منتديات شبوة نت

يعد هذا الموقع أكبر موقع عربي للبرامج و شروحاتها ، وهو أحد مواقع شبكة منتديات مكتوب ، انضم الآن و احصل على فرصة استخدام و تحميل و تنزيل و تجريب افضل برامج وادوات الكمبيوتر.



+ الرد على الموضوع
صفحة 1 من 8 1 2 3 ... الأخيرةالأخيرة
النتائج 1 إلى 6 من 46
Like Tree0Likes

الموضوع: ديوان( ~ الصمت مزعــج ~ ) للشاعر بن جرادان النسي

  1. #1
    شاعــر وشخصية هامة الصورة الرمزية بن جـرادان النسي
    تاريخ التسجيل
    Oct 2008
    المشاركات
    1,793

    ديوان( ~ الصمت مزعــج ~ ) للشاعر بن جرادان النسي

    بسم الله الرحمن الرحيم


    مقدمه

    تحيه واحترام اخواني الكرام وبعد يسرني ان اطرح عليكم هذه القصايد التي جمعتها في ديوان موحد بأسم ديوان الصمت مزعج واتمنا ان ينال اعجابكم وهذا اول ديوان لي هناك بعض القصايد ما تحضرني الان وهناك قصايد تم طرحها سابقاً في المنتدى وان شا الله يكون هنا كل جديد لي لا اطيل عليكم اترككم مع هذه القصايد لعلها ان ترتقى الى ذائقتكم الشعريه وانتظر ردودكم ونقدكم البناء ولكم مني جزيل الشكر والعرفان اخوكم الشاعر راشـد النسي ..@

    قصيده ( ~ الصمت مزعــج ~ )
    [frame="13 98"]
    [poem=font="simplified arabic,5,sienna,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    الصمت مزعج وانا اسف لو ازعجتك=بس انت قلها كفايه وانت تكويني
    تكفى طلبتك دقايق بس من وقتك =عطني الصراحه وخلصني من الحيني
    اطرد سرابك وشد رحال في خبتك=وانشد عليك السحايب يا نظر عيني
    ودي اشوفك ورغم الصد ما عفتك =جيتك بوجه النقاء والزين مغريني
    والله احبك ولا جا يوم وبغضتك =يا جعل ربي بحياتي ما يهنيني
    تقفي ركابك بجنح الليل ما شفتك=وكذب على الروح اقول الحين بيجيني
    ابكي وقالوا الخلايق ويش مشكلتك=ما حد عرف جرحي الي دوم يبكيني
    غايب ولكن قسم ما يوم غيبتك =مسجل حضورك وصوره شخصك بعيني
    لكن مدري انا باقي بذاكرتك =انشد ضميرك اذا هو صدق هاوينـي
    معقول تنسى ودادي يوم قدرتك=واحلا ليالي معك تحـلا بها سنيني
    حتى ولو تعتذر قابل بمعذرتك=بس انت قلي انا اســف وترضيني
    من زود حبك ولو تغلط تحملتك=عودت قلبي على طعن السكاكيني
    لو كانت ظروفك الي تقول مشغلتك =وش له تعذب خفوقي يوم تجفين
    دمعي انتثر فوق خدي يوم ودعتك=وش حيلتي غير دمع العين يلهيني
    واخر كلامي قسم بلله ما خنتك =ضحيت لجلك حياتي وانت ناسيني
    اما تجيني من اخرتك الى اولتك=ولا تفارق ترى الي فئ يكفيني
    [/poem]
    [/frame]



    قصيده ( ~ حكايات الاحزان ~ )

    [frame="13 98"]
    [poem=font="Simplified Arabic,5,sienna,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    البارحه يحرم على عيني النوم=سهران هايم في دجى الليل ما بات
    كني الوحيد إلي معذب ومحروم= وكني ملكت الحزن ذا الليل بذات
    همً على قلبي مثل قلعه رعوم=شاب الشقى في وسط ذاتي ولا مات
    ونيت ونت من ضنا الوقت مهزوم=ونه تهد الشامخات المنيفات
    ونت يتيمً فاقد امه ومحروم=من حب ابوه الي خذوه الجميلات
    ويضحك ونبره صوته احزان بدوم=وفي نظره عيونه دموع وحكايات
    الحزن فصل له على اجسادنا هدوم=وكلاً له حكايه وروحه وجيات
    يا كم وجيهً فوقها الحزن مرسوم=ولا سلم منه كبار القيادات
    حتى الغني الي من المال له كوم=ولا يركب الا من جديد المديلات
    لا تحسبه مرتاح فيها ومنعوم=ما تسعده دام الحزن جاءه شيكات
    اما انا جاني على الكاش مختوم=والحمد للخالق على كل حالات
    ولي لفاني لو تقسم على قوم=يكفي قبائل ! لا يكفي حضارات
    والرجل يجتاز الصعيبات بعزوم=يصمد ولو جارت عليه المنيبات
    ولو كنت تبغا تشوف رجال زيزوم= لا تقيم انسابه وكثر الريلات
    عندي الشجاع الي عطا غيره علوم=يضحك وفي وجهه دموعً وعبرات
    يا جعل ذا الضيقه على الحال ما تدوم=وتعود ايام الفرح والمسرات
    البارحه يحرم على عيني النوم=ومديت كفيني للرب السموات
    يا الله فرجها على كل مهموم=يا عالم اسرار القلوب الخفيات
    [/poem]




    وسلامتكم الشاعر راشد النسي
    [/frame]

    قصيده ( ~ مجاراه شعراء شبوة ~ )

    القصيــده ...
    [frame="13 98"]
    [poem=font="simplified arabic,5,sienna,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يا الله يا منشي السحاب المزابيــر=يا الخالق الباري عليك التكــالي
    ومن بعدها يا هاجسي صف بسير=في زحمه الشعــــار قند دلالـــي
    والصيد حر وكل صياد له طيـــر=والهـــزل ينفى والبقاء للجــزالـي
    احداً بفكره زل عــوج الطوابيــر=وشموخ شعره ما تطولـه جبـالي
    وحداً نشف ريقه ولا بان له خيـر=اقفا وهو خسران ما له مجالي
    لكن انا شاعر وشوفوا الجماهـير=قامت تصفق لي وتشكر مقــالـي
    انسج من بيوت القصـايد تفاكـير=وسرج معانيها بهاجس خيـالــي
    شاعر ولي بشعر سجه وتعـبيــر=مثل الدرر ابداع في كل حــالـي
    ولو لا قسى وقتي وجور المقادير=والله لا سوي الشعـر بنك مـالي
    والبنك لا اسهــم ولا به هواميــر=وموشره اشعار وطيب الرجــالي
    حنا بدو اهــل الشعر والمغاتيــر=والطيــر ودلـه مع طيب فــالــي
    ولبن لشقـر في دلالــه مباهــيـر=والجيب لا من فز قـز الرمــالي
    هجت هواجس من خفوقي مصاديـر=مثل الفرس لا اهتج في ربع خـالي
    مطلق عنانه لا نويت المشـاويـر=داج الفيـافي ما يحط الرحــالي
    ما قول شعري مثل أبو زيد والزيـر=لكن ابا نافس وبفرض مجـالـي
    قلته وانا صقار قايد صقاقـير=ارقا بقافي فوق روس المعـالــي
    واثق من الخطوه اذا جيت با سير=لاني نسي ومرجعي للهــلالــي
    وتقبلـــوا مني تحيــه وتقـديـــر=وثني سـلامي في نهايه جـزالـي
    [/poem]
    [/frame]


    قصيدة ( ~ لحظات الوداع ~ )





    .

    [frame="13 98"]
    [poem=font="simplified arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    انتهى المشوار.. في لحظه وداع=وابتدت رحله.. بصفحات الرحيل
    ونطوى حبل الرجاء والحلم ضاع=والنفوس تحن للماضي الجميل
    في بحور البعد فليت الشراع=وانكتب مشوار والمسرى طويل
    ما بقى لي غير ذكراكم متاع=زاد لي لا شح مدخول الحصيل
    الوداع المر وسنين الضياع=جرحها دامي مثل حد الصقيل
    الزمن قاسي وما قاله يطاع=واعتبر بلواه في حقك قليل
    شف سباع الغاب تتهاوا جياع=والضباع اشباع في عيشً مثيل
    حكمت الايام يا زين الطباع=ما تفرق بين نذل ولا اصيل
    سوّت الاقدار بدروبي قطاع=والاساء حمله على قلبي ثقيل
    اصعب اللحظات..لحظات الـوداع=والبلا لا رحت..ودموعك تسيل
    [/poem]
    [ 0.
    [/frame]


    قصيدة ( ~ الجنوب الحر ~ )

    .


    [frame="13 98"]
    [poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    البارحه جاني خبر تالي الليل=شفته مباشر في قناه الجزيره
    شفنا عناوينه وشفنا التفاصيل=والزبده ان الشعب حدد مصيره
    واليوم ثارت في الجنوب الرجاجيل=قامت تعد سلاحها والذخيره
    يا القائد النصاب يكفيك تمثيل=والي معك قل له يراجع ضميره
    الوضع مزري والبشر ذاقت الويل=في ضل حكم اهل النفوس الحقيره
    سلطات سبتمبر ومايو وابريل=الي خذو نفط المسيله وخيره
    الله جمعهم ضدنا في طرف ليل=ومن اجل لقمت عيش صاروا عشيره
    لو شفت روس جيوشهم ما لها ذيل=ورب الملا من كيدهم نستجيره
    سخر لهم يا رب طيرً ابابيل=ترميهم بسجيل في كل ديره
    ختمتها والهاجس يفيض ويكيل=ناقش قضايا مستجده خطيره
    البارحه جاني خبر تالي الليل= شفته مباشر في قناه الجزيره
    [/poem]
    [/frame]


    التعديل الأخير تم بواسطة بن جـرادان النسي; 12-01-2009، الساعة 02:49 PM


    :
    ديوان الصمت مزعج

    https://forum.sh3bwah.maktoob.com/t220425.html
    :


  2. #2
    شاعــر وشخصية هامة الصورة الرمزية بن جـرادان النسي
    تاريخ التسجيل
    Oct 2008
    المشاركات
    1,793

    قصيدة ( ~ الذكريات القديمه ~ )




    حنين الى الماضي وبكى على الاطلال ورثاء الحاضر وشتان بين الامس واليوم

    [frame="13 98"]
    [poem=font=",5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    يا ما حلاها الذكريات القديمه= الي مع الايام دايم تجدد
    ما تنتسي يا اهل العقول الحكيمه=تبقى شواهد للزمن ما تهدد
    اذكر بيوتً في الوطن مستقيمه= مثل الجبال الشامخه لو تحدد
    وذكر سوالف حول موقد وديمه=واحلام في ذا الوقت يمكن تبدد
    ايام عشناها بحشمه وقيمه=واليوم ذقنا مر وقت التودد
    جعل السحايب فوقها مستديمه= وركاب راشد صوبها با تشدد
    ما اكبر غلاها للنفوس الحشيمه= وما اكثر مزاياها اذا جيت احدد
    عيشي بهذا الوقت اكبر جريمه=اشجب واستنكر زماني وندد
    اطلق شنب حلمه يرقم حليمه= والبزر يعرف كيف ضبط التردد
    والكفو حط الروج وحط الكريمه= والجنز والجاكيت جعله مخدد
    صارت حياته ما لها أي قيمه= عايش رفاهي في الخلا ما تكدد
    ان شفت وجهه تحسبه من حريمه=وان عاد بيته با تشوفه ممدد
    في ذا الزمن كل الليالي عتيمه= حتى نجومه خافته ما تقدد
    ان جيت اصيح من زماني وضيمه= ما غير ردً من صدى الصوت ردد
    وان جيت اسولف في الليالي القديمه=ادعي من الله يا عساها تجدد
    [/poem]
    [/frame]

    ( ~ زامل بعد مقتل بن دعمان ~ )




    [poem=font=",5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    القيل خو تركي سلام اربع ميه= وربع لدبلها على الجمع الغفير
    واليوم يا روس الشوامخ هللي=شوفي ضعيف النفس والشرع القصير
    سارق ومتقطع قليل الخاتمه=لا يملك الذمه ولا عنده ضمير
    ماحد يشوفه بس فعله ينذكر=وفعله فساله للرفاقه والصبير
    ان جيت له بالوجه مابا يقابلك= وان جيت له بالمكر لا والله مكير
    اغلب بطولاته تحت جنح الظلام=ويقول با سوي وقد ليلي ستير
    ما يدري ان الليل لازم ينجلي=والصبح با يكشف بطولات الحقير
    لا بد ما يندم على ما قد جرى=يدفع ثمنها هو وربعه والقطير
    وش كلفه يدخلات مغارات الاسد=ذي يهز القاع بصياح وزئير
    معاد له في الجوف مشبر يشبره=الا بعد موته وراسه ما يطير
    يا النذل لا والله ضويتك جيت لك=وخل الزيود تقول ما لك يا خبير
    لا بد من راسك ولو طال الزمن=وحكام تتحدش على راس الكبير
    القبيله ما حد غبي من شرعها=اعرافها تحكم بتحديد المصير
    ذا قول ذي يبدع ودارس زامله=ما هوب ذي يرجع ولا ذي يستشير
    عنده هواجس فذ شاعر شركسي=هاجس وفصلنا ثيابه من حرير
    اصله هلالي والنسيين اخوته= نيرانهم تدهر على لعداء دهير
    ان حد يبا بالطيب بالمشي معه=وان حد نوا للشر ما بيشوف خير
    [/poem]








    قصيدة ( ~ اهدا اول قصيده ~ )
    [poem=font=",5,sienna,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

    لعيون اهل شبوة زحول النشامـا=والمنتدى وأهله وكل الجمـاهير
    ولعيون غالي خصلي اهتماما=لبيت ما تعذرت وليش المعاذيـر
    وحضرت ابياتي وثني السلاما=اعداد ما هلت مزون المزابيـر
    وجينا لشارك واعتبرها وساما=وافخر بكم وافين من دون تقصير
    ومن هاجسي سطرت زين الكلاما=واهدي لكم باقه مع كل تقديـر
    وبدعتمن قافي ورود وخزاما=شاعر ولي بشعر سجه وتعبيـر
    والشعر له معنى وادب واحترما=قاف وزن ولقاء وعده معاييـر
    لكن انا للشعر سيف(ن)حساما =اقد بحره بسيوف المشاطيـر
    وابطش بطاروق الشعرفي الزحاما=ومقند دلاله بزين المباهيـر
    واناهلالي قوم ابد ما تضاما=اهل الشعر والخيل والعز والطير
    يشهد لهم تاريخ منالف عاما=لابه عظيمه من شيوخ ومغاوير
    مداتهم للخير مثل الغماما=وماهي غريبه لا عطو مدت الخير
    وضيوفنا تبشر بعز السناما=نعطي ولا نبخل ضعاف وهوامير
    واليا احتما الموقف حروب وظلاما=ناقف لها مثل السرايا طوابير
    هذا هلال العز واهل الزعاما=معسفين الخيل واهل المغاتيـر
    وارضي اليمنفيها خوال وعماما=ارض الكرم واهل الشيم والمشاهير
    وافخر بدار العز وارضالسلاما=جنه بهيه ونحمد الرب في خيـر
    وفي نعمه الدين الجميع استقاما=ودون الوطن نقسى على كل شريـر
    وصلوا على محمد شفيع واماما=اعداد ما خط القلم بالتعابير
    [/poem]

    قصيدة ( ~ الغلا السامي ~ )






    [poem=font=",5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]


    يتوه بخافقي النابض حكايه حب مكتومه= وعنونها على صفحات كراسي با اقلامي

    يحن لها هواي العذب في مقياله ونومه=ولا مني غفيت شوي جتني بروع أحلامي

    يداعبني الخيال وراح يحكي لي عن علومه= وانا شوقي معنيني ودمعي ذاب بكمامي

    تعبت اتصنع البسمه على محياي مرسومه= وجامل كل اصحابي وقول بخير لعمامي

    ونار الشوق تكويني وجو القلب مضرومه= وانا صابر ومتحمل وجرحي في الحشاء دامي

    غرامك هيض احساسي وروحي فيك مغرومه = يضيم الليل هوجاسي وانا ساهر ولا نامي

    تفرعن حبك الطامح وانا والله ما لومه= لانك اجمل انسانه فريده يا الغلا السامي

    وزينك قمه الروعه ورقه فيك ونعومه=وغصنك كل ما ميل يهز الخافق الضامي

    وطرفك كل ما سلهم هدبها ترمي سهومه= وصابتني وانا كنت احسب اني في الهواء رامي

    وخدك لا ظهر نوره يغار البدر ونجومه= وغارت كل مزيونه ولا والله تلامي

    شروق الشمس لا بانت يلبسك اجمل هدومه=اخذتي حسنها الصاطع حقيقه ما هي اوهامي

    حلاتك فاقت اوصافي وهذه بس معلومه= انا ما شفتك مثلك في اليمن والهند و الشامي

    ولا برض السعوديه ولا البحرين محشومه = ولا في موطن التركي ولا في دار لهرامي

    ترى حتى بنات الحي قالن راشد اش قومه=حسافه طبعه تغير تنكر سالف العامي

    تناسا يوم كان صغير ولعبه اكبر همومه = ولا منه زعل يكفخ مزون وهند واريامي

    انا يا بنت عشقي غير ما يرخص على السومه=انا باقي على عهدي وتشهد بصمه ابهامي

    انا جيتك وانا شامخ وراسي عانق غيومه=ولا غيرك خذت قلبي ولا ملكتها هيامي

    انا جيتك وكلي لك شروع الحب وسلومه=ابيك تبلسم جروحي وتبري العوق وسقامي
    تراني ما عشقت من لااسامي غير فطومه=نحت حروفها من بين شرياني وصمامي
    ابا اهدي لك ورود الكون وريحانه ويشمومه=وروحي فدوه لروحك وتفدا قدرك السامي
    [/poem]


    التعديل الأخير تم بواسطة بن جـرادان النسي; 12-05-2009، الساعة 10:46 AM


  3. #3
    شاعــر وشخصية هامة الصورة الرمزية بن جـرادان النسي
    تاريخ التسجيل
    Oct 2008
    المشاركات
    1,793

    قصيدة ( ~ اشهب اللال ~ )


    [frame="13 98"]
    [poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    المرجـــله عنـــدي ترى راس للمــــــال=ماهيب سلعه بين شاري وسايـــم
    والمرجله قولً وترجمته افعال=وتهون في عيني عظيم العظايـــــم
    وان جات للفزعات طوحت بشال=هاتو الجهيماني وهاتو العلايـــــــم
    في وقتها ما كل رجال رجـــال=احد رجع ما هوب للحرب قايــــــــم
    واحدن تشوفه طوح بروس لابـــطال=هاذاك والله للبطولات هايــــــم
    اما انا دربي على العز ما مــــــــال=ولا همني اهل الحسد والشتايـــم
    شاعر بطـــــل مغوار والله ومن آل=قوماً تذل خصومها بالهزايـــم
    قوماً لنا في عالي المجد منـــزال=ولا خفت في رب الملا لوم لايـــــم
    دايم الاسود تخلف احفادها اشبــال=واليا بطشت ابطش وجبت الغنايــم
    والشعر ما هو بس معنى وامثــــال=ولا هوب معجب للجماهير دايــم
    يوم ان بعض الناس تنصب وتحتــــال=تنصى هل المدات وهل العمــايم
    لكن انا ما جيت دور على مـــال= ولا هوب قصدي يا ردي العزايــــم
    شبيت قافي يا الغضي بشهب اللآل=وجاتك على تلاعب مع هبوب النسايـــم
    [/poem]
    [/frame]
    قصيدة ( ~ شاطي الروحه ~ )

    [poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
    يا شاعـــر المليــــون بلله تكفـــون=ودي اشارك لوسمحتوا دقيقــه
    با سمع الجمهور لو كان ترضون=هاجوس شعري يوم شبت حريقه
    في مسرح الاحلام انا جيت بشجون= شاعر وغوص بحور ظلما عميقه
    ان قلت شعـــري للمــلايين يوحون=تصمت فحــوله والقلوب الرقيقه
    لان الشعرعندي له آداب وفنـــون=تسري بي افكــاره ونومي افيقـه
    عندي قصايــد كنهــا الدر مكنـــون=ولوله ومرجـــانه وعندي عقيــقه
    حرك مجاديف الامل وسري بهون=في ليلهً قمــرا وشعشــع بريقــه
    متعلم الشــدة من دروس ذا النـــون=الي مكث تحت البحور الغريقـه
    سارت سفينه نوحوالموج ملعـون=تلحظ على كل الزوايا صفيقه
    وانا معي مركب صنعته من عيون=شعري ويسري بي ولا شي يعيقه
    أرست مراكيب الشعر قاف ولحون=في شاطي الراحه وصغت الوثيقه
    ان قالــه الله مــا تراجعت من دون=بيرق عشقته مثل عشق العشيقه
    محجوز لي لـول وبا شـل مليـــون=وبغا اشتري لكزز وشقه انيقه
    وليلــى السنــافيه ابيهـــا لي تكــون=الي حلاها ما ظهر في الخليقه
    يذبح هواها كل صاحــي ومجنــون=وعيون تسحر والمفاتن رشيقه
    وكل العرب باتشوفني في التلفزون=ومدري انا في حــلم ولا حقــيقه
    وان جات لتصويت عندي سبا فـون=جمهور وافي ما تناسىصديقه
    وربعي بني هلال العظيمه يفــزون=تدعم ولدهــا ماتأخــر دقــيقه
    وشبوه وأهاليهــا على روحي تمـون=اعشق ثراها والجبال الشهيقه
    وارضي اليمن من اخر حدود سيون=لماعدن وحصون صنعاء العريقه
    افخر بداري ودفع الروح عربـون=ترخصلهــا لعمــار تقبل طليــقه
    ساكن غلاهـا داخل القلب مسجون=مثل الزهر سجنه بوسط الحديــق
    هذه حروفي والردي بوه ملعون=الجزل عندي والهزل في حريــقه
    [/poem]




    قصيدة ( ~ مجاراه ~ )
    [frame="13 98"]
    [poem=font=",5,sienna,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    ماني بمن ياتي ولا يدرا به=شاعر وكلا حسابً حسابه
    لا جيت ما رجع دون ماخذ لول=ان قالها الله ما رجعت الا به
    شاعر ولي في الشعر ساسً ثابت=وراس الشعر من فوق روس اشنابه
    في يدي اليمنى مهند صارم=سيفً صقيل وقوته بنصابه
    ولا من حضرنا في سباق النخبه=نرقا على الشعار والكتّابه
    اكتب عيون الشعر وسرج قافي=والشعرناموس الذي يزهى به
    وربعي سنام العز واهل الفزعه=لطمات الغازي ونكسر نابه
    نسل الهلالي والفعايل تشهد=سقم المعادي لدماء شرّابه
    وبيوتهم للضيف مدهل دايم=بين العرب تاريخنا يحكا به
    ما جيت متسابق ويمكن يخسر=الا تحدي جيت مثل لابه
    والله يجملني بدرب البيرق=وهديه للي للوفا كسابه
    وما هي غريبه لو خطفت الصيده=ما يدمي الهدات غير عقابه
    يدمي نحور الخرب لا من ميل=مايهاب قرناس القطا وذيابه
    سجيت قافي يوم حان الموعد=ونار القصايد في الحشاء شبّابه
    [/poem]
    [/frame]
    قصيدة ( ~سيف القصيد~ )

    [poem=font=",5,sienna,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    ان جيت قالوا الخـلايق حي ذا الطاري=اطــرب هوات الشعـــر وطربت شعــــاره
    بدّيت بيت الجـــزاله وسمع اشعاري=الكـــفو يثبت حضــــوره قـــوت افكــــــــاره
    فجيت نحــر الشعر يوم الوغا ضاري=وسيوف ابو هادي البطـــران جبــــــــــاره
    توكلت بسم الولي الخالق البــــاري=وحطيت رجلــــي بدربً صعب مشـــــواره
    لا الله عطاني عمر با تجيكم اخباري= وان مت راضي بحكم الله وبقــــــــداره
    يا ابو علي جاك منتج اخر اصداري=انتاج حصري يضي الكــون بنــــواره
    حليت برض الشعر وجزالها جاري=باني على ساس شعري برج وعماره
    شاعر ولكن لا بايع ولا شاري=ولا لي بسوقه وجمهوره وتجّاره
    متعلم ان الشعر ساسي ومن داري=ولو ما وصلني غزيته في عقر داره
    جاني من الله هبه وافتضت اسراري= وفي وسط جوفي حريقه وشبت نياره
    واليا بطشت ابطش بيمناي ويساري=ماخذ نصيب الاسد لا فز في غاره
    يا ابو علي جاك قافي واخر اشعاري=جاتك على ركاب فكري يا الغلا زياره
    وليدك ترى صار شاعر يذهل القاري=وليدك ترى يا يبه من صفوه انماره
    شبيت راس الفتيل وشاعت اخباري=وتباشروا بي رجال الشعر وانصاره[/poem]

    قصيدة ( ~ اريش العين ~ )

    [poem=font=",5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    يا مل قلبً في هوى الزين مذبوح=الله وكيلك همت بك يا اريش العين
    بين الضلوع العوج باني لك صروح=متربعه ما بين نبض الشرايين
    وجسرك وريدي لو تبي تجي وتروح=لا تحاف والله ما نشدك على وين
    فرفر بكيفك وانت تماديت مسموح=لانك تساوي في عيوني ملايين
    انت الوحيد الي لك الباب مفتوح=وغيرك اذا دق الجرس قلت بعدين
    انت الوحيد الي جبرني على البوح=وعلمتني درب الهوا والمحبين
    لا جيت بسكت سر لشواق مفضوح=وشرع الهوا ما له امانه ولا دين
    يلعب براسي وكم حنا راس طحطوح=ولا لمتكم يلي بدربه مجانين
    يا خل يا معشوق يا منوه الروح=ياقايد الغزلان يا كامل الزين
    يا ناعم الملمس ولك صوت مبحوح=ريم الفلا الفتان سيد المزايين
    عمهوج نبوبً ومدعوج مملوح=داي ودواي اليا قسى وقتي الشين
    بعدك عذاب ومزق القلب بجروح=لكن انا عهدي قطعته من الحين
    لازم اشوفك وين ما كنت باروح=والله ولو حتى ورا خط برلين
    روحي وروحك نبض روحين في روح=متجمعه في روح ما هي بروحين[/poem]


    التعديل الأخير تم بواسطة بن جـرادان النسي; 01-15-2010، الساعة 09:01 PM


  4. #4
    شاعــر وشخصية هامة الصورة الرمزية بن جـرادان النسي
    تاريخ التسجيل
    Oct 2008
    المشاركات
    1,793

    قصيدة ( ~ درب المراجل ~ )




    [frame="13 98"]
    [poem=font=",5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    لو كان مقياس الرجوله بلشناب=كان الردي محسوب ضمن الرجاجيل
    ولو كل طاير في السما حر وعقاب=يمكن يطير الخرب في عتمت الليل
    يا صاحبي كلمه وقل قالها شاب=خذها نصيحه كان عندك تساهيل
    درب المراجل فيه عثرات وصعاب=ودرب الردي معروف كله تضاليل
    والحر انا خاويه في كل مرقاب=وفخر وماري به قروم المشاكيل
    اطريه بزينات والخير لا غاب=واعزف على نغم المفارق مواويل
    واليا لفاني مسكنه بين لهداب=واخذ علومه كلها بتفاصيل
    ودرب الردي حطيت من دونه حجاب=بيني وبينه مثل ما الجدي وسهيل
    اللي بعرض الناس يهتك ويغتاب=وماهوب فالح غير في القال والقيل
    المرجله ما هي قلم خط بكتاب=يقراه جيل وسلمه بعده لجيل
    المرجله قول وفعل اصل ونساب=والكفو يظهر حزه الضيق والويل
    يا صاحبي لا تحمل بفكرك اعتاب=ولا هو بقصدي في الرجاجيل تقليل
    يا كم شنب في حزه الضيق اذناب=ويا كم سفيه اليا فزع فزعه السيل
    ويا كم خاين للوفاء بين لصحاب=ما يقضي لزومك فلا حتجت بالحيل
    الهرج واضح والاشاره للالباب=وانته بكيفك حلل الهرج تحليل
    الكفو دايم للجميلات كساب=واليا نخيته فز وسرج لك الخيل
    اما الردي ما يوم ودا ولا جاب=وان جاك والله با يجيب الغرابيل
    والرجل يقدم في الصعيبات ما يهاب=يمشي على دروب الشهامه ولا يميل
    يا صاحبي ما كل اشناب اشناب=وفهم كلامي تعرف الراس والذيل



    [/poem]
    [/frame]


    قصيدة ( ~ الأمير مشعل بن عبدالله ~ )
    [poem=font=",6,green,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
    استأذن الجمع الغفير بقصيده=في نجل عبدالله زعيم القياده
    الفذ والزيزوم مشعل حفيده=الفارس الشغموم فخر الرياده

    [/poem]

    هذه القصيده في صاحب السمو الملكي الأمير مشعل بن عبدالله آل سعود بمناسبه تعيينه أمير على منطقه نجران وقلتها اثناء حفل خاص في امسيه شعريه ضمت شعراء من المنطقه في مركز العريسه للثقافه والفنون يوم الخميس تاريخ 5/4/1430هــ

    [frame="13 98"]
    [poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    يا مشعل الأمجاد والعز حيــاك=في موطن التاريخ والفخر والطيب
    حياك من ممشاك الى حد ملفاك=يلي على الديره عسفت المراكيب
    ارحب تراحيب المطر لا عدمناك=ترحيب ما تحصيه كل المحاسيب
    من شفت زولك والحلا في محيــاك=من بسمتك تبسم وجيهً مشاحيب
    ما ودي الا حط كفي بيمنــاك=وفضفض لك بيوت الشعر والتراحيب
    لانك سنام العز والعز يفـــداك=تثبت علومك في الظروف المصاعيب
    ترقا على القمه ولا حد تعــداك=ما تسكن ألا فــوق روس المـــراقيب
    تفزع ليا شفت المخاليق تنصــاك=تسرح ركابــك في سمـوم الواهيب
    تعطي ولا تبخل ابد كـل من جــاك=يمناك بيضاء في الكرم والمواجيب
    قصــرك مثل خيمه بلا باب صكاك=وبيت الكريم يفوح بالعود والطيب
    يا جعل عيـــنً ما تمنى بلقيــــاك=تعمـــى وتبلا بالبـــلا والعـــذاريب
    ويا جعل من تدعي ولا قال لبــاك=تقصر مشاويره مثل عاثـــر الشيب
    اما انا لبــي لمثلك وشـــرواك=لو تزهـــم اسمي كان لبيت يا الذيب
    بين الضلوع العوج بحرك ومرساك=ولا يعرف بقدرك سوا عالم الغيب
    تسلم يمين الي على العز رباك=انا اشهد ان ظنه ابد فيـــك مــا يخيب
    والله ولو شعري بيوصف مزاياك=اني لجمع كل شعري بترتيب
    وسرج خيول الشعر من شف معناك=وتفز لك كل المشاريه وتهيب
    لكن بحر الشعر طشه وسط ماك=وحضره جنابك فوق كل المكاتيب
    ادعي من الله يا عسى يسدد خطــاك=ويرعاك من عين الحسود الملاهيب
    يا ابن المليك يزين قافي بطريـــاك=وسطرت لك ابيات شعــري تراحيب
    [/poem]
    [/frame]

    قصيدة ( ~ الغربه ~ )



    تحيه للجميع. هذه ابيات كتبتها على لسان اخي العزيز ابو زينه المغترب خارج الوطن بعد ان عرفت معاناته في الغربه وطلب مني اكتبها وما ترددت في تلبيه طلبه
    قصيدة ( ~ الغربــه ~ )

    قصيده قلتها على لسان صديقي ابو زينه

    [frame="13 85"]
    [poem=font=",5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    يا الله يا غافر الزله= يا عالم الحال بي تدري
    تغفر لعبدك وترفق به = وتفرج الهم من صدري
    ومن بعدها قال ابو زينه= قم يا على قرب الحبري
    بكتب لي ابيات منظومه= من هاجسي منتجه حصري
    من باطل الهم والغربه= يا ضيق حالي ويا قهري
    والعين من صبرها تبكي=والدمع منها بدا يجري
    المغترب عيشته صعبه = متشتت البال والفكري
    البارحه جيت با غمض= رد السهر قال لي بدري
    ومسيت ساهر مع نجمه=لما ظهر بجت الفجري
    وصبح نهاري مثل ليلى= عايش وانا في وسط قبري
    ربي كتب لي وقدر لي = وراضي بلاقدار من صغري
    يا ما من المر قد ذقته= متحمل الشوق في هجري
    لو شفتوا الي تحملته= والي جرى لي وما يجري
    الراس شيب وانا توي = سارح وفي مقتبل عمري
    ضاقت على قلبي الدنيا= في بعدكم ما انجبر كسري
    اضحك وجامل عباد الله=حتى ولو ما ابتسم دهري
    يا ليت ما جيت للغربه= الي عناها كسر ظهري
    ومن له حبايب عسى ربه= ما يفرقه منهم شبري
    ما قول انا مغترب وحدي= لكن صمتي فضح سري
    كلاً مع الهجر له موعد=والشوق يكوي كما الجمري
    معاد لي شف بالغربه= حتى ولو عرضها مغري
    بعيش ما بين خلاني=مرتاح حتى وانا فقري
    ونظره من الزين تكفيني= تسوى دبل راتب الشهري
    يا الله لا تخيب امالي= والهمني العزم والصبري
    وختامها مسك والعنبر=اهديتها من نظم شعري
    وصلوا على محمد واله=يا شافع الناس في الحشري

    [/poem]
    [/frame]

    قصيدة ( ~ قبائل خليفه ~ )
    [poem=font=",5,sienna,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    بذكر الولي ببدا قصيــد ومراسيـــل=وسرج معاني من جديد القــوافــي

    شاعر كفو بطران من صفوه الجيل=يقدح زناد الشعــر صافي بصافــي

    عدا على راس الجدي فوق وسهيل=وسلم على باقي الكواكب وطـافــي

    ولا من مدحت امدح قروم الرجاجيل=ما مدح بشعري كل واطي وهــافــي

    بمدح خليفه والشعر كنه السيل=لا سال يروي العشب بعد الجفــافي

    ربعي بني عمي هل البل والخيل=والعز والناموس والطيب وافــــي

    اهل الجرامل ذي تحط المقاتيل=تشهد مجاريها بروس المنــافـي

    تصنيع روسي منتجه أخر مديل=يقدح شررها ما تجيب العوافــي

    وضيوفهم ترحب على دله الهيل=والنــار حيه للغدا يا السنــافــي

    اما المعادي لا ضوا تالي الليل=يبشر بها سم الكبـــود الخوافــي

    اصغر خليفي شفت في عينه الويل=كنه نمر يطوي خبوت الفيــافي

    اما كبار القوم عز الرجاجيل=حكمه وهيبه مروضين الخــلافــي

    روس القبايل لا حشا ماهم بذيل=تفرق معك بين القطا والخرافي

    تاريخهم يشهد على كل ما قيل=وتشهد لهم روس الجبال الصوافـي

    هذا كلامي يا الوجيه المقابيل=سجيتها مسحوب لحن وقــوافي

    وان كان شعري يحلقه أي تقليل=شقي خفوقي يا زيان الشــلافي

    قلته وأنا شاعر يجر المواويل=ابيات شاعر ما عليها خلافي

    ودبل تحيه للقبــايل تدابيــل=وان قلت فيكم نعم ما هوب كافـي[/poem]

    قصيدة ( ~ قبائل خليفه ~ )


    التعديل الأخير تم بواسطة بن جـرادان النسي; 12-05-2009، الساعة 09:59 AM


  5. #5
    شاعــر وشخصية هامة الصورة الرمزية بن جـرادان النسي
    تاريخ التسجيل
    Oct 2008
    المشاركات
    1,793

    قصيدة ( ~ محزاه ~ )
    بحزيك من بنتً ولا شي لها جاه ...بين العرب تمشي ذهاب وايابه

    ان شفتها عاريه ما قلت ويلاه .. تمشي بطر واطلق شنب ما تهابه

    والكل يعشقها بزارين ورمــاه ... وانثى تحب انثى ولا هي غرابــه

    ان حل طاريه تصير المبــداه .. واخبــارها في كل دولــــه ولابــه

    تحت الامر تخضع مثل منت تبغاه .. ولا تعترف بهل السمـــو والجنابـه

    والبنت هذي من عشقها تبــلاه .. من سحرها يفقد حكانــا صــوابه

    فوق الصفيح الاخضراني مرباه ... وشكالها طبق الاصل في التشابه

    والفن واحد والحلا والمساماه ... لو شافهـــا شايب تذكـــر شبابــه

    اسم البنيه ما يبي لها معاناه ... وردو خبر لي لا لقيتو الاجــابه


    قصيدة ( ~ الامه ~ )


    الحال والله ما يسر واليوم مشتد الخطر
    ...............هبت على امتنا مصايب جاتهـا من كل بــاب
    لله بشكي ضعف قوتنا العزيز المقتدر
    ............. الي جعل للناس رحــله بس ما فيهــا أيــــاب
    والوضع لا يحسد عليه ولا من الوضع اعتبر
    .................حنا تراجعنا وهــم قواتهــم فوق السحــاب
    يا امه الاسلام اقروا حكم سيدنا عمر
    ...............الي بطش بالكفــر ذوقهم من انواع العـــذاب
    ولا صلاح الدين حرر بيت لاقصى وانتصر
    ................بسيف والايمان درعه لا حشا ما يوم هــاب
    دمر جيوش الكفر والطغيان وذناب البقر
    ................اعلن جهـــاده في سبيــل الله وفقً للكتـــاب
    وخذوا عبر من معركه الاسلام في غزه بدر
    .........كم من فئه صغرى وتكسر جيش كسرا في الصعاب
    واليوم والله حالنا مثل الجريح المحتضر
    ............والجــرح ينزف بدمـــاء ما يستره اغـــلا الثيــاب
    صحيح امتنا عددهم زاد لو صح الخبر
    .............مليـــار واكثر كلهم ضلو من حدود الصــــواب
    لو كان فيكم عزة الرجل الغيور والمعتبر
    ............ما كان غــــزه بدمـــاء تغرق وجرحاها عطـــاب
    وانتو تعيشون الرخاء ما بين اسوار القصر
    ..............والامــن متوفر وعيشــه بين مــا لــذا وطــاب
    وين النصر والامه تعاني من هموم وكدر
    ............حتى الفســاد الله وكيلك صـــار مرتع للشبــاب
    والبعض منا صار همه كاس من وسك وخمر
    ..........وزين الخصر عينه تشوفه في سهــرها بنجــذاب
    وجيوشنا واهل الرتب قائد مع ضابط خفر
    ........وش فايدتها دام من ارض الوغاء تبغي انسحــاب
    يا امه الاسلام هبو ونجدوا طفل الحجر
    .........وتعلموا كيف الشجاعــه من طفل يرمي وصــاب
    والحرب قد دارت رحاها ولا من الموعد مفر
    .............اتوحدوا وانسو الخلافـــات القديمه والعتــــاب
    الله اكبر يا عرب بلله ما شفتوا الصور
    ..............ما هزكم قتل النساء واطفال وشيوخ وشبــاب
    حتى ردود افعالكم صارت مثل موقف مصر
    .........وش صابكم من ضعف هد الحيل وحنيتوا الرقــاب
    ان دام موقفكم كذا والله ما يكتب نصر
    ..........والعار يبقي في وجيه الشعب الى يوم الحسـاب



    قصيدة ( ~ مجلس الامن ~ )
    يا مجلس الأمن قلي وش قراراتك
    ........تصدر أوامر ولكن شبــه محسومة

    وترجع تراوغ تبي تغطي لغلطاتك
    ......وش حيلتك غير الادانه بخط مرسومه

    يا مجلس الأمن وقف لي مع ذاتك
    ...... وشرايكم في بني صهيون وهجومــه

    دمر بلد ما ولد ما هاب جولاتك
    ........وسلاحهم من خزاين بوش مختومه

    بلله ما شفتها إثناء زيــاراتك
    .........ما شفت كيف الاوادم شبه معدومـه

    كانك تدور على سلاح الخطر فاتك
    ......... تعال تلقى قنـــابل كــوم مسمومة

    تعال مره وخالف أمر ساداتك
    ......تعال شوف السماء ولأرض ملغومة

    تعال والله ترى متعبني سكاتك
    ........ بقول لك شي وسط غزه ومعلومة

    وصل تحيه على مجموع قاداتك
    .......وانته على نهج ربعك واصل ألنومه

    الحرب دارت رحها وأنت في سباتك
    ........لرواح من دون غزه صف مسيومه

    قولوا لبوش الابن ما نهاب قواتك
    ....... لا هو لا ابن البريطاني ولا قومـه

    ابيات وجهتها الى الشاعر سعيد المسعودي
    [poem=font=",6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    قم يا ندوبي هاك خطي وشلــه=واعزم الى من بان صبحـه ولاحـي
    وقنـــد فناجـيل النشـاما بدلــه=وبغاك كلمه راس قبـل المراحـي
    لك موتري قم شغله من محلـه=ودق سلفـه راح وقت الــمزاحـــي
    شاص ٍ بعد للفيــن كـامل بفلــه=ابو رفــاف ما يبي له مــداحــي
    لا من لمحته مــر تستغفر الله=كنه صـقـر لا من كفـخ بالجناحـي
    لافز بعد الصبح ما احد يدلـه=مثل السراب الي تلاشا وراحـي
    ولا فز تالي اللــيل والخط تله=كنه مع مهرب محمل سـلاحـي
    مورد من اليابــان هذا سجلـه=ما ورده نيسان ولا ابن الجماحي
    حتى كفره لا فتر يشتل كـلــه=كنه ظبي ذاعر خطته الرماحي
    ولا من ركبته ما هقيت ان تمله=وكن الغماره في الفخامه جناحي
    هذا وصوفه وش ما ينوصف له=والزبده ان الجيب عز المراحي
    ولا من وصلت سعيد سلم وقله=جاتك قصيده من صميم الجراحي
    وش حال من فارق حبيبه وخله=وبين العرب دمعه على الخد ساحي
    همه تمكن مثل شخص ٍ وظله=وما كل هم ٍ في الحنايــا يباحـي
    يا سعيد قمـه برموش المظلــه=غطت على قمه سعـيد الفــلاحــي
    ربي عطها الزين والحسن كله=صافي جبينه مثل نور الصباحـــي
    وخشمه مثل حد السيوف المسله=ومبسم مثل صافي الشهد في الجباحي
    ريم الفلا وكل الحلا لايق ٍ لـه=يمشي بـدلا فوق المـلا برتياحــــي
    يا سعيد اخذ قلبي بملكه وذلــه=والله بلاني بالوصوف المــلاحـي
    وين الوفا يا سعيد ما حد يدلــه=هو صدق ما حد في المخاليق صاحي
    والشوق يكوى القلب جمره ومله=واطلق شنب لو شافه اليوم طاحــي
    يا سعيد جاك العلم والقاف هله= هاجوس شعري حالف ٍما استراحــي
    والحبل تدري كيف عقده وحله=وش حيله الي هــام ليله ونـاحــي[/poem]


    وكان هذا رد الشاعر سعيد المسعودي
    [poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
    قم يا رسولي في كـروزر وتلٌـه=خل أربعه تسبق هبوب الرياحـي
    لا من تروسه بالنمر بدلـنٌ لـه=وفز من ظلـه وشـق الفياحـي
    مثل الحصان اللي وطىَ فوق ملٌه=تقول به مسٍ ولا هـو بصاحـي
    أنا أشهد إن ما خاب من يستقلٌـه=لا صار مشواره بعيـد المراحـي
    كـن المواتـر لا كفـخ مستذلٌـه=يقبل عليها واتخفض له جناحـي
    عنواك راشـد تآصلـه لا محلٌـه=في دار زايـد حـي دار الفلاحـي
    قله علامه يشتكـي حـب خلٌـه=والحب ما أحدٍ من بلاه أستراحـي
    يا رب غيره في المخاليـق قُلٌـه=يمسي رهينٍ للسهـر والنواحـي
    واللي غشيمٍ بالهوىَ ما فطن لـه=أو يآخذ الدعوىَ هزار ومزاحـي
    صحيح لا قالـوا المحبـه مذَلٌـه=كم رأس طحطوحٍ من الحب طاحي
    وكم واحدٍ تخفـي حنايـاه علٌـه=من سِب رميات العيون الصحاحي
    سـوٌت سواياهـا تعَمُـد وزلٌـه=في شرعها ذبح الخلايق مباحـي
    نصيحتـي تصـبـر ولله حـلٌـه=والصبر تبرأ به جميع الجراحـي[/poem]



    قصيدة ( ~ الغلا كلــه ~ )


    يا كبر قدرك في خفوقي وما اغــلاك
    ......................... فوق الغلا يا اغلا الغوالي غــلاتك
    لو تطلبين الروح والعيــن تفـــداك
    ........................يا اجمل بشر مثل القمر في حـــلاتك
    العين مـــريوشه بها سـلاح فتـــاك
    ....................... ترمــي وكني واحــد ٍ من عـــــداتك
    طرف ٍ حور مزيون يا عود ما احلاك
    ......................... محتار شعري لا يوصف سمــاتك
    كلك قصيده عشق والقاف غنــاك
    ........................ يطرب لها الخــا فق ويسكن مبـاتك
    فل الشعر من فوق كتفك وغطــاك
    ...........................جادل على متونك ويستر قفــاتك
    قلبي نسي اسمي مع اسمك وناداك
    ........................ احـلا صبايا الكون مــاحد شـراتك
    صدري وطن لك وانت تدور لمرساك
    .......................... وعيشي على قلبي بقيـه حيـــاتك
    ليت العمر يرجع ورا واتمنـــاك
    .......................... مثل الشريط يعيدني بذكريـــاتك
    وعيش بك احلا سنيني ولا انســـاك
    ............................وشوف وش مقدار حبي بــذاتك
    والله احبك حب ولا حد يســواك
    ........................ يا جعل موتي قبل لا يجي ممــاتك
    تدري وش احلا شي سمعته من شفاك
    .......................... لا قلت راشـد من حلاوه شفاتك
    وتدري وش الي يتعب الشعر! معناك
    .......................... بيحت سري بالقوافي وجـــاتك
    يا كبر قدرك في خفوقي وما اغــلاك
    ....................... فوق الغلا يا اغلا الغوالي غــلاتك


    قصيدة ( ~ فرقاك عادي ~ )

    [poem=font="simplified arabic,6,red,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
    جيتك بشوقي والمحبه مقادير=جيتك وانا عندي ضمير وشهامه
    جيتك ولا هميت طول المشاوير=جيت وقلبي فوق كفي علامه
    جيتك وعاهدتك ولا شفت تقصير=وافي معك والقلب معلن هيامه
    جيتك وانا قايد سرايا طوابير=وطيت لك راسي من اعلى مقامه
    لكن تدري لو افترقنا وش يصير؟=والله بسيطه رح دروب السلامه
    دمرتني يا باهي الخد تدمير=ولا انته مسامح لين يوم القيامه
    كنت احسب ان عندك معزه وتقدير=يوم العرب ما يسحبون الملامه
    بعض المحبه ما وراها ابد خير =والحب بلوه يوم تجرح سهامه
    جرحك بقلبي ما تقوله تعابير=صرح الحزن في القلب عشرين قامه
    سهرت طرفي تالي الليل تسهير=وغطت على نجوم المحبه غمامه
    وونيت ونه كنها ثاني الجير= في شاص لاندكروز مزين وسامه
    زليت زله ما لها أي تكفير=شف راس مالي في الحياه الكرامه
    من بعد ما ميزت حبك عن الغير=صنته على راسي وفوق وعمامه
    فرقاك عادي ما لها أي تاثير=هديت صرحك في الحشا وهتمامه
    بكره انا بنساك وروح مع الطير=دربك خضر يا جعل فرقا غنامه
    وبتشوف كم ضبيً لفا عاكس السير=وده هوا راشد ويمسك زمامه
    جاتك حروفي في وداعك تباشير= وختمت قافي والتحيه ختامه[/poem]

    وسلامتكم اخوكم بن جرادان النسي الهلالي ..@


    التعديل الأخير تم بواسطة بن جـرادان النسي; 03-15-2010، الساعة 01:06 PM


  6. #6
    شــــاعــرومشرف قسم الشعر
    تاريخ التسجيل
    Feb 2008
    المشاركات
    1,662

    ما شاء الله والله يحفظك
    ديوان في قمة الروعه
    وصح لسانك ملايين

    تقبل تحياتي


    [frame="11 85"]
    وش كـلّفك عالقناصه تطلع جـبل باحقينه
    خـل القناصه لواحــد ملقي لبوها مريكان

    الشاعر// عـبثان بلّعور , رحمه الله ..
    [/frame]




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

المواضيع المتشابهه

  1. أسماء المعفي عنهم الدفعه السادسه
    بواسطة aabb1100 في المنتدى المنتدى العام
    مشاركات: 1
    آخر مشاركة: 12-22-2013, 09:33 PM
  2. نسـب قبيلـة آل ضبـاب ( النمـاره )
    بواسطة راشد الضبابي في المنتدى منتدى التراث والامثال والحكم
    مشاركات: 8
    آخر مشاركة: 10-23-2009, 10:42 AM
  3. بمناسبه تعيين راشد النسي مشرف قسم الشعر
    بواسطة عبدالله محمدالخليفي في المنتدى منتدى الشعر والتراث الادبي
    مشاركات: 10
    آخر مشاركة: 02-12-2009, 06:51 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك