منتديات شبوة نت

يعد هذا الموقع أكبر موقع عربي للبرامج و شروحاتها ، وهو أحد مواقع شبكة منتديات مكتوب ، انضم الآن و احصل على فرصة استخدام و تحميل و تنزيل و تجريب افضل برامج وادوات الكمبيوتر.



+ الرد على الموضوع
صفحة 1 من 20 1 2 3 11 ... الأخيرةالأخيرة
النتائج 1 إلى 6 من 120
Like Tree0Likes

الموضوع: روايــــــــــة تعبـــــــت أشـــــــــــكي(رواية سعودية)

  1. #1
    قلم ذهبي الصورة الرمزية البراء كاظم
    تاريخ التسجيل
    May 2006
    المشاركات
    842

    7 روايــــــــــة تعبـــــــت أشـــــــــــكي(رواية سعودية)

    السلام عليكم ورحمة الله وبركاته

    شايف المنتدى نايم في هذي اليومين

    وعلشان تستيقظون من سباتكم الشتوي راح أنشطكم بقصة تعبت أشكي للكاتبه (وصيت قلبــي عليك)

    تعالو معاي نشوف أحداثها
    واذا عجبتكم أكيد لازم أشوف ردودكم أول بأول ولا ماراح أكمل مثل ماعملت في رواية القرار الصعب




  2. #2
    قلم ذهبي الصورة الرمزية البراء كاظم
    تاريخ التسجيل
    May 2006
    المشاركات
    842

    الجزء الأول
    أم حنين\تكفين حنين خلا ص لاتصيحين أنت الكبيره لازم تصيرين قويه
    حنين وهي تصيح\يمه خلاص انا تعبت ماني قادره استحمل تعبت من كل شي تعبت من ابوي اللي مايدري وين الله حاطه فيه ومن عمامي اللي مش راضين يعترفون فينا اه اه يمه كل شي فوق راسي فواتير الماي والتليفون والكهرب انا اللي ادفعهم حتى الماجله (اغراض المطبخ)انا اللي اشتريهاوبعدين فلوس الدروس الخصوصيه ماتكفي الا حق اكلنا وشربنا ليش احنا من بد خلق الله مكتوب لنا الشقه والمذله ليه؟؟

    أم حنين\خلاص يمه قطعتي قلبي هذا اللي الله كاتبه لنا واحنا مانقدر نعترض على مشيئة الله الحمد لله على كل حال ياحنين يا حبيبتي في ناس اقل منا لا بيت يضفهم ولا احد حاميهم غير الله سبحانه والحمد الله عايشين على الله… قومي حبيتي غسلي وجهك وصليلك ركعتين وذكري الله الا بذكر الله تطمئن القلوب......

    وقامت حنين وسوت عالى اللي قالته لها امها وارتاحت نفسيا وحست ان حمل كبير انزاح منها.....

    وهذا حال عايلة حنين اللي كانت كل يوم تعيش مـــأساه جديده....


    وبقولكم نبذه عن كيف بدت هذه المأساه:

    يوم جاء يخطب (سعد )ابوحنين(حصه ) ام حنين

    كانت حصه معارضه الفكره اولا لأنها كانت صغيره على الزواج وثانيا لأنها كانت عارفه بأخلاق وطبايع ولد عمهاالشينه هذا غير ان في وحده من بنات عمها حاطه عينها عليه بس أمها أصرت انها تتزوج لأنها دائما كانت تقول:لا غمضت عيوني من الدنيا بتصيرين وحيده لأنه كلن بيكون لاهي مع عياله وماكان عند حصه الا أخوا واحدواسمه عادل توه متزوج

    وفعلا تزوجت حصه سعد وبدت المأساه وعاشت طول عمرها بمذله واهانات مالها اول ولا اخر وكانت كل يوم يصبح عليها بضرب ويمسي عليها بضرب علشان أسباب تافهه جدا وكانت ماتشوفه الا تالي الليل
    حتى شغله فنشوه لأنهم دروا بأنه يشرب الخمر في الفتره الأخيره

    وطبعا انتوا بتسألون كيف عايشين بدون دخل مادي؟؟؟

    كانت ام حنين عايشه على الله ثم الورث اللي من امها...... وبعد كم شهر حملت حصه وفرحت كثيير لأنها حست ان الله بيعوضها بطفل يملي عليها دنيتها بدال زوجهاوبعد شهور ولدت حصه وجابت حنين اللي كانت بمنتهى الجمال والنعومه كانت تشبه أمها كثيير خصوصا في عيونها السود وبياض بشرتها وشعرها اللي يشبه سواد الليل ....وكانت تتوقع حصه ان الطفل بيقرب زوجها منها بس طلع العكس تماماحتى لحد الحين
    ماتنسى يوم دخل عليها زوجهاعشان يزورهافي المتشفى لأنها ولدت وكان مره معصب والشرار يطلع من عيونه....

    ام حنين تبي تلين قلبه: سعد ماقلت لي الحمد لله على السلامه؟تبي تشوف البنت؟

    ابو حنين:وليه اتحمدلك بالسلامه وبعدين من حلات اللي جبتيهاعادعلشان اشوفها ؟

    ام حنين :خاف ربك هذه ضناك!!!!

    ابو حنين:اقول بس اسكتي لابارك الله فيك انت معا هالبنت سودتي وجهي قدام الناس

    تركها وطلع وهي في غمرة احزانها مصدومه مش مصدقه ان في قلب يكرهه عياله ومايعترف فيهم بس ماكانت تقدر تقول الا حسبـي اللــه ونعـم الوكيـل




  3. #3
    قلم ذهبي الصورة الرمزية البراء كاظم
    تاريخ التسجيل
    May 2006
    المشاركات
    842

    الجزء الثاني
    ومرت الأيام والسنين وصار عندهم بنتين الي هي (حنين)عمرها 24سنه مأخذه بكالوريوس رياضيات وتدرس دروس خصوصيه

    و(العنود)وعمرها18 سنه ثالث ثنوي علمي

    (عمر)وعمره 17سنه ثاني ثانوي علمي

    (سمر)اخر العنقودعمرها 5سنين......

    الأحد السادسه والنصف صباحا
    العنود\يمــه يمـــه

    دخلت حنين الغرفه\وشفيك تصارخين كأنك ضاربك بليس؟؟؟

    العنود\مـالك شغل ليه أصارخ.. انا ناديت امي ماقلت حنين..

    حنين\طيب يالعنود انا اراويك وبعدين لا تجين وتقولين لي حنين حبيتي عطيني مكياجك ولا حنين عمري عطيني استشوارك

    وطلعت حنين من الغرفه وهي معصبه وبعدها على طول اطلعت وراها

    العنود ونقزت في ظهرهاوقالت \حنونه لاتزعلين مني والله اسفه انا كنت معصبه لأن مريولي مالقيته وبس وحطيت حرتي فيك تكفين لاتزعلين انا بدونك ماسوى نص ريال في سوق الحراج و..

    حنين تقاطعها\خلاص حبيبتي لاتذلين نفسك أكثر من كذه واذا تبين مريولك تراه هوفي الصاله لأني كنت أكويه لك ياغبيه

    العنود\ اذا كل يوم بتكوين مريولي اصير غبيه واللي تبينه بعد وتسلمين يابعدطوايف وقلب وروح وجدة وخالة......

    حنين تقاطعها \ بس بسس اذتينا على الصبح يالله صباح كريم .... اقول عنوده تسمعين اللي اسمعه؟؟هذاصوت امي تصحي عمر؟؟

    العنودبأبتسامه خبيثه\يالله حان وقت العمل...فيني حره وودي اطلعها فيه

    دخلوا غرفة عمر وهم حاملين بأيديهم سطل ماي بارد(الله يعينك عمر)

    ام حنين\يمه عمر قوم يالله صل الفجر علشان تروح المدرسه

    العنود وحنين\يمه عنك احنا بنقومه روحي خذي الدوا و جهزي الفطور

    ام حنين\بسم الله الر حمن الرحيم من وين انتوا دخلتوا؟

    العنود\ من وين يعني يمه من الباب

    ام حنين\طيب صحوا أخوكم بس و بلا دفاشه زايده عن اللزوم

    حنين\انشاء الله انت تأمرين امر يالغاليه

    طلعت ام حنين من الدار وعلى طول عدوا 1\2\3وكبوا الماي في وجهه

    عمروهو يصرخ\الله يأخذكم يالحميرليه تسون كذه؟؟؟؟؟

    العنود\بس علشان مره ثانيه تصحى بسرعه o.k my brother…

    عمر\هين والله لراويكم الشغل عدل وحده بوحده واللي بادي أظلم ياللي ماتستحون................................

    حنين\يمـــه خرعتني اقول بس قم بسرعه تأخرت على الصلاه والمدرسه

    عمر\زين زين فكوني من حشرتكم طلعوا بره

    وبعدها راح كل واحد منهم لدربه


    وصحت سمر من النوم وطلعت من الغرفه وراحت الصاله وشافت هناك امها وحنين............................................. .....................................

    واللي يشوف شكلهايموووت من الضحك لأن طالعه زي المهرجان الكشه ناطه والعيون والخشم منتفخين

    سمر\ماماتي وين عنوده وعمر؟؟؟

    ام حنين \حبيبتي راحوا المدرسه

    حنين\سموره تعالي

    وعلى طول ماصدقت خبر سمر طارت لحظنها

    سمر\حنين انا احبك

    حنين\وانا بعد يالله عطيني بوسه

    وعلى طول حبت سمر حنين بقوه وبعدين عظتها

    حنين\اي حرام عليك ليش تعظيني؟

    سمر \عنوده تقول كذه

    حنين\لا والله

    سمر\اي والله

    حنين\يمه شوفي بنتك فشلتنا كل تعظظ البزارين اللي في حارتنا علشان الانسه عنود معلمتها هالحركه

    ام حنين\لا عاقله سمر ماتسوي هالحركات صح سمر؟؟


    سمر\صح ام حنين\ يالله حبيبتي روحي شوفي MBC3جابوا الكارتون اللي تحبينه

    سمر\طيب ماما

    حنين\اقول يمه وش قلت نروح بيت عمي والا لا؟

    ام حنين\والله مدري انت شرايك؟؟

    حنين\انت قلت لأبوي ؟؟؟

    ام حنين\ايه قلت له وهو بيروح

    حنين\طيب انا لازم اخذ اخواني واروح السوق عشان نشتري للعزيمه

    ام حنين\ليه ياحنين؟؟ ماله داعي تشترون ملابس جديده وانت تدرين بالحال...
    حنين\ ولو يمه مافي أحد أحسن من أحدوبعدين مابي أخواني يحسون


    ان هم احسن منا انا على الاقل انا فاهمه بس اخواني صغار ومايفهمون وأكيد بيحسون بالنقص

    حنين\يمه تصدقين انا اصلا مستغربه بالعزيمه المفاجئه ....غريبه هم

    أصلا مقاطعينا من زمان ولايعترفون فينا ولا في ابوي كيف يعزمونا الحين؟؟؟؟

    ام حنين\ والله مدري يابنتي اكيدالله هداهم واعترفوا بغلطهم ويبون يصلون الرحم بعد القطيعه

    حنين\كل شي جايز اقول يمه انا بروح انام شويه واذا جاوا البنات صحيني علشان ادرسهم

    ام حنين\انشاء الله

    حنين\يمه شفيك تعبانه خذت دواك

    ام حنين\ أي حبيبتي خذته روحي ارتاحي

    حنين\ اكيد مافيك شي؟؟

    ام حنين\ايه اكيد

    حنين\طيب انا بروح الحين

    دخلت حنين غرفتها وسكرت الباب وراها وهي مره حزينه لأنها تذكرت ذاك اليوم وعمرها مابتنساه طول العمر يوم ابوها

    طرشها بيت عمتهاالظالمه علشان تطلب منها فلوس ليشتري فيه السم

    الملعون (الخمر)اللي ضيع حلال ابوها كله تذكر ذاك اليوم وكأن صار امس

    تذكر ذاك اليوم اللي سمعت فيه انواع الأهانات والتجريح تذكر قسوة

    الدنيا عليها وعلى أخوانها بس دائما كانت تقول الدنيا دواره والله على الظالم..........."




  4. #4
    تصدقي ما أقدر أعطيك رائي علشان القصه مش واضحه وعلى فكره رواية القرار الصعب حلوه بس لازم تكملينها حتى لو ماخذتي ردود لاتحملي الجميع غلطة أي شخص وبصرحه أنا أول مادخلت النت ما كنت أرد مع الوقت صرت أخذ واعطي وهذا كله علشان حسيت إننا عائله لازم نشجع بعض لاتتأخري مشكورهhttp://www.sh3bwah.com/vb/images/smilies/heart.gif






  5. #5
    قلم دائم التألق.. الصورة الرمزية صاحب الامتياز
    تاريخ التسجيل
    Oct 2006
    المشاركات
    138

    مشكور اخوي على القصة وياليت تكملة والله القصة حلوة بس مو تكمل النص وتقول ما فية ردود وتوقف


    بطلت أحب وأعيش دنياي مرتاح...
    حتى الهوى غيرت فيه إتجاهي...
    لاحزن لادمعة ولاذل وجراح...
    لاقلب مشغول ولافكر ساهي...
    بدلت كلمات الغزل جد وصياح...
    لاعاش من يقدر يعكر مزاجي...
    أباخذ الدنيا دلع ولعب وأفراح...
    أبغى كذا أعيش دنياي لاهي...!!


  6. #6


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك