من روائع الشاعر الإماراتي عاشق الوتر(خساره القصيده فيه)

[باضريس الكازمي]

[frame="9 80"]يا كم من عاشق كتب في خله أمثال
...................ويوم الزمن فرقهم كثر عليه من دعاويـــــه

من بعد الحب غريبه ش اللي غير الحال
...................وليته اكتفى بالبعد الا بالشينه أصبح يطاريه

بالماضي يقول ما غيرك سكن وشغل البال
...................واليوم يدعي ربه بصلاته يضيق عليه مساعيه

حسافه هالدنيا ما بها خير وصدق من قال
...................صعب تلقى منهو بالزين دربك يقدر يخاويـــــه

ظالم ويقول لعب بي شروا لعب الأطفال
...................يظن به ظنون الشر خسارة حتى القصيد فيه

يقول مظلوم وقلبي يا ناس للهنا ما نال
...................كذاب بالحكي والرب على أفعاله قريب بيجازيه

يبكي حظه ويوهم من حوله بدمع ما سال
...................كاشف أوراقه يستاهل من يبيعه و محدن يشتريه

بالقول شاطر وفنان يعل الفرح قلبه ما طال
...................يزيف الحقايق وكل يوم له واحد قام يفتديه

معلوم انك مخادع وتسبب للقلوب غربال
...................وبعد هذا ترجع تقول خلي أنا خايف عليه

هاليوف من نار وقدها تراه حيل شعال
...................على الخلق يلف ويدور ويحلف خله ما يبيه

لا اتصور البعد عنك يا خاين هذا محال
....................هذا دربك قدر من يبتعد عنه بعيد ويجافيه

ما أرضى على النفس من قلبه للعشق ميال
...................ينتقل من فلان لفلان وده يمتلك الأرض بيديه

ماني لدرب الهوى طماع وماني من الأنذال
...................أدري اني حشيم وما هو حرفك كبريائي ينهيه[/frame]





تقديم اخوكم بوحمد
واقول صح لسانك ياخوي الغالي الشاعر المتمكن

[frame="4 80"]

هلا والله اخوي المتميز دوما باضريس

الف شكر لك على هذا التقديم الرائع... وصح لسان الشاعر ..

تسلم والله اخوي الله يعطيك الف الف عافيه

تحياتي لك ..

[/frame]

[العاشق]

صح لسانك
ولا عاش من يهجيك
دوما مميز الله يبارك فيك

مشكور على هذه القصيده

وتحياتي

[باضريس الكازمي]

حياالله اختي الكريمه بنت الامارات بارك الله فيك على المرور والرد والمتابعه لما نقدم وعسا نكون وفقنا في نيل رضاكم
لكي الف الف شكر واعذب تحياتي الاخويه
اخوكي باضريس

[باضريس الكازمي]

حياك الله اخوي العزيز العاشق وبارك الله فيك على المتابعه والرد الجميل وعسا ما ننحرم منك ولك منى اعذب وارق تحياتي ويعطييييك العافيه وماتقصر ابدا والله

واقول صح لسان شاعرنا القدير عاشق الوتر المبدع الذي يعد مكسب لمنتدى الشعر
احوك باضريس

[سالم عولقي]

بالقول شاطر وفنان يعل الفرح قلبه ما طال
...................يزيف الحقايق وكل يوم له واحد قام يفتديه

معلوم انك مخادع وتسبب للقلوب غربال
...................وبعد هذا ترجع تقول خلي أنا خايف عليه

هاليوف من نار وقدها تراه حيل شعال
...................على الخلق يلف ويدور ويحلف خله ما يبيه

لا اتصور البعد عنك يا خاين هذا محال
....................هذا دربك قدر من يبتعد عنه بعيد ويجافيه

ما أرضى على النفس من قلبه للعشق ميال
...................ينتقل من فلان لفلان وده يمتلك الأرض بيديه

========
كلمات مليئة بالحزن
كلمات في قمة الفصاحة
كلمات موزونه وشعر ذو معنى
تحياتي لك اخوي الغالي على القلب والوجدان باضريس الكازمي
على هذا النقل الموفق فانت ابو الذوق ولاتختار الا الذوق دوما