العنود نورها مفتوح قال: خلني أروح أشوفها
دق الباب وما احد رد عليه فتح الباب وما لقى أحد راح لعند سريرها وأخذ كتابها وقام يفر فيه:الله يعينج يالعنود وتذكر يوم راح للاختبار وهو مو مذاكر الا فصلين بس الحمد لله البراشيم انقذته من الورطه وقام يضحك الا يدق جوال العنود يشوف الاسم الهنوف يتصل بك..... ابتسم ابتسامة خبث ورد
الهنوف: سنه ما بغيتي تردين
محمد وخر السماعه عن اذنه: هاذي من أولها كذا
الهنوف: الو....ألو
محمد:ايوه نعم
الهنوف وهي مرتبكه: ه .... هذا مو جوال العنود
محمد:إلا جولها.... شدعوه ما عرفتييني أنا محمد
الهنوف انقبض قلبها: أي هلا
محمد فيه الضحكه الأن مبين عليها خايفه: هلا بج
الهنوف:...............
محمد:شفيج ساكته
الهنوف:لا ولاشي بس العنود موجوده
محمد:أي بس قاعده تسبح
الهنوف:اوكي شكرا
محمد:هييييييي تعالي شفيج باكلج أنا
الهنوف:..............
محمد:الووووووووووو
الهنوف:الو
محمد:ههههه- تغيرت نبرة صوته إلى الأهدأ- شخبارج
الهنوف قلبها زادت سرعته: بخير
محمد:عسى قدمتي زين في الإختبارات
الهنوف:الحمد لله
محمد:أوكي الله يعينكم
الا تدخل العنود :حموود تكلم منووو؟
محمد يشهق وهو فاتح عيونه وطار الجوال من يده على السرير
العنود ماتت من الضحك على شكله
محمد:وجع الناس يطقون الباب
العنود قاطعته:هذا إلى ناقص أطق الباب وهي غرفتي
محمد:يتنحنحون
العنود:حتى ... بس عن خاطرك احم احم
محمد:مالت عليج بعد وشو....خرعتيني بغى يوقف قلبي
العنود: اسم الله عليك بعدين وين ألقى محمد ثاني...... تعال مين كنت تكلم
محمد:يووووو نسيت خذ الجوال ... ألو
الهنوف وهي تضحك: ألو
محمد:عرف انها سمعت كل شي: باي هاذي العنود معاج
اعنود:منو؟
محمد:الهنوف
العنود:هات والله تو الناس أدق عليج ما تردين وين كنتي
محمد يقول في قلبه:سبحان الله نفس الطبع .. وقعد فوق الكرسي
العنود:احلفي ... وين وصلتي....لااا زين ..أنا باقي لي فصل... لاتنسين ترى بكره بتجين عندنا من الصباح.. بتنزلين معاي.. ززمالي دخل جيبي ملابسج معاج.. عشان نروح مع بعض عند سهى..أوكي.. يلا بااي
العنود فعت عيونها الا محمد قاعد قدامها على الكرسي: انت إلى الحين هنا
محمد:وييييي طرده محترمه-وهو قايم- خلاص بطلع
العنود تروح عند وتمسكه من يده وتجره عشان يقعد:أقوال اقعد عن الدلع أنا ما صدقت أشوفك تقولي بطلع

[مـــرار الـألـــــمـــ]

مشكوره شكلها حلو تسلمين

[ماي عذاري]

محمد:يعني اشتقتيلي
العنود وتسوي حركه في وجهها يعني انها تفكر:يعني مو مرره
محمد وهو يبتسم:مالت عليج
العنود:هههههههه الا اشتقتلك موووت هالاختبارات لوعت كبدي
محمد: يالله هانت ما بقي الا بكره الله يعين
العنود:أي والله فكه
محمد:متى تطلعون بكره
العنود:على التسع تسع ونص تقريبا
محمد:اممممممممم
العنود:ليه تسأل
محمد يبتسم:بس أسأل .. يلا تامرين بشي
العنود:تو الناس
محمد:باقليج فصل روحي ذاكريه أحسنلج أنا ما وراي شي
العنود: وانت شدراك
محمد:سمعتج وانتي تكلمين الهنوف
العنود: اييي صح انت شكو ترد على جوالي
محمد:توها تتذكر هههههههه لا بس شفت اسم الهنوف قلت خلني استهبل
العنود بطناز: ياحلوك وانت تستهبل
محمد وهو طالع: أدري بااااي
العنود:با ااي
محمد:ذاكري زين
العنود: ان شاء الله

الاربعاء
الساعه 9 في المدرسه
سهى: ها الهنوف شسويتي
الهنوف:الحمد لله الأسئله سهله ما توقعتها كذا
سهى:الأبله مراعيتنا ومسهله علينا الله يعافيها
الهنوف:أي والله
سهى:الا تعالي وين العنود
الهنوف:ما ادري – وتلف وجهها- هذا هي طلعت وتأشر لها
العنود تركض وهي جايه والا بتسامه شاقه وجهها: بنااااااااااات باركووووووووووولي
الهنوف وسهى: مبروووووووووك
العنود: فكه خلصنا
الهنوف: على هالفرحه أكيد قدمتي زييين
العنود: الحمد لله الاسئله سهله ما توقتها كذا ... يلا خلينا نروح نشوف البنات
وهم يتمشون
سهى:بنات عاد لا تنسون عزيمة اليوم
العنود:لا توصين حريص
سهى: شوف من يتكلم اخر الحاضرين
العنود:تتحدين
سهى:أتحدى
الهنوف:لا تخافين مدام انا معاها بتغليج انسحبي احسن لج
سهى:بتجين معها
الهنوف: أي
العنود: عناد بتأخر
سهى: ما اسرع انسحبتي هههههههههه
العنود:ههه ثمان حكم أنا عندج
سهى:وعد