للأسف ما دخلت منتدى الا ولقيت ...السيدات ..مسوين نياحة بسبب الوظائف.

الغريب ان كل واحدة تقعد تشتكي وشوي تبكي على النت ...ابي وظيفة وابي اشتغل وابي ..وابي

سودانيات انتوا ؟ وايش هالكسل اللي فيكم ( مع احترامي للسودان الشقيق )....يعني اللي خريجة كمبيوتر مثلاً وعندها خبرة بالحاسب ومشاكلة ...ماتقدرين تنزلين اعلان بالجريدة ( اصلاح اجهزة حاسب للسيدات ) وقيمته 200 ريال ، وخلي الزبونة تجيك وتشرح لك مشكلة الجهاز ....الخ ...اتوقع دخلك بيزيد وبدون اختلاط مع الرجال ...ياللي تدورين وظيفة : الله خاطب مريم واهي في اشد حالات الضعف ( حامل وفي الشهور الاخيرة) خاطبها بقولة تعالى ( وهزي اليك بجذع النخلة ) حنا عارفين ان النخلة ماتهزها امراءة قوية فمابالك بامراءة ضعيفة وحامل ...البداية من عندك تغيري وفكري كيف تستفيدين بشهادتك ...ياما نساء يشتغلون من بيوتهم طباخات والحين فاتحين مطاعم وصاروا سيدات اعمال ...اتمنى انه بكرة مانشوف نياحة ونشر الضعف بالمنتدى ..مافيه احد بيرحمك وانتي مضعفة نفسك للجميع ...بالعكس بيزيد استغلال الموقف لمصالحهم الشخصية او حتى العملية ...

نبي بنات مبدعات ...مو مقلدات ولا كسولات ...تكفى روحوا دوروا لنا وظايف بالمنتديات الثانية ....خلو هالمنتدي يخرج مبدعات ...والمبدعة اللي تفكر وتدرس وتشاور وتسال وتقرر وتنفذ ...

اذا انتي بارعة في اقناع الناس استفيدي من هالموهبة ، واذا انتي كاتبة مقنعه كمان استغليها في كسب رزقك ، فيه ناس الله رزقهم بسبب رجولهم ..وفيه ناس الله معطيهم جوال + سيارة+ نت + بيت ملك + ...الخ ولكن للأسف مو عارف قيمة نفسة .....

محدثكم صارت لي قصة مختصرها ...مامعاي ولا ريال واحد وكلي ديون ...من كثر الديون ماقدرت انام ...ووالله لا اقول الا حقاً ...نقزت من نومي رحت شرب مويا الساعة 2 بالليل ...مسكت ورقة وقلم وبدأت اخطط وشوي ارسم ملعب كرة قدم وشوي صارت عندي فكرة ...قلت في نفسي اشلون اخلي الجرايد يدفعون لي فلوس ؟؟؟ رحت لجريدة هنا بالرياض وعرضت عليهم الفكرة وشرحتها لهم وقلت لهم تراها بتدخل لكم ملايين ....بس في النهاية ضحك سكرتير رئيس التحرير وقال لي حنا مانشتري افكار ...لازم انت تجيب شركات ترعى هالفكرة حنا ننشرها لك ...ركبت مع واحد من اخوياي وقلت له رجعني البيت ...ما يائست ابداً والله زعلت مدة ربع ساعة بعدها ...قررت ازور الشركات ...اذا قلت لكم اني قابلت مدراء واصحاب قرار اكثر من 90 شخص تراها شوي وكنت اتنقع بالساعات عندهم على مابال يدخلوني على المدير برضه شوي ....

الحمدلله ...نجحت وجمعت مبلغ 850.000 ريال خلا 60 يوم ونشرت الفكرة في الجريدة ومستعد اعطيكم اسم الرجل تتأكدون منه واعطيكم اسم الفكرة ونشرت في هالجريدة واخذت مقابل مادي عليها لي ورحت سددت مديونية تفوق الـ100.000 ريال في اقل من يوم ...

انا متأكد ان عندكم افكار وابداعات واختراعات ....تفوق ابداعات الآخرين ...بس شوية تفكير ودراسة مصاريف وتوكل على الله ...لو رفضوا الفكرة 573255 شخص برضه واصل فيه ناس راح يقبلونها ...